打開洗衣機門即崩潰 紙巾碎/淺色衫染色/勁皺點處理?| likemagazine.com.hk
Beauty & Health
打開洗衣機門即崩潰	紙巾碎/淺色衫染色/勁皺點處理?

打開洗衣機門即崩潰 紙巾碎/淺色衫染色/勁皺點處理?

趁好天氣,拿拿淋洗衫先。今時今日洗衫有洗衣機幫手,本來好方便快捷,不過一唔小心,麻煩事又找上門,例如洗手衫發現有衣衫甩色,將其他淺色衫染到五顏六色一撻撻;因為大意無check清楚衫袋褲袋,留下紙巾,OMG!所有衫都黏滿紙巾碎,點揚點掃都整唔走;因為洗衣機轉速高,脫水太強力,洗好嘅衫皺到無朋友,就算熨極都有摺紋。唔使擔心,凡事都有辦去解決,今次就教你輕鬆處理方法

 

淺色衫被染色

要將染喺淺色衫上嘅顏色脫色,秘訣係用提高洗衫嘅水溫。將被染色衫褲放入洗衣機,用攝氏50度左右水溫再洗一次。洗衫時,除咗要落比平時多兩倍嘅洗衣劑,仲要落氧系漂白劑。氧系漂白劑主要成分係雙氧水,發揮作用較慢,但用起嚟較安全。提議你要將兩種劑料攪拌溶解,先好撳掣開始洗衫。水洗約10分鐘,淺色衫上嘅染色就除去,然後按正常曬乾就可以。陽光都有淨白作用,曬下件會雪白啲。若果抗拒用漂白劑,可以試下用滴露消毒水。同樣洗衣機開暖水,然後喺加入適量滴露消毒水,放入染色衫褲,洗好後晾乾即可。下次要完全避免淺色衫洗後被染色,最好係分開深淺顏色衫褲洗,咁就萬無一失。

 

衫褲黏滿紙巾碎

咪天真以為拍下揈下衫褲就可以整甩啲紙巾碎,就算你幾用力都係無用!與其嘥力,不如放入洗衣機再洗過。不過今次要落唔係洗衣劑,而係柔順劑。柔順劑落適量分量就得,洗完後,揚一揚衫褲,紙巾碎就會掉落,乾淨晒。事後,咪忘記洗衣機內殘留好多紙巾碎,記得都要清理,如果唔係下次洗衫又有排煩。

 

衣衫洗後勁皺

買洗衣機時,有人會揀轉速高,覺得洗衫會乾淨啲,不過問題係脫水力太強,有機會令衣服失去水分而皺到無朋友,點揚都係皺,出動熨斗熨都係皺,褶紋好深。要解決問題,方法係讓衣服有水!將衫褲整濕,放再洗衣機選用短時間脫水模式,衫褲濕氣提高,就會無咁皺。衫褲拎出嚟有輕微水滴滴,揚下佢,輕力扯下,皺褶紋就消失,平整得多。

 

 

你或會有興趣的相關文章:

洗衫勁落洗衣液  小心殘留刺激皮膚過敏

冬天晾衫好難乾3個小撇步快速乾衣

 

TEXT: MaryLin

相關文章
防疫關鍵咪亂信網絡傳言│提醒親友3個瘋傳錯誤防疫資訊防疫關鍵咪亂信網絡傳言│提醒親友3個瘋傳錯誤防疫資訊 秋冬天氣乾燥 4步做好頭髮護理 擊敗頭皮屑!秋冬天氣乾燥 4步做好頭髮護理 擊敗頭皮屑! 瞓唔著食靜岡蜜瓜?           含高量GABA有助入眠瞓唔著食靜岡蜜瓜? 含高量GABA有助入眠 食得好提升免疫力防疫│ 中醫分享養生健康飲食法         食得好提升免疫力防疫│ 中醫分享養生健康飲食法 網傳肺功能測試唔可靠│護己護人│出現病徵及早求醫網傳肺功能測試唔可靠│護己護人│出現病徵及早求醫 包到成隻糉手腳依然冰冷                         中醫教按摩耳仔暖手腳包到成隻糉手腳依然冰冷 中醫教按摩耳仔暖手腳 新型肺炎病毒可存活5天│勤洗手戴口罩外│仲有呢兩招抗疫新型肺炎病毒可存活5天│勤洗手戴口罩外│仲有呢兩招抗疫 大批港人湧上山郊遊避疫         口罩亂丟造播毒危機大批港人湧上山郊遊避疫 口罩亂丟造播毒危機