頭髮反映健康狀況 日甩百條頭髮屬正常| likemagazine.com.hk
Beauty & Health
頭髮反映健康狀況	日甩百條頭髮屬正常

頭髮反映健康狀況 日甩百條頭髮屬正常

頭髮係三千煩惱絲,有又煩,冇又煩。如有頭皮痕、頭皮、大量甩頭髮、白髮增多等問題,原來從頭髮狀況可以知道健康狀況。

 

頭皮「落雪」患濕疹

頭皮表皮上嘅角質層會自然舊換新,偶爾或有少量頭皮屬正常生理現象。但有人一到轉季,頭皮多如落雪,除咗因為氣溫環境變化導致頭皮敏感而脫屑,另外也有可能係脂漏性皮膚炎作怪。脂漏性皮膚炎係一種很常見嘅慢性反覆發作皮膚炎(濕疹),常發生喺頭皮、臉部,症狀輕微時會頭皮癢、有頭皮屑,嚴重嘅話頭皮會發紅、發炎、掉髮都有。經常捱夜、壓力大、常食辛辣及刺激性食品,都有機會令頭皮增加。

 

缺鐵易甩髮

好多女生都有髮量減少、頭髮變細、白髮增多等煩惱。偏食、過度減肥、身體缺鐵和鋅等都會影響頭髮正常生長。缺鋅頭髮唔靚又生得慢;身體缺鐵易甩髮、髮量減少。飲食中,食蠔、牛肉、羊肉等有助補充鋅和鐵。此外,女生食避孕藥、打催經針、生育後等,荷爾蒙出現變化、都會導致頭髮進生長入休止期,因而掉髮量增加。至於男性甩髮,多數與遺傳有關,也有可能係由生活壓力直接反應。此外,有男生亦奋為生理疾病如甲狀腺功能異常、自體免疫性疾病而有甩髮問題。

 

毛囊老化生白髮

白頭髮本來係衰老嘅表徵,但近年愈來愈多年輕或正值壯年摡人都提早長白髮、灰髮,撇除遺傳,成因之一係緊繃生活致令身心疲勞,影響健康,傷腎氣。當頭皮毛囊老化或內裡嘅黑色素細胞不足,便會有白髮。中醫認為,白髮生喺頭部唔同位置,可反映身體唔同問題,例如白髮生喺兩側多與肝氣鬱結、情緒低落有關。生喺後枕至前額,或甚至全頭白髮,多與腎氣虛弱、勞累及情緒悲傷有關。

 

唔係全家啱用一樽洗頭水

要長有一頭烏黑靚髮,保持身體健康係重點;另外,也要注重頭皮保健。頭皮好似皮膚,會出汗,有油脂分泌,所以日常清潔唔可以馬虎。洗髮要用洗頭水,點揀至好呢?應該按個人頭皮油膩程度選擇,只要用後頭皮唔覺緊繃、唔覺刺激,同時能夠將頭皮上髒污油垢去除便可以。人人髮質不同,頭皮健康狀況不同,所以咪天真以為一樽洗頭水全家都啱用,有必要嘅話,大家分開買適合嘅洗髮水。使用護髮素時,記住護髮素嘅作用係柔順頭髮,令其有光澤感,重點修護係頭髮,唔係頭皮,所以應該搽喺頭髮上,避免直接搽喺頭皮上,增加頭皮嘅負擔及油膩感。

 

未必要日日洗髮

有人問:需要日日洗頭嗎?其實唔係人人需要,視乎頭髮清潔及頭油分泌程度而定。有人唔鍾意洗頭,因為怕洗得密會甩頭髮。事實上,頭髮生長周期分為生長期、衰退期和休止期。頭髮在生長期時,平均每個月可以長1厘米,進入衰退期時,頭髮便停止生長,到了休止期,頭髮會掉落。每日掉髮平均100條左右都屬正常。

 

 

你或會有興趣的相關文章:

冬天天氣乾燥  4步做好頭髮護理  擊敗頭皮屑!

白髮用頭髮初老徵兆  暖敷按壓百會穴有助改善

 

TEXT: MaryLin

相關文章
以為藍光搞到瞓唔到?              其實黃光更令人醒神以為藍光搞到瞓唔到? 其實黃光更令人醒神 指甲反映健康狀況│即check 你係咪健康!指甲反映健康狀況│即check 你係咪健康! 瞓到半夜火燒心             胃酸倒流延醫增患癌風險瞓到半夜火燒心 胃酸倒流延醫增患癌風險 減肥要食得飽又滿足│日本營養師推介:南瓜高纖熱量低減肥要食得飽又滿足│日本營養師推介:南瓜高纖熱量低 喝了這四款養顏糖水,秋冬滋補又美容!喝了這四款養顏糖水,秋冬滋補又美容! 經常唔食魚缺碘大頸泡                              狂食紫菜零食小心甲亢經常唔食魚缺碘大頸泡 狂食紫菜零食小心甲亢 出盡法寶都係瞓唔著│善用每日3個5分鐘│踢走失眠出盡法寶都係瞓唔著│善用每日3個5分鐘│踢走失眠 常睇屏幕處理文書│雙眼睛疲勞又乾澀│調較呢3項升閱讀舒適感常睇屏幕處理文書│雙眼睛疲勞又乾澀│調較呢3項升閱讀舒適感