2020旅遊大計 向古怪地名朝聖出發| likemagazine.com.hk
Travel
2020旅遊大計	向古怪地名朝聖出發

2020旅遊大計 向古怪地名朝聖出發

世界咁大,2020新開始,今年你準備去世界邊個角落留下「腳毛」?喺選擇旅遊地點時,有人為睇靚風景,有人為尋幽探秘,有人為體驗風土人情,但為打卡呃like,都有唔少人特別搵啲有奇突名稱嘅地方一遊。以下6個地名獨特嘅旅遊景點,唔知你有無興趣去打下卡呢?

 

Santa Claus

雖然聖誕節剛剛過去,又要等成年先至可以慶祝,但位於美國印第安納州其中一個地區嘅居民,卻可以日日同人講「Santa Claus is coming to town」,而且全年沉醉喺聖誕嘅歡欣氣氛中。點解?因為當地有個小鎮叫「Santa Claus(聖塔克萊斯」!每年聖誕,印第安納州都會收到成千上萬封寄給聖誕老人的信件,鎮上甚至有一群「聖誕老人精靈」,其實佢哋係義工,努力回覆來信。呢個小鎮除咗同「聖誕老人」同名外,原來更係全球第一個主題樂園所在地。話說一位有 9 個孩子的父親希望為專程尋訪聖誕老人的孩子創造特別的回憶,於是在 1946 年開設了一座主題樂園。

 

Hell

地獄,按常理,無人想去。但若果有人同你講,我要去「地獄」行個圈,唔使覺得奇怪,亦唔使驚慌,都唔使以為佢痴咗線,因為去「地獄」唔係好難咋,飛去挪威就可以成真!挪威有個小鎮,名字可能源自古諾斯語「hellir 一字,,意即「洞穴」,由於英文為「Hell」,因而成為熱門旅遊點。遊客都愛喺Hell(海爾) 海爾火車站前拍照留念,並開玩笑說「地獄見」。雖然地名與地獄同名,不過喺呢度唔會見到嚇人嘅黑暗洞穴和烈火,反而因地理上屬亞北極氣候,天氣陰寒,路上蓋滿雪。

 

Kissing

情人情到濃時,親密地嘴嘴kiss一下,甜入心,係愛嘅表現。來到位於德國Augsburg(奧格斯堡)外圍嘅Kissing(基興格)小鎮,情侶們更可大搖大擺奉旨盡情地kiss。呢座只有人口約1萬嘅小鎮風光旖旎,擁有美麗嘅小教堂和偌大嘅公共綠化空間,旅客和當地人都鍾意去到水邊休憩漫遊,放鬆一下,享受時光。

 

Llanfairpwllgwyngyll

「點讀呀?」多數人睇見呢個地名,都會摸不著頭腦。的確,除非你能操威爾斯語,而且係勁流利嗰隻,先可以流暢咁讀出呢個地名。講到全世界最長嘅地名,由 85 個英文字母組成,係新紐西蘭一座小山名字,至於排名第二,就係位於英國嘅小村壯「蘭韋爾普爾古因吉爾戈格里惠爾恩德羅布爾蘭蒂西利奧戈戈戈赫」(Llanfairpwllgwyngyllgogerychwyrndrobwllllantysiliogogogogoch),共有 58 個英文字母,由於名字夠怪及長,吸引咗世界各地旅客慕名而來。即使99.9%嘅旅客都讀唔出呢個村莊嘅全名,不過到此一遊,都會喺蘭韋爾普爾火車站(Llanfairpwll railway station)前影張靚相。話說呢條村莊本來個名唔係咁長,叫做Llanfairpwllgwyngyll(蘭韋爾普爾古因吉爾),後來為了吸引更多旅客到訪,就喺 1860 年代改成依家呢個名,威爾斯詞語大致意思係「聖瑪利亞教堂坐落於白楊樹林山谷中,附近是急流的漩渦,而聖堤西路教堂則在紅岩洞附近」。

 

Obama

美國前總統Obama(奧巴馬)當年以「Change」為口號,打破美國種族藩籬,成功當上史上第一位黑人總統,舉世注目。位於日本福井縣西南部沿海城市嘅小濱,因為日文為Obama,與奧巴馬同名,因而當年爆紅,唔止廣為美國人及世界各地人嘅人認識。Obama嘅日文意思係「小海灘」,而呢度嘅沙灘的確風景優美,好多旅客都鍾意喺金色細沙上漫步閒遊,享受大自然嘅美。雖然在這裡遇見美國前總統的機會不高,但保證一定能找到奧巴馬主題嘅紀念品。另外,到此一遊,必訪日本傳統建築三丁町,這裡有高雅的藝妓茶屋,還有古時町家改建而成的民宿「三丁町 Nagata」。

 

Drama

你喜歡睇戲劇嗎?不同形式嘅戲劇帶給觀眾不同嘅娛樂和頓悟,所謂「戲如人生,人生如戲」,你有同感嗎?嚟到位於希臘東北部馬其頓地區嘅Drama(德拉瑪)小鎮,喜歡戲劇嘅人可以同「戲劇」嚟講零距離接觸!呢個寧靜嘅小鎮,坐落在連綿起伏的綠色山丘之中,壯觀宏偉嘅瀑布奇觀,令人目不暇給;此外, 該區亦因為錄得希臘最低氣溫而為人所知。到當地旅遊,推介去到小鎮附近嘅法拉克羅山(Mount Falakro)滑雪,大約只需1小時的車程即可到達。

 

資料來源:Booking.com

 

你或會有興趣的相關文章:

2020 日本旅遊必注意8大新措施

法男蘇梅自拍墮瀑布死  自拍意外年輕男子佔多

 

TEXT: MaryLin

相關文章
和波蘭來一場聖誕約會 | 波蘭 3 大聖誕市集和波蘭來一場聖誕約會 | 波蘭 3 大聖誕市集 武漢肺炎肆虐期間出遊│一文睇晒各地入境限制措施武漢肺炎肆虐期間出遊│一文睇晒各地入境限制措施 法男蘇梅自拍墜瀑布死              自拍意外年輕男子佔多法男蘇梅自拍墜瀑布死 自拍意外年輕男子佔多 2020 日本旅遊必注意 8大新措施2020 日本旅遊必注意 8大新措施 寵物保母上門服務 專業照料外遊無憂寵物保母上門服務 專業照料外遊無憂 結合金融科技 為客戶打造嶄新投保體驗 | 旅遊保險 優惠 手機App結合金融科技 為客戶打造嶄新投保體驗 | 旅遊保險 優惠 手機App