入廚新丁問題天天多 雞蛋室溫定冷藏保存?| likemagazine.com.hk
Beauty & Health
入廚新丁問題天天多	雞蛋室溫定冷藏保存?

入廚新丁問題天天多 雞蛋室溫定冷藏保存?

新鮮嘅蔬果和食物買返嚟後,究竟應該放室溫定係冷藏保存呢?呢個問題經常煩擾入廚新丁。有人唔理三七二十一,乜都放入雪櫃,相信低溫保存乜都啱使。至於雞蛋,有人話常溫保存OK,有人堅持要放雪櫃。究竟邊個做法先啱呢?

 

放雪櫃蛋經清洗

雞蛋呢,若果去街市買,雞蛋係室溫存放;若果去超市買,雞蛋係放雪櫃入面。點解唔同嘅?放喺雪櫃出售嘅雞蛋都經過洗滌除沙門氏菌。由於雞蛋經清洗後,外殼上嘅一層薄薄天然解皮層會無咗,為免雞蛋變壞和控制細菌生長,必須放喺低溫環境下保存,保存期最長可至4050天。有些品牌雞蛋會喺雞蛋上印有食用限期,令人食得安心。如果雞蛋買嘅時候就放雪櫃,買返屋企後,都要放雪櫃,如放室溫,可能會導致水氣凝結,令雞蛋生霉菌和易變壞。

 

室溫存蛋只放1星期

如果喺街市買雞蛋,一般都係室溫存放,雞蛋無經過清洗。室溫存放約可放1星期左右。不過香港天氣潮濕溫暖,夏天更係悶熱,如果雞蛋放常溫會易變壞。所以建議就算買蛋時係室溫保存,買返屋企後放雪櫃較好,因低溫較能延遲微生物繁殖和生物化學反應。另外,有人買蛋後,怕蛋上有菌,習慣洗蛋。但正如之前所講,雞蛋經清洗後無咗保護層,保鮮力大減。洗蛋後,必要放入雪櫃保鮮。

 

 

TEXT: MaryLin

相關文章
戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆