爸媽用零食作獎勵 影響孩子健康降學習力| likemagazine.com.hk
Beauty & Health
爸媽用零食作獎勵	影響孩子健康降學習力

爸媽用零食作獎勵 影響孩子健康降學習力

「如果你做好功課,媽媽就奬你食糖飲汽水。」好多媽媽都會用零食作獎勵嚟誘使小朋友聽教聽話,小朋友為食,通常呢招都湊效。不過眾所周知糖果汽水等零食營養低,多食無益。若父母以零食作為獎勵或收服小朋友,雖然可以快速解決當前面對嘅教養問題,但卻令小朋友食多咗唔健康食物。台灣有營養專家提醒父母,小朋友多食零食,不但有機會變肥仔肥妹,滿口爛牙,仲有可能長唔高,甚至影響學習力及行為動機。

 

零食上癮

台灣營養專家指出,荷蘭曾有一項針對父母餵養方式嘅研究指出,父母以零食作為獎勵,或以零食解決小朋友哭鬧行為,都會顯著增加小朋友嘅零食攝取量。零食如糖果、汽水、薯片等多數係高糖、高脂、高卡路里食物,營養價值低,小朋友多食會致肥、增加蛀牙外,更可能因攝取營養不均衡而影響健康,包括成長不高、變得過動,以及增加未來罹患慢性疾病嘅風險。父母以零食作獎勵,容易令小朋友覺得零食都唔係咁唔健康,食上癮;此外,又會令小朋友失去行為主動性,會依賴父母作出獎勵才做事。

 

睇唔見唔會食

喺台灣,有調查發現,當小朋友家中習慣放有含糖飲料,佢哋飲含糖飲料嘅機會係家中無放嘅小朋友兩倍。另外,若同時有含糖飲料和白開水可以以選擇,僅兩成小朋友會揀飲水。專家提醒家長們,當減少環境裡唔健康食物嘅出現率,小朋友睇唔見,就唔會想食或飲。即使小朋友想食或飲,都會因為唔易得到,獲時間延遲,從而減少攝取量。

 

食得健康學習更佳

成日都話零食唔健康,其實零食對小朋友成長和學習有幾大影響呢?韓國曾有研究,令大家有個概念。研究搵嚟一班1218歲嘅兒童和青少年做研究對象,了解飲食與學業表現嘅關係。結果發現,小朋友如有規律食早餐、有食水果、蔬菜、乳品,學業表現顯著較好。相反,如果經常食零食、泡麵等速食,學習表現呈負相關。

 

 

你或會有興趣的相關文章:

經常唔食魚缺碘大頸泡  狂食紫菜零食小心甲亢

微波爐加熱食物唔健康?  美國FDA:保留更多營養

 

 

TEXT: MaryLin

相關文章
出盡法寶都係瞓唔著│善用每日3個5分鐘│踢走失眠出盡法寶都係瞓唔著│善用每日3個5分鐘│踢走失眠 飛機坐經濟艙屈住坐周身痛│ 上機隨身帶網球鬆一鬆飛機坐經濟艙屈住坐周身痛│ 上機隨身帶網球鬆一鬆 勤洗手雙手易變乾│潤手霜護手要點揀?勤洗手雙手易變乾│潤手霜護手要點揀? 寵主唔使恐慌│世衛: 未有證據顯示貓狗會染武漢肺炎寵主唔使恐慌│世衛: 未有證據顯示貓狗會染武漢肺炎 一個套餐佔全日逾半熱量│研究:食快餐要健康要咁做一個套餐佔全日逾半熱量│研究:食快餐要健康要咁做 黃大仙區11人染退伍軍人病│污染水點和霧氣可傳病黃大仙區11人染退伍軍人病│污染水點和霧氣可傳病 肺炎病毒可經接觸傳播│家居5個藏菌黑點│記住消毒!肺炎病毒可經接觸傳播│家居5個藏菌黑點│記住消毒! 魚油VS 魚肝油│唔一樣架!營養成分大不同魚油VS 魚肝油│唔一樣架!營養成分大不同