香港公共廁所勁污糟 如廁後用梘液洗手保健康 | likemagazine.com.hk
Beauty & Health

香港公共廁所勁污糟 如廁後用梘液洗手保健康

香港話晒係文明城市,香港人大部分都係接受過教育嘅文明人,理應知道咩叫衞生!不過大家有無發覺,香港地嘅公共洗手間衞生好似愈嚟愈差,甚至差過一啲比香港落後嘅城市呢?咪以為只係公廁污糟,其實唔少商場、酒樓等嘅公共場所嘅廁所一樣污糟到嚇人。香港大學最近有研究發現,由於公共廁所衞生欠佳,如廁後如果無用梘棭徹底洗手,有可能感染大腸桿菌等細菌,隨時引病上身。

 

男長者向尿兜吐痰

今次呢項研究係由香港大學感染及傳染病中心與港大其他學系、英國及內地專家合作,研究港人使用公共廁嘅習慣。研究團隊喺20166月至20171月期間,邀請26位年齡介乎1886歲嘅市民進行訪談。以為如廁後洗手係常識嗎?原來未必架!有受訪嘅男長者表示,只有小解時手部接觸到尿液先會洗手。另有中年男士因為覺得洗手複雜而唔願洗,亦年輕男士覺得梘液機按鈕污糟而唔敢用,也有家庭主婦因怕過潔手而唔洗手,以及有主婦唔習慣用梘液潔手。如廁習慣方面,都有有趣發現。有男長者話,小便時會向尿兜吐痰。

 

近半人唔坐廁板

此外,研究團隊於20177月至20184月期間於全港多區進行問卷調查,共邀得300位來自社區嘅市民參與。研究發現,近半(46%)受訪者表示唔會坐廁板,17%人每次或1有時會踩上廁板。43%受訪者唔會用酒精消毒廁板,36%受訪者唔會用廁紙墊住廁板,19%受訪者唔會用廁紙抹廁板。另外,44%嘅人沖廁時唔會冚埋廁板。大部分受訪者都有如廁後洗手習慣,不過都有約3成人表示並唔係每次洗手都會用梘液。

 

沖廁都有機會染菌

睇到呢度,就算唔使專家講解,大家都明白港人使用共廁嘅衞生習慣有幾差!專家話,被糞便和尿液沾污嘅廁板和沖廁掣,帶有可致病嘅細菌包括金黃葡萄菌、沙門氏菌及諾如病毒等。半粒紅豆大細嘅糞便就含有逾1000億個諾如病毒嘅噬菌斑形成單位(PFU)。只要每克少於100PFU,已經可令人致病。所以如廁後無徹底洗手,隨時病從口入。另一個去廁所後染細菌嘅可能,就係沖廁無冚蓋。原來沖廁時,沖廁水衝出時會揚起細菌及病毒。有研究指沖廁水可以噴至6呎遠,若果廁所通風差,更令人容易中招。此外,研究中發現有男士習慣如廁時向尿兜或馬桶吐痰,呢個都係公廁散播細菌嘅途徑之一。

 

上廁後用梘液洗手

公共廁所衞生欠佳,但人有三急,唔去唔得,點算好?重點當然係要識得保護自己。專家話,如果習慣坐廁板上廁,最好用紙巾、酒精搓手液或濕紙巾消毒廁板。馬桶水沖出有機會污染廁紙,所以最好自備紙巾上廁。如廁後,使用梘液徹底洗手,可以減少99.9%細菌。

 

資料來源:蘋果日報及明報

 

TEXT: MaryLin

 

相關文章
睡意濃因身體缺水        兩個時段飲水全日醒神睡意濃因身體缺水 兩個時段飲水全日醒神 10大Party最肥美食  營養師:第一位竟然係佢?10大Party最肥美食 營養師:第一位竟然係佢? 阿媽靠嚇鼻孔愈挖愈大              實情怕你挖鼻整傷受感染         阿媽靠嚇鼻孔愈挖愈大 實情怕你挖鼻整傷受感染 以為防疫勤洗手就掂?洗手後無立即抹乾手│增菌達84%以為防疫勤洗手就掂?洗手後無立即抹乾手│增菌達84% 食得好提升免疫力防疫│ 中醫分享養生健康飲食法         食得好提升免疫力防疫│ 中醫分享養生健康飲食法 開P忍唔住美食誘惑                   掌握飲食3招唔怕食肥開P忍唔住美食誘惑 掌握飲食3招唔怕食肥 冬天指甲邊常生倒刺                        美甲師教你防生倒刺方法冬天指甲邊常生倒刺 美甲師教你防生倒刺方法 冬天唔想dry到變阿婆                               4個日常防燥要點冬天唔想dry到變阿婆 4個日常防燥要點