香蕉唔止香甜有營養 唔講唔知香蕉7個用處 | likemagazine.com.hk
Beauty & Health
香蕉唔止香甜有營養      唔講唔知香蕉7個用處

香蕉唔止香甜有營養 唔講唔知香蕉7個用處

香蕉唔止香甜美味,營養價值都好高。食香蕉除咗眾所周知嘅滑腸順便、補充能量、緩減腳抽筋等作用外,原來仲可以減壓、美容及提升腦力等。食條蕉就可以得到咁多好處,若果以為被人「叫食蕉啦!」,唔使嬲到震,當佢有心溫馨提示你,用正面化解怨氣怒憤。

 

1.  趕走憂鬱

香蕉唔止含有鉀,仲有鎂。每隻中等大小嘅香蕉約有33毫克鎂。鎂有助抑制負面情緒,減緩焦慮的感覺。所以當感到唔開心、憂鬱時,不妨食隻蕉!

 

2. 提升腦力

英國有研究發現,學生喺早餐、小息和午飯時食適量香蕉,注意力更集中,提升學習效率更好。

 

3 解酒

飲酒後有宿醉?飲杯香蕉蜂蜜奶昔!原因係香蕉有護胃作用,牛奶可緩解酒後脫水,蜜糖能提升血糖水平。幾管齊下,醉意全消。

 

4. 蛟叮止痕

被蚊叮,皮膚紅腫,抓極都係痕。食隻香蕉,然後取蕉皮白色部分,薄薄搽啲喺患處。香蕉皮中嘅蕉皮素能夠抑制紅菌生長,可舒緩痕癢,消減紅腫。

 

5 美肌潤膚

香蕉搗成糊狀,均勻塗抹喺臉和頸部,敷1020分鐘,然後用水沖洗乾淨。敷完香蕉面膜,皮膚滑溜又滋潤。

 

6 增強免疫力

香港成熟時,蕉皮會出黑斑。原來黑斑愈多,代表含有嘅免疫活性更多。有研究指出,食蕉3小時後,人體白血球的數量會增加,而且能維持48小時,提升免疫力,對預防感冒有效。

 

7. 補充體力

有啲運動賽事會為運動員提供香蕉作為能量補充。有無諗過點解係香蕉?唔係蘋果唔係橙呢?因為香蕉係最佳嘅「肌肉燃料」!美國有大學曾作研究,以踩單車15分鐘作測試,結果發現食半條蕉和飲相同比例運動飲料都能為身體補充能量,食蕉甚至比運動飲料帶來更多抗氧化營養素。

 

 

你或會有興趣的相關文章:

運動前食蕉增耐力  運動後食蕉防抽筋

 

TEXT: MaryLin

 

相關文章
控重成功在timing│揀啱時間食三餐控重成功在timing│揀啱時間食三餐 沖涼好簡單但都會做錯│ 小心4大錯誤損健康沖涼好簡單但都會做錯│ 小心4大錯誤損健康 忽冷忽熱咳到甩肺        橙梨性寒加熱轉性止咳忽冷忽熱咳到甩肺 橙梨性寒加熱轉性止咳 常著高跟鞋腳痛又痺        一個網球緩減腳痛常著高跟鞋腳痛又痺 一個網球緩減腳痛 咖啡唔係人人啱飲                        3個情況飲咖啡影響健康咖啡唔係人人啱飲 3個情況飲咖啡影響健康 剪傷指甲感染痛歸心   點剪指甲先正確?剪傷指甲感染痛歸心 點剪指甲先正確? 為健康加油做瑜伽│消委會: 9成瑜伽墊含有/釋出有害物為健康加油做瑜伽│消委會: 9成瑜伽墊含有/釋出有害物 瞓醒口氣臭到冤             中醫教判味知健康狀況瞓醒口氣臭到冤 中醫教判味知健康狀況