梳打餅好健康? 高脂高鈉多食一樣肥| likemagazine.com.hk
Beauty & Health
梳打餅好健康?	高脂高鈉多食一樣肥

梳打餅好健康? 高脂高鈉多食一樣肥

零食之中,梳打餅入口輕脆得嚟味道輕淡,畀人健康感覺,。但事實真係咁嗎?以為買咗標榜「薄鹽」、「低油」等梳打餅,食多幾塊無妨,唔會肥?咁你就中計喇!

 

脂肪含量高

一般梳打餅嘅成分主要係麵粉或小麥粉、雞蛋、鹽、酵母、糖及油等。成分之中,大家要當心嘅係油和鹽。先講油,一般流打餅為加強酥脆口感,會添加牛油、奶油,甚至棕櫚油等。梳打餅嘅油分含量一啲都唔少。睇下食物標籤成分排列次序,可知成分佔量,排得愈前,代表佔分愈多。油一般排喺頭幾位。再睇下梳打餅用邊種油。牛油向來畀人感覺食咗會肥,其實牛油係天然動物脂肪,含較多飽和脂肪,會增加血液中的壞膽固醇,但由於牛油製作時不經高溫,因此不會釋出致癌物。部分梳打餅會加入有氫化植物油,由於油分經氫化處理,所以釋出反式脂肪。反式脂肪會增加人體內嘅壞膽固醇,同時又會減少好膽固醇,因而增加患心臟病風險。當你睇見營養標籤,反式脂肪一欄寫住「0克」,就放晒心食梳打餅嘅話,小心墮陷阱!因為香港現有嘅營養標籤指引,每100克食物中含有0.3克或以下嘅反式脂肪,都可寫「0克」。

 

世界衛生組織建議飽和脂肪攝取量為每日總能量嘅10%,即約等於22克。據食物安全中心的指引,每100克的食物,脂肪多於20克(約4茶匙油)屬高脂食物。睇番市面梳打餅嘅營養標籤,常見每100克含有脂肪約2030多克。以營養計,白飯每100克約有0.3克脂肪,食梳打餅攝取脂肪量比食白飯更多。另外,以熱量計,食34塊梳打餅已相當於半碗飯嘅分量。所以有營養師唔建議以梳打餅代替日常嘅粉麵飯。

 

高鈉要注意

再講鹽,據食物安全中心的指引,鈉質高於600毫克(1.5克鹽)則屬於高鈉食物。市面嘅梳打餅,每100克含鹽量超過指引多的是。部分為整靚營養標籤數字,令人錯覺「好健康」,會刻意以小包作計算。一小包內有數片梳打餅約百多二百克,鈉含量約百多至二百毫克,望落好低鈉,但只要運算一下,以100克梳打餅計,即時現形,鈉含量高得多。另有品牌會以「薄鹽」為賣點,但所謂嘅「薄」,係與其之前嘅分量比較,實屬取巧。大家千祈咪因為包裝上一啲感覺健康啲標示而掉以輕心。

 

就算當零食,梳打餅淺嚐為妙,咪放縱自己多食幾塊梳打餅,為健康種下禍。

 

 

 

你或會有興趣的相關文章:

寒天食碗日本拉麵暖入心  豚骨湯勁多油超晒標

油菜加蠔油/腐乳/豉油  鈉含量暴升300-540%

 

 

 

TEXT: MaryLin

相關文章
少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式