睡意濃因身體缺水 兩個時段飲水全日醒神| likemagazine.com.hk
Beauty & Health
睡意濃因身體缺水	兩個時段飲水全日醒神

睡意濃因身體缺水 兩個時段飲水全日醒神

對好多打工仔嚟講,每日午飯後,可能飯氣攻心,又可能上午太勤力耗掉大部分精力,呢個時段經常覺得好眼瞓。眼皮就快撐唔起,飲杯咖啡提提神。不過咖啡有咖啡因,有人唔受得,飲完係好醒神,但可能夜晚無覺好瞓。想繼續衝但唔要咖啡因,可以點?有醫生話,只要每日喺兩個時間飲水,就達到提神效果。

 

口渴先飲水太遲

有腎臟科醫生指出,當人覺得攰嘅時候,代表身體已缺水,係時候補充一下。當身體有足夠水分,就能恢復精神。好多人平時習慣等到口渴先飲水,但到有口渴嘅感覺,身體已經嚴重缺水。另外,想知道身體係咪唔夠水,睇下尿嘅顏色都可以。若果好似烏龍茶咁深,記住快啲飲啲水。仲有呀,如果你發覺自己皮膚變乾、有便秘、食飽仍然餓,都代表身體缺水,要適當補水。

 

朝早起身飲杯水

一日裡頭有兩個時段飲水,可以令你更醒神。第一個係朝早。瞓醒起身,飲太約500c.c.水,可以補充身體一晚消耗嘅水分。瞓覺時,身體會流汗、會製尿,都會令體內水分流失。晨早飲杯水,仲可以令缺水而升高嘅血液濃度變得唔會太「杰」,減少腎臟嘅負擔。

 

體內缺水添睡意

當我們瞓覺時,身體為維持水分平衡,會釋放抗利尿激素,減少排尿。但到下午時分,我們身體工作咗大半日,體內積累好多廢物,腎臟無法排出,導致唔可以正常咁分泌抗尿激素,身體為咗留住僅剩嘅水分,所以會覺得疲倦。呢個時候,只要飲杯水,幫身體補水,體內有足夠水分就會排尿,將廢物排走,腎臟能正常運作,人就精神起來!

 

 

你或會有興趣的相關文章:

朝早起身照鏡OMG  水腫點算好?

晨早起床飲杯水  應該刷牙前定後?

 

 

 

TEXT: MaryLin

相關文章
30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」!