火龍果低熱量高纖 紅肉白肉營養大不同| likemagazine.com.hk
Beauty & Health
火龍果低熱量高纖		紅肉白肉營養大不同

火龍果低熱量高纖 紅肉白肉營養大不同

午飯時間,公司pantry有一盤水果,數隻粉紅色火龍火好搶眼,好快成為同事們爭奪嘅目標。成功搶到嘅同事A好奇一問:「我手上呢隻係白肉,你嗰隻係紅肉。其實兩者有乜分別呢?」同事B搭嘴話:「都係火龍果,果肉顏色唔同啫!」同事C加入吹水:「唔止顏色唔同,營養都唔同架!」

 

富含膳食纖維

火龍果正確名字是叫「仙人掌果」,屬於仙人掌科三角柱屬或蛇鞭柱屬植物果實。由於火龍果高纖低熱量,每100克僅50大卡熱量,故此近年成為追求飲食健康及要控制體重嘅人喜愛水果之一。火龍果富含水溶性膳食纖維、胡蘿蔔素、維他命B1B2B3B12C等,而且果肉含有植物性蛋白,而黑色種子蘊含豐富礦物質,如鈣、磷和鐵等。雖然話火龍果美味又健康,但由於果肉以葡萄糖為主,需要控制血糖嘅人要注意食量。

 

紅白肉營養不同

火龍果有白肉和紅肉之分。口感上,兩種火龍果差異輕微,但營養價值上則大不同。白肉火龍果富含膳食纖維,每100克約有2克膳養纖維,能促進腸胃蠕動,有助減緩便秘。紅肉火龍果的膳食纖維比白肉少一啲,每100克約1.2克,但其果肉呈紅色,因為含有甜菜紅素。甜菜紅素具有抗氧化和抗炎功效。有人食完紅肉火龍果後,排出紅色尿液或便便有淡粉紅色,嚇到個心離一離。唔使驚,呢啲係天然色素,實屬正常。

 

果皮都可食

多數人食火龍果,只食軟綿綿嘅肉,果皮會掉棄。但營養師話,其實火龍果粉紅色嘅內皮含甜菜紅素最高,所以就算削皮食,都唔使削得太乾淨,唔好浪費營養。火龍果皮其實都可以食,台灣有人教用火龍果皮煎蛋或炒菜,或者將火龍果皮打成汁,加入麵糊,煎成餅皮。有興趣試試食火龍果皮可以一試,不過記得食用或煮餸前,要先淨火龍果,以免將農藥殘餘食落肚,影響健康。仲有係記得將火龍果嘅三角形萼片倒撕除。

 

 

你或會有興趣的相關文章:

水果飯前定飯後食好?  食錯水果可能致肥

膳食纖維係人體清道夫  紅腰豆比蘋果連皮更多纖維

 

 

TEXT: MaryLin

相關文章
小便有泡擔心腎有事?│要分清泡沫尿和蛋白尿小便有泡擔心腎有事?│要分清泡沫尿和蛋白尿 中年後手握力減弱│握力愈差反映健康出事中年後手握力減弱│握力愈差反映健康出事 跟風DIY大熱「400次咖啡」│綿滑咖啡泡潛藏健康危機跟風DIY大熱「400次咖啡」│綿滑咖啡泡潛藏健康危機 睡姿和健康個性息息相關│即check睡姿了解身心狀態睡姿和健康個性息息相關│即check睡姿了解身心狀態 免費氣能掃描檢測!約10分鐘了解能量、經絡健康狀況免費氣能掃描檢測!約10分鐘了解能量、經絡健康狀況 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 多飲水食蔬果仍然便秘│專家建議3個另類方法多飲水食蔬果仍然便秘│專家建議3個另類方法 搽上面的抹茶│用於皮膚的Super Food搽上面的抹茶│用於皮膚的Super Food