洗衫勁落洗衣液 小心殘留刺激皮膚過敏| likemagazine.com.hk
Beauty & Health
洗衫勁落洗衣液柔順劑	小心殘留刺激皮膚過敏

洗衫勁落洗衣液 小心殘留刺激皮膚過敏

為咗洗完嘅衫又白又潔淨,甚至有陣清新嘅香味,有人洗衫時勁落洗衣液。其實洗衣液用得過量,洗完嘅衫未必更乾淨,而且有機會因為洗衣液殘留,刺激皮膚過敏,痕癢紅腫起嚟。究竟洗衣液要落幾多先夠呢?

 

石油產物過量害健康

一般洗衣液主要有界面劑和氧化劑兩大成分,前者用作清除油性污物如人體分泌嘅油脂,後者則有漂白殺菌果,令衣物更潔白。不過兩種成分都係石油提煉出來嘅產物,唔易被人體接納,也非天然,其化學成分有機會令皮膚過敏,導致接觸性皮膚炎,特別係標榜強力漂白嘅洗衣液,氧化力太強,若殘留喺衣物上,對皮膚傷害更大。此外,為咗令洗完嘅衫睇起嚟更亮白,甚至有種「清新」香氣,部分洗衣液會加入增白劑和香精,呢啲都係石化成分,若洗衣時脫水不足而有殘留,皮膚長期接觸或吸入體內,都不利健康。另外,有人為使衣服清洗後,觸感更柔軟不變皺,洗衫時會添加柔順劑。其實柔順劑一般加入甲苯、酚類等帶毒性、易揮發嘅有機物,用得過量,有機會造成呼吸道發炎,長期積累喺體內更可能有致癌風險。

 

自家做驗掌握分量

化學學者表示,無論洗衣液或柔順劑,用得過量會殘留,用得太少又發揮唔到功效,所以精準用量係關鍵。雖然洗衣產品都有使用說明,但有幾多人睇完能夠有信心咁講,能準確拿捏使用分量呢?除咗靠洗衫後拎上手嘅感覺作判斷,其實大家可以科學化啲,自家做過檢驗。首先,你可以按平時習慣洗衣,參考產品說明後,按你覺得需要嘅分量落洗衣液,衣物洗好後,盛一盤水,然後將挑一件洗好嘅衣物浸於水中,一段時間後觀察水嘅狀態,如果水仍然清澄,代表無洗衣液殘留問題,若水變得黏濁,即衣物未徹底洗乾淨,下次洗衣時應減少洗衣液分量。

 

你或會有興趣的相關文章:

冬天晾衫好難乾  3個小撇步快速乾衣

 

 

TEXT: MaryLin

相關文章
恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆