阿媽靠嚇鼻孔愈挖愈大 實情怕你挖鼻整傷受感染 | likemagazine.com.hk
Beauty & Health
阿媽靠嚇鼻孔愈挖愈大	實情怕你挖鼻整傷感染發炎

阿媽靠嚇鼻孔愈挖愈大 實情怕你挖鼻整傷受感染

回想小時候,阿媽見你做咗個佢唔順眼嘅行為,就會講句說話嚇下你。例如見到你挖鼻「採礦」就會話:「挖得多會令鼻孔愈來愈大。」無人想變醜,畀阿媽嚇一嚇,就算有需要挖鼻,都唔敢用最就手和最好力嘅食指和中指,只好偷偷用尾指了事。人大咗,識得求真明辨事非,究竟鼻孔會唔會愈挖愈大呢?

 

挖鼻弄傷持續發炎

據耳鼻喉科醫生解釋,鼻子摸起上嚟軟軟地,因為裡面由軟骨覆蓋組成,雖然質軟,但唔會因為經常挖而變形。不過挖鼻唔係無風險,唔小心有機會令鼻子受傷。

 

第一個風險係令鼻黏膜受損。鼻腔內各處均被呼吸區黏膜覆蓋,當空氣進入鼻腔時,黏膜上嘅黏液及纖毛能過濾空氣,保護身體不會受細菌感染。不過鼻黏膜好脆弱,常用手指出力挖,容易導致黏膜受損出血。受傷黏膜癒合時會結痂,會令人覺得鼻內有異物,加上復原期間分泌嘅細胞激素使傷口發癢,誘使人更想挖鼻,結果又再次整傷,惡性循環下令鼻腔不斷發炎。

 

鼻腔發炎,不容輕視,因為容易造成感染。我們嘅指甲藏有好多細菌,當我們挖鼻,就有機會引菌入鼻,如果本身免疫能力低,可能受感染,誘發急性發炎,例如出現蜂窩性組織炎,出現紅腫熱痛等症狀。如細菌經受損位置入侵身體其他部分,後果更嚴重。

 

公開「採礦」不衞生播菌

從公共衞生層面,挖鼻「採礦」不衞生,鼻垢鼻水秥滿細菌,挖鼻後沒潔手,隨處亂摸,有機會將病菌傳播。健康以外,挖鼻動作不雅,如在公眾場合挖鼻,破壞個人形象,影響人隨關係。

 

 

你或會有興趣的相關文章:

食紅棗補血攝鐵量有限!

冬天腳仔凍冰冰瞓唔到  著襪瞓生蘿蔔仔香港腳

 

 

TEXT: MaryLin

相關文章
空氣污染傷身更傷腦                   最新研究增患腦退化降記憶力空氣污染傷身更傷腦 最新研究增患腦退化降記憶力 食得好提升免疫力防疫│ 中醫分享養生健康飲食法         食得好提升免疫力防疫│ 中醫分享養生健康飲食法 新春難拒美食誘惑        事後唔食晚餐減肥得唔得?新春難拒美食誘惑 事後唔食晚餐減肥得唔得? 控重成功在timing│揀啱時間食三餐控重成功在timing│揀啱時間食三餐 包到成隻糉手腳依然冰冷                         中醫教按摩耳仔暖手腳包到成隻糉手腳依然冰冷 中醫教按摩耳仔暖手腳 頭髮反映健康狀況        日甩百條頭髮屬正常頭髮反映健康狀況 日甩百條頭髮屬正常 為健康加油做瑜伽│消委會: 9成瑜伽墊含有/釋出有害物為健康加油做瑜伽│消委會: 9成瑜伽墊含有/釋出有害物 戴運動手表改善健康?                    研究:減肥效果唔見更好戴運動手表改善健康? 研究:減肥效果唔見更好