朝早起身照鏡OMG 水腫點算好?| likemagazine.com.hk
Beauty & Health
朝早起身照鏡OMG	水腫點算好?

朝早起身照鏡OMG 水腫點算好?

女明星接受訪問,講到自己狀態不佳,水腫嚴重,上鏡面口臃腫,唔夠sharp醒。水腫係好多女生嘅苦惱,當一覺瞓醒,照鏡見到自己面部浮腫,即刻無晒mood。究竟有乜方法可以去水腫?又有乜方法可以避免水腫呢?

 

屬生理現象

要遠離水腫,首先要了解點解會水腫。水腫係一種生理現象,可發生喺全身,但最常見出現喺四肢,如手臂、腳、足踝等。造成水腫原因有好多,撇除疾病、食藥和接受治療成因外,其他仲有食得太鹹、生理期、少運動、蛋白質營養不良等。

 

按壓知有冇水腫

點判斷自己肥咗定真係水腫呢?方法好簡單,用手指指腹輕壓水腫部位大約510秒,正常情況下,移開手指後皮膚應該立即彈回,若果按壓部位呈凹陷,無法瞬速彈回,代表有水腫。視乎按壓後彈回嘅時間,就知道水腫嚴重程度。

 

飲食限鈉高鉀

基本上,由體質、飲食等非疾病因素所造成嘅水腫,多半為暫時性現象,而且水腫程度較輕微,一般只要調整飲食、生活作息,或移除原因後就能改善。如確定水腫乃生理水腫,而非因疾病、服藥或接受治療而引起,日常生活和飲食上要注意以下幾點:

 

飲食方面,切忌食得太鹹,攝取過量鈉會促使身體將水分留喺體內,造成水腫。飲食中,醬料、加工食物、醃製食品多數含鈉量高,少食為妙。另外,多食菇類、藻類、乾豆類或香蕉等鉀含量較高嘅食物,因為鉀有助鈉排出,改善水腫。日常飲食要確保攝取足夠蛋白質,蛋白質不足可能造成營養不良性水腫。此外,有人見自己水腫就唔敢飲水,其實飲水同水腫無關係。飲唔夠水,當又食得太鹹,令體內鈉過多而水腫。所以呢,每日飲足夠水對身體健康好重要。

 

多郁動促血液循環

成日話常運動身體好。要去水腫,唔好成日坐,起身做運動啦!坐得太耐會影響下肢血液循環,當水分唔可以順利回流,就會造成下肢水腫。返工打電腦太耐,記住適時起身行個圈,郁下手腳。坐喺度嘅時間,喺枱底伸展下雙腳都係運動一種。企得太耐都唔好,例如做sales,雙腳都易腫,著彈性襪幫對腳適當加壓,有助下肢血液回流。就算生活再忙,都應該抽啲時間做運動,跑步、游水、踩單車,總有一種運動適合你。衣著方面,唔好長時間著高跟鞋,唔好著太緊嘅鞋,唔好著太束腰或緊身嘅衫,以免影響四肢血液循環。

 

 

 

你或會有興趣的相關文章:

OL久坐易便秘  一組簡單伸展動作助暢便

女生矛盾想食又怕肥  風靡日本兩招健康減肥法

 

 

TEXT: MaryLin

 

相關文章
常運動抗衰老                  研究:跑步半年血管逆齡4年常運動抗衰老 研究:跑步半年血管逆齡4年 掃地時家中嬰孩要避開              吸塵機揚塵污染家居空氣掃地時家中嬰孩要避開 吸塵機揚塵污染家居空氣 魚油VS 魚肝油│唔一樣架!營養成分大不同魚油VS 魚肝油│唔一樣架!營養成分大不同 新婚夫婦甜蜜枕住手臂瞓         小心患「蜜月手」痛到舉唔起新婚夫婦甜蜜枕住手臂瞓 小心患「蜜月手」痛到舉唔起 梳打餅好健康?             高脂高鈉多食一樣肥梳打餅好健康? 高脂高鈉多食一樣肥 氣溫下降冚幾張被保暖              冚被順序影響保暖度氣溫下降冚幾張被保暖 冚被順序影響保暖度 保持雙手清潔防病菌散播│酒精搓手液點用至正確?保持雙手清潔防病菌散播│酒精搓手液點用至正確? 去廁所便便時玩手機   久坐馬桶易便秘生痔瘡去廁所便便時玩手機 久坐馬桶易便秘生痔瘡