上班族難言之隱 便秘少食7類食物| likemagazine.com.hk
Beauty & Health
上班族難言之隱	便秘少食7類食物

上班族難言之隱 便秘少食7類食物

健康的人日日「有入有出」,所指嘅「入」就係食物,而「出」就係便便。好多上班族因日常飲食不均衡、少運動、少飲水等,而有便秘問題。咪以為無得去廁所係小事,若坐視不理,久而久之,可能會出現併發症,包括大便嵌塞、痔瘡、肛裂和直腸脫垂。有營養師建議日常飲食中少食呢7種,以免令便秘加劇。

 

乳製品

乳製品如全脂牛奶、乳酪等不含纖維,也會導致脹氣,令便秘更嚴重。另外,乳製品含有乳糖,而有些人腸道中缺乏能夠分解乳糖嘅酵素酶,就會導致便秘。

 

油炸食品

油炸食品如炸雞、炸薯條等,脂肪含量高,纖維少,腸胃要花更多時間消化,會導致腸道堵塞。

 

紅肉

紅肉含脂肪高纖維少蛋白質高,胃部需要較長時間消化。

 

白米飯

白米缺乏纖維,會喺腸道內滯留較長時間。如必要食飯,又可以選擇,食糙米有助改善便秘。

 

甜食

甜食多數糖分高,纖維含量少,又係高脂食物,都係對腸胃唔好。甜食之中,好多人對朱古力情有獨鍾。曾有研究指,朱古力與消化問題有一定關係,可能係引起腸道不適的成因之一。

 

未熟嘅香蕉

香蕉香甜美味,而且含有豐富纖維和碳水化合物,本來應該多食。不過,若果香蕉未熟透,當中嘅單寧酸成分會抑制胃液分泌和胃腸道蠕動,食得多會加重便秘。

 

咖啡和茶

咖啡有提神作用,不過咖啡因可以利尿,容易導致脫水並導致便秘。茶品含有單寧酸,會令便便黏埋,影響排便。

 

每日攝足夠水分

要預防便秘,重點係奉行均衡飲食外,攝取足夠嘅膳食纖維。成年人每天進食最少5份蔬果和適量其他高纖食物,例如豆類和燕麥等。加工食物、快餐食物、糖果、精製五穀(如白飯、烏冬和白麵包)等低纖食少食為上。仲有係,每天要攝取充足水分,有助軟化便便,令便便更易排出。多數成年人每日要飲68杯流質飲品,水、湯水、清茶等都可以。此外,恒常做運動,有助改善消化功能及刺激腸道蠕道,預防便秘。

 

 

你或會有興趣的相關文章:

火龍果低熱量高纖  紅肉白肉營養大不同

OL久坐易便秘  一組簡單伸展動作助暢便

 

 

 

TEXT: MaryLin

相關文章
炸物沾番茄醬美味倍增│番茄醬高糖高鈉含味精│長期多食恐致病炸物沾番茄醬美味倍增│番茄醬高糖高鈉含味精│長期多食恐致病 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 春濕細菌生屋企一陣味│燒艾熏屋天然消毒淨氣春濕細菌生屋企一陣味│燒艾熏屋天然消毒淨氣 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 中年人血脂失調危健康│5種食物助降膽固醇中年人血脂失調危健康│5種食物助降膽固醇 疫情回落防疫勿鬆懈│提防11個傳疫不良習慣疫情回落防疫勿鬆懈│提防11個傳疫不良習慣 都市人常難安穩入睡│中醫教赤腳行接地氣改善失眠都市人常難安穩入睡│中醫教赤腳行接地氣改善失眠 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間