懶人開餐連袋加熱就食得 預先包裝食品安全食用?| likemagazine.com.hk
Beauty & Health
懶人開餐連袋加熱就食得	預先包裝食品安全食用?

懶人開餐連袋加熱就食得 預先包裝食品安全食用?

對好多忙住返工,連日常生活都無乜時間處理嘅人嚟講,煮飯係嘥時間嘅事。解決三餐,一字記子曰:快。所以超市及便利店有售嘅預製包裝食品係填肚恩物,翻熱就食得,勁方便。近年,呢類包裝食品款式愈出愈多,中西亞洲多國菜餚都有,令懶人都有啖好食。雖然方便快捷,但又有人擔心,呢啲用包裝食物會唔有食物安全問題呢?

 

隔水翻熱或叮熱就食得

煮餐飯要做嘅事有好多,買餸、清洗、切菜、烹調,洗碗等,有人覺得好玩好有fun,煮得好食有人讚又開心,但對一啲怕煩又懶嘅人呢,煮飯係自己攞苦嚟辛嘅事。要醫肚又唔想煩,又唔要食飯盒,近年多咗個選擇,就係喺超市買預製包裝食品。呢啲食品都經高溫、高壓處理,保留食材滋味。烹煮步驟簡單,一般而言,原袋隔水加熱就食得,或者用微波爐叮熱,方快快捷。近年塑化劑問題備受關注,呢類食物要隔住個袋整熱,熱力會唔會將塑化劑釋出,我哋食咗落肚會危害健康呢?

 

真空包裝唔等於無菌

基本上用嚟裝住食品又可以翻熱嘅塑膠包都有一定耐熱性,只要按指示加熱,可安心食用,但要注意係唔可以直火加熱,意思係必要隔水,而且按指引時間加熱,唔好煮得太耐,以免破壞塑膠袋材質,釋出有害物質。如果包裝食品嘅包裝係鋁質袋,記住一定唔可以放入微波爐,否則會造成意外!購買預製包裝食品時,首先要留意製造日期及食用限期。雖然食品經過真空密封處理,但呢個方法只係延緩、防止食品因氧化化學反應引起嘅品質劣變,唔等於完全無菌,所以過期唔好買。另外,留意包裝有無膨脹變形,如有即係內裡嘅食物已經腐壞變質,唔食得。食品開封後盡快食完;如果食唔晒要放雪櫃儲存,建議另用容器裝住,丟棄原袋。購買後,食品應盡快放進冰霜內冷藏,食用時要用攝氏100度以上加熱至指定時間至安全。若果仍然擔心包裝袋嘅安全問題,最簡單方法係煮熱時拆開包裝,將內裡食品另用容器加熱,食得安心又可享快捷美味。

 

 

你或會有興趣的相關文章:

新鮮麵包擺幾日發咗霉  搣走發霉部分食唔食得?

雪櫃保鮮食物點擺位? 5個使用雪櫃黃金守則

 

 

TEXT: MaryLin

相關文章
新春難拒美食誘惑        事後唔食晚餐減肥得唔得?新春難拒美食誘惑 事後唔食晚餐減肥得唔得? 新春返內地防肺炎外   鼠疫都要留神                  新春返內地防肺炎外 鼠疫都要留神 味精食得多會口渴?   味精食得多會傷健康?味精食得多會口渴? 味精食得多會傷健康? 喝了這四款養顏糖水,秋冬滋補又美容!喝了這四款養顏糖水,秋冬滋補又美容! 寒天食碗日本拉麵暖入心                         豚骨湯勁多油超晒標寒天食碗日本拉麵暖入心 豚骨湯勁多油超晒標 冬天皮膚乾到癢             點揀點搽潤膚膏至好呢?冬天皮膚乾到癢 點揀點搽潤膚膏至好呢? 常運動抗衰老                  研究:跑步半年血管逆齡4年常運動抗衰老 研究:跑步半年血管逆齡4年 經常睇mon雙眼乾澀                 熱敷消疲人工淚液潤眼經常睇mon雙眼乾澀 熱敷消疲人工淚液潤眼