飲汽水好易肥! 原來碳酸作怪令人快肚餓| likemagazine.com.hk
Beauty & Health
飲汽水好易肥!	含糖高之外碳酸都係致肥重點!

飲汽水好易肥! 原來碳酸作怪令人快肚餓

新年新開始,減肥係你今年嘅計劃嗎?減肥方法有好多,勤做運動永恒有效;另外,從改變飲食習慣入手都係有效方法。除咗遵守飲食均衡,多菜少肉,少油鹽糖等法則外,喜歡飲汽水嘅人不妨試試戒咗佢,都能為你帶來減磅瘦身嘅驚喜!

 

老鼠試驗碳酸致肥

相信大家聽人講過飲汽水會肥,點解呢?因為汽水含糖多,糖和卡路里係令人變肥嘅重要因素。但巴勒期坦有間大學做過研究,發現汽水令人致肥,唔止係糖作怪,原來內裡嘅碳酸都係致肥重點。佢哋曾經做過一項試驗,向一組雄性老鼠分別餵食含糖嘅碳飲料、普通含糖飲料及自來水,得出結果經常飲甜味碳酸飲料嘅老鼠體重增加較多且快,而且佢哋嘅血樣本裡含有更高嘅饑餓荷爾蒙生長素,呢項係老鼠體重增加嘅主因。

 

自願者真人實證

老鼠實驗得出咁結果,人類飲多咗汽水,又會唔會有相同嘅情況呢?BBC節目製作組曾經邀請自願者做試驗測試一下氣泡對體重嘅影響。自願者事前並唔知道會做乜嘢試驗,只被要求試驗前10小時不可進食。到達試驗地點後,自願者先食奶酪三文治,以便所有人嘅生長素水平基本上喺同一個水平線上。1小時後,每人都隨機獲發飲品,有人飲甜味碳飲料,有人飲非碳酸甜飲,有人飲碳水,有人飲無氣泡嘅普通水,研究人員為佢哋測量體中生長素水平。跟著兩星期,志願者為飲食做記錄,並返回實驗室進行食奶酪三文治和飲飲品試驗共3次。

 

碳酸激發生長素易肚餓

結果得出,喝咗含氣泡嘅碳酸飲料自願者其體內嘅荷爾蒙生長素上升咗50%,即係話佢哋飲咗碳酸飲料後1小時後,比飲含糖但無氣飲料嘅人會更肚餓。研究人員更發現,飲咗甜碳酸飲料嘅人比無飲呢種飲料嘅人平均多攝取了120卡路里。研究人員相信,當人飲咗碳酸飲料後,胃裡釋放二氧化碳,會促使胃上部嘅細胞釋放生長素,令人更易肚餓。另一個可能性係機械反應,當胃部受到氣泡刺激,就會膨脹和伸長,促使細胞釋放生長素,令人感到肚餓。

 

新一年要除去「肥妹」、「肥仔」惡名,試試的起心肝戒汽水,可能幫你無咁易肚餓,從而減到肥!

 

 

你或會有興趣的相關文章:

減磅要飲呢啲!Tonic water唔係水!

 

 

 

參考資料:https://www.bbc.com/zhongwen/trad/science-42557348?xtor=AL-73-%5Bpartner%5D-%5Byahoo.hong.kong%5D-%5Blink%5D-%5Bchinese%5D-%5Bbizdev%5D-%5Bisapi%5D

 

 

 TEXT: MaryLin

相關文章
日夜戴口罩塊面勁出暗瘡         8個除暗瘡要點日夜戴口罩塊面勁出暗瘡 8個除暗瘡要點 減肥唔食飯?當心缺米氣好傷身! 識食補血米,控重健康有營減肥唔食飯?當心缺米氣好傷身! 識食補血米,控重健康有營 疫情下怕被誤會歧視│捏鼻死忍唔打乞嚏致喉嚨撕裂疫情下怕被誤會歧視│捏鼻死忍唔打乞嚏致喉嚨撕裂 控重成功在timing│揀啱時間食三餐控重成功在timing│揀啱時間食三餐 防疫外出戴口罩             戴一個外科口罩就足夠防疫外出戴口罩 戴一個外科口罩就足夠 牛奶飲品唔同鮮牛奶                   買奶睇標籤睇真啲牛奶飲品唔同鮮牛奶 買奶睇標籤睇真啲 冬天皮膚乾到癢             點揀點搽潤膚膏至好呢?冬天皮膚乾到癢 點揀點搽潤膚膏至好呢? 黑朱古力抑食欲助控體重│每日30克血管更健康黑朱古力抑食欲助控體重│每日30克血管更健康