瞓到半夜火燒心 胃酸倒流延醫增患癌風險| likemagazine.com.hk
Beauty & Health
瞓到半夜火燒心	胃酸倒流延醫增患癌風險

瞓到半夜火燒心 胃酸倒流延醫增患癌風險

瞓到半夜,突然覺得好似有大石壓住心口,有少少痛,又標冷汗。起身飲杯水,慢慢行個圈,又好似無嘢喎!你試過以上情況嗎?有人擔心自己心臟有問題,如果唔肯定,當然搵醫生check下最好。但若果你肯定唔係心臟有事,而以上情況多數喺大時大節或聚餐應酬後出現,你好可能患上胃酸倒流。

 

下食道括約肌唔適當打開

胃酸倒流係指胃內嘅食物和胃酸倒流至食道。好多人以為呢個疾病係由胃酸過多而成,其實主要原因係食道和胃之間嘅下食道括約肌鬆馳,好似打開咗活門咁,讓胃液逆流去食道。正常情況下,下食道括約肌只會喺食嘢時暫時打開,讓食物通過,又或者喺飯後偶然打開,放出胃氣,其餘時間都係閂埋,防止胃內食物或胃液流向食道。

 

不良飲食習慣刺激胃酸分泌

飲食太肥膩、偏好酸味食物、常飲咖啡或酒或刺激性飲品、食無定時、食得太急、暴飲暴食、臨瞓前食宵夜等,呢啲不良飲良習慣會令食物難消化,刺激胃酸增加,若果本身下食道括約肌會張力低,無法有效咁閂埋,胃酸容易逆流去食道。另外,肥胖會增加腹部壓力,提高胃食道逆流嘅機會。當胃酸逆流,刺激位於胸口嘅食道,就令人有「火燒心」嘅感覺。有人因為咁以為心臟有事。要簡易分判係心臟出問題抑或胃酸倒流?首要留意「火燒心」幾時出現。若主要喺瞓覺時發作,而且口裡常有一種異常酸味,好大機會係胃酸逆流。另外,胃酸逆流嘅症狀仲有進食疼痛、吞嚥困難、聲音沙啞等。而典型心臟痛,多數喺運動時發作。病若果自己難判斷唔敢肯定,搵醫生check清楚。咪為胃酸逆流好少事而延醫,後果可大可少,除有機會併發食道發炎、出血外,甚至出現癌前病變,增加患食道癌風險。

 

改變日常生活習慣

患胃酸逆流嘅人除咗食藥治療外,改變一啲日常生活習慣,都可減緩不適。首先,避免暴飲暴食。高油、高糖、辛辣口味食物盡量食少啲,酸性食品如番茄、橘子都要減少食。唔好飲酒食煙。食飯唔好太急,放慢節奏,慢慢咀嚼先吞。飯後唔好即刻瞓,待23小時,食物消化咗先瞓較好。瞓覺時,墊高少少枕頭,令胃部食物唔易倒流。此外,保持身心放鬆,唔好太緊張,都有助紓緩胃部不適情況。

 

你或會有興趣的相關文章:

健康熱潮無麩食品受追捧  英研究: 健康人士唔使食

吃咖喱預防腦退化?

 

 

TEXT: MaryLin

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式