冬天皮膚乾到癢 點揀點搽潤膚膏至好呢?| likemagazine.com.hk
Beauty & Health
冬天皮膚乾到癢	點揀點搽潤膚膏至好呢?

冬天皮膚乾到癢 點揀點搽潤膚膏至好呢?

全球暖化,香港嘅冬天好似失咗蹤咁。雖然今個冬天不太冷,但係冬季氣候始終feel得到,尤其係身體最敏感嘅皮膚!每到冬天,濕度降低,好多人都有皮膚乾到痕嘅問題。當皮膚痕,忍唔住手不停抓,唔小心抓傷,甚至令皮膚發炎感染。唔想皮膚「開花」,當然適時擦潤膚膏,但潤膚膏要點揀?

 

保濕成分有3

皮膚科醫生指出,不同品牌潤膚膏成分各不同,但大致可按功效分為幾類。透明質酸、甘油、尿素、及維他命B5等屬保濕劑,主要功效為保濕,為皮膚表層補水;丙二酸等屬潤潤劑,能填平皮膚微細缺口,減少水分流失作用,用後皮膚感覺潤滑;凡士林、礦物油和羊脂等係封閉性保濕物質,能在皮膚表面形成保護膜,防止水分揮發,但有可能堵塞毛孔,令毛囊發炎,出現丘疹。另外,部分潤膚膏會加入香料,但香料唔係人人受得,為減低過敏風險,不宜選用。大家選購時,可按個人需要,並參考產品成分,作出合適選擇。

 

搽得厚唔一定更見效

塗搽時,咪見皮膚乾就勁搽,以為搽得愈多愈厚,皮膚吸收更多成分,效果更好。搽得過量,特別係含封閉性保濕物質嘅潤膚膏,有可能會塞毛孔,生暗瘡。搽適量就足夠,而且當皮膚變乾時要補搽,先可以發揮潤膚膏嘅效用。即使市面上有產品聲稱搽一次足夠全日保濕,但日常生活裡我們走動、工作等,流汗加上常郁動、觸摸物件等,潤膚膏會失掉,所以重複搽適量潤膚膏係需要嘅。

 

沖涼水溫過熱損皮膚保護膜

唔想冬日皮膚太乾,除咗靠外搽潤膚膏外,日常要多飲水,補充身體足夠水分;另外,沖涼時,唔好用太熱嘅水。水溫過高一方面有機會灼傷皮膚,一方面會損害皮膚嘅油脂保護膜,令皮膚愈來愈乾燥,痕癢更嚴重。此外,冬日唔建議大家著太緊身嘅衣服,如衣物質料係尼龍等合成物料,可能會刺激皮膚,造成痕癢。

 

你或會有興趣的相關文章:

唔好畀對手出賣你年齡  護手霜咁搽先有功效

冬天唔想dry到變阿婆   4個日常防燥要點

 

 

TEXT: MaryLin

相關文章
跑步流汗又辛苦        間歇式健走好易做   每周4次防三高跑步流汗又辛苦 間歇式健走好易做 每周4次防三高 大掃除做家務手好痛   常做重複性動作易患「網球肘」大掃除做家務手好痛 常做重複性動作易患「網球肘」 久坐唔止養出豪華臀   日坐8小時以上更易憂鬱         久坐唔止養出豪華臀 日坐8小時以上更易憂鬱 新年傳統正月唔買鞋   買新鞋過年4項注意新年傳統正月唔買鞋 買新鞋過年4項注意 膝頭長期受壓 上落樓梯嘅方法,你真係識?膝頭長期受壓 上落樓梯嘅方法,你真係識? 飲牛奶會生痰?             其實係口水中黏蛋白作怪飲牛奶會生痰? 其實係口水中黏蛋白作怪 支持環保轉用乾手機                   點知有份勁散播病菌?              支持環保轉用乾手機 點知有份勁散播病菌? 頭髮反映健康狀況        日甩百條頭髮屬正常頭髮反映健康狀況 日甩百條頭髮屬正常