防疫外出戴口罩 戴一個外科口罩就足夠| likemagazine.com.hk
Beauty & Health
防疫外出戴口罩	戴一個外科口罩就足夠

防疫外出戴口罩 戴一個外科口罩就足夠

武漢出現不明肺炎,疫情嚴重,香港都出現多個懷疑病案。為防感染,全城瘋搶口罩。口罩有多種,包括一般綿布或聚酯纖維造嘅口罩、外科口罩及保護力較強N95。究竟日常出入應該戴邊種罩呢?

 

外科口罩有3

有醫生表示,肺炎一般經咳嗽及噴嚏等飛沫傳播。基本上,戴外科口罩已足夠阻隔飛沫。外科口罩普遍由三層物料組成,外層防液體飛濺、中層作為屏障阻擋病菌、內層吸收配戴者釋出的濕氣和水分。只要適當佩戴,外科口罩能隔離3微米以上嘅飛沫。戴口罩時,記住有顏色或摺紋向下嘅一面向外,戴上後按一下口罩上方嘅金屬條,以及向下拉摺紋,使口罩緊貼臉與鼻,唔會留有虛位。

 

一個保護已足夠

喺社交平台上,有人post相,見有人同時戴上幾個外科口罩,加強防疫。醫生話,戴一個口罩已經足夠,多戴幾個唔等於加強保護,反而唔通氣令人戴得唔舒服。口罩每戴4小時應該換個新,戴上和除低口罩,要確保手部清潔。除低嘅口罩,如會重用,要用清潔嘅袋袋好。但醫生提醒,從防疫角度,口罩不宜重用。有需要都係換個新比較好。

 

布口罩只擋灰塵

至於棉布或聚酯纖維口罩,由於密度不及外科口罩,一般只用作阻灰塵和異物,不能用作預防細菌。如要佩戴或重複使用,每次用後必要清洗。不過,同樣從防疫角度,口罩不宜重用。有需要都係換個新比較好。

 

長戴N95易頭痛

由於內地疫情持續,好多人憂心出街時唔小心被感染,有人不惜付出高價搶購N95N95口罩係美國國家職業安全衞生研究所認證嘅9種防顆粘口罩中,最低標準嘅一個,可阻隔約0.3微米顆粒效率達95%。好多人以為呢款口罩連隔離病房嘅醫護人員都戴,防疫最強,平時出街都戴。不過有醫生指出,一般人其實唔使用N95,因為長時間戴容易令人頭痛。而且呢款口罩設計特別,就算醫護人員都要受訓練點樣戴,否則難貼面,提供最佳保護。

 

 

 

你或會有興趣的相關文章:

正確戴口罩先有保護力  咪再倒轉戴口罩!

流感高峰防菌勤洗手  洗手5部曲你做齊嗎?

 

TEXT: MaryLin

相關文章
企得多行得多足底受壓過勞    兩招舒緩足底筋膜炎企得多行得多足底受壓過勞 兩招舒緩足底筋膜炎 三文治處理不當高風險              最易食物中毒?             蛋沙律菜絲三文治三文治處理不當高風險 最易食物中毒? 蛋沙律菜絲三文治 新春返內地防肺炎外   鼠疫都要留神                  新春返內地防肺炎外 鼠疫都要留神 四眼族戴口罩鏡片現霧氣好尬尷│ 兩招可KO!四眼族戴口罩鏡片現霧氣好尬尷│ 兩招可KO! 入屋除鞋腳臭好尷尬                   除腳臭要先知原因入屋除鞋腳臭好尷尬 除腳臭要先知原因 人有第二個胃食甜品?有時覺得飽因身體要轉口味人有第二個胃食甜品?有時覺得飽因身體要轉口味 外遊浸溫泉泳池玩水                   小心水污染感染隱孢子蟲外遊浸溫泉泳池玩水 小心水污染感染隱孢子蟲 瞓醒總覺周身痛│ 可能因為瞓覺無翻身!瞓醒總覺周身痛│ 可能因為瞓覺無翻身!