冬天心血管病病發高 多食4種食物護心| likemagazine.com.hk
Beauty & Health
冬天心血管病病發高	多食4種食物護心

冬天心血管病病發高 多食4種食物護心

四季之中,相信冬天相對少人鍾意,因為天氣凍,容易令人變懶唔想郁。此外,身體對冬天嘅反應都比較大,當氣溫驟降,血管收縮欠彈性,患心血管病嘅人好易出事。中風、心肌梗塞等病症都係冬天常見嘅「殺手」。咪以為呢啲係老人病,其實近年屢發生年輕人中風個案,除了先天病患外,部分因飲食和生活習慣不佳而有「三高」,影響健康。有營養師教路,冬天多食種食物有助護心。

 

寒天做運動前飲暖水

近年香港冬天普遍唔太冷,但當有冷風吹到,依然寒氣逼人。冬天健康錦囊重點在保暖。除咗著多件衫外,一啲生活習慣都要留意。例如中風常發生喺清晨和洗澡時。當天氣寒冷日子,記得床頭放定外套,一起身就著,避免離開暖笠笠被窩後著唔夠衫而凍親。沖涼時,要等水熱咗先好除衫,以免身體掂到冷水而血管收縮,對心臟造成太大壓力。天氣愈凍,人嘅活動志志愈低。但愈唔郁,愈影響健康。所以就算再凍,都要提醒自己多活動,以促進血液循環。唔一定要做劇烈運動,有下手腳、喺屋內行嚟行去都係活動嘅一種。若果你能夠無懼嚴寒正經外出做運動,記緊要注意保暖,如有流汗要盡快抹乾免受寒。運動前,先飲杯溫熱嘅水暖身。有研究指出,每星期做150分鐘中度運動可以降低1/4血管疾病再發率。

 

飲食護心

飲食係維持健康嘅方法之一。有營養師建議冬天多食以外4類食物,有助護心。

 

1 高纖蔬菜和全穀根莖

血糖和血脂不穩定容易誘發中風或心血管病。因此,冬天飲食宜多攝取膳食纖維,令身體快啲有飽足感,從而減少進食過多高澱粉類食物,有助穩定血糖和血脂。大家可以糙米、五穀飯、燕麥、番薯等來代替平時食開嘅白飯。蔬菜方面,黑木耳、秋葵、菠菜、甜椒等都含有豐富膳食纖維,可以多食。

 

2 魚和堅果

Omega-3係不飽和脂肪酸,人體必要嘅脂肪酸,有助於降低壞膽固醇、增加好膽固醇,並且可以促進血管擴張、降血壓,有助於預防三高和心血管疾病。食魚和堅果係攝取豐富Omega-3脂肪酸嘅良好來源,魚類當中以深海魚含Omega-3脂肪酸較高。堅果之中,以亞麻籽含Omega-3脂肪酸較多。

 

3 黑色食物

黑色食物多數含有豐富花青素,花青素有助保護血管彈性,預防動脈硬化。另外,按中醫學說,黑色食物入腎經,都適合冬天食用。黑色食物包括:黑豆、黑木耳、海帶等。

 

4 原貎食物

加工食物為添美味,多加調味,也有加入化學物以延長食用期,多食無益。加工食物高糖高鈉高脂,食太多對心血管不利。原貎食物指維持原始樣貎嘅食物,即天然,沒經加工,保留較多營養成分。

 

 

你或會有興趣的相關文章:

心源性猝死年輕化  常發生在冬天及清晨時分

疲倦咳嗽夜尿咪忽視 可能係患心臟衰竭先兆

 

 

TEXT: MaryLin

相關文章
膝頭長期受壓 上落樓梯嘅方法,你真係識?膝頭長期受壓 上落樓梯嘅方法,你真係識? 面對疫情be positive! 食物含呢3種元素│快樂解憂釋放正能量面對疫情be positive! 食物含呢3種元素│快樂解憂釋放正能量 打邊爐注意事項                             蘸雞蛋食高風險             蝦啱啱轉紅未食得打邊爐注意事項 蘸雞蛋食高風險 蝦啱啱轉紅未食得 就算買唔到藥用酒精DIY搓手液│千祈咪用工業酒精代替就算買唔到藥用酒精DIY搓手液│千祈咪用工業酒精代替 驅寒強身玩手指就得?              手指瑜伽郁郁手指行氣血驅寒強身玩手指就得? 手指瑜伽郁郁手指行氣血 日夜戴口罩塊面勁出暗瘡         8個除暗瘡要點日夜戴口罩塊面勁出暗瘡 8個除暗瘡要點 唔好畀對手出賣你年齡              護手霜咁搽先有功效唔好畀對手出賣你年齡 護手霜咁搽先有功效 睡意濃因身體缺水        兩個時段飲水全日醒神睡意濃因身體缺水 兩個時段飲水全日醒神