新春返內地防肺炎外 鼠疫都要留神 | likemagazine.com.hk
Beauty & Health

新春返內地防肺炎外 鼠疫都要留神

就快到農曆新年,又到咗出遊旺季。武漢因為出現不明肺炎,搞到人心惶惶。若真有需要今個農曆年返內地行大運嘅話,除咗要留神武漢或附近地點,北京和內蒙古都有風險。因為內地由11月起接續出現鼠疫,而鼠疫可由受感染動物身上帶菌嘅跳蚤經叮咬人類而傳播。如有需要前往該區嘅人,必要提高警覺,慎防鼠患及被跳蚤咬。

 

感染鼠疫致命率達6

最近大家密切關注內地不明肺炎疫情,而未必留意到內蒙古都受鼠疫為患。其實早喺去年11月尾,內蒙古有一名牧民確診患上腺鼠疫,發病前曾於鼠疫疫源地活動。之後,內地再確診多3宗個案,包括北京兩宗肺鼠疫個案,涉及內蒙古一對夫婦;及內蒙古一宗腺鼠疫個案,涉及一名男子。鼠疫由受感染動物(主要是齧齒動物)身上帶菌的跳蚤經叮咬人類而傳播。人體皮膚若有傷口並與帶菌動物的體液或組織接觸,亦有機會受到感染。另外,肺鼠疫患者或動物呼吸道分泌物中含有大量鼠疫菌,可經由呼吸、咳嗽將鼠疫菌排入周圍空氣中,形成細菌微粒及氣溶膠,造成肺鼠疫傳播。有傳染病專家指出,感染鼠疫嚴重嘅話可入血、入肺,致命率高達6成。

 

防蚊液防止跳蚤咬

香港衞生防護中心早前發出公布,提醒旅遊人士應避免前往鼠疫疫區旅行。如必要前往,建議著長袖衫褲作保護,留意住宿地方床被嘅衞生,並塗上防蚊用的昆蟲驅避劑,可防止跳蚤及吸血類昆蟲叮咬。購買防蚊用品時,睇下液體或噴霧配方嘅有效成分係咪包含避蚊胺、IR3535或「埃卡瑞丁」(又名「派卡瑞丁」)。含避蚊胺嘅防蚊用品可塗喺外露皮膚和衣服。至於含氯菊酯的殺蟲劑可塗在衣服表面,切忌塗在皮膚。旅遊期間,避免去到郊外或露營,唔好接觸野生動物、動物屍體等。街市、野味市場等呢啲高危地方唔好最好,人多擠迫嘅地方都係可免則免。由於鼠疫潛伏期可長達7日,返港後如突然發燒、發冷、淋巴結疼痛、呼吸困難和咳嗽及/或痰中帶血,應立即求醫。

 

 

TEXT: MaryLin

相關文章
減肥要食得飽又滿足│日本營養師推介:南瓜高纖熱量低減肥要食得飽又滿足│日本營養師推介:南瓜高纖熱量低 5歲童遊樂場滑梯染虱                  勤洗手忌捽眼防染病5歲童遊樂場滑梯染虱 勤洗手忌捽眼防染病 飲汽水好易肥!             原來碳酸作怪令人快肚餓飲汽水好易肥! 原來碳酸作怪令人快肚餓 告別傳統Sit up   9 招在家運動火速收腹告別傳統Sit up 9 招在家運動火速收腹 三文治處理不當高風險              最易食物中毒?             蛋沙律菜絲三文治三文治處理不當高風險 最易食物中毒? 蛋沙律菜絲三文治 天氣凍打邊爐暖笠笠                   唔想肥緊記7大要點天氣凍打邊爐暖笠笠 唔想肥緊記7大要點 喝了這四款養顏糖水,秋冬滋補又美容!喝了這四款養顏糖水,秋冬滋補又美容! 罐頭食物唔健康?                        罐頭魚和番茄比天然食物更有營罐頭食物唔健康? 罐頭魚和番茄比天然食物更有營