過量飲用感冒熱飲可損肝 易入口都係藥無病咪飲| likemagazine.com.hk
Beauty & Health
過量飲感冒熱飲可損肝		易入口都係藥無病咪飲

過量飲用感冒熱飲可損肝 易入口都係藥無病咪飲

踏入冬季流感高峰期,身體抵抗力差少少就好易中招。有人見自己感冒初起,唔太嚴重,會喺坊間買成藥頂住檔先。由於食藥感覺難受,有人轉為服用「感冒熱飲」,熱辣辣令人有暖意,而且入口甜甜地,唔似食藥。有人因而唔自覺飲多咗,以為可以快啲好,但咁做有可能傷肝。

 

撲熱息痛緩痛止燒

感冒熱飲成分多含撲熱息痛(Acetaminophen Paracetamol),作用是抑制中樞神經系統釋放的環氧酶,主要用於紓緩輕度至中度疼痛和發燒,緩解感冒出現嘅症狀。不同品牌嘅感冒熱飲所含有撲熱息痛分量不同,通常約600650毫克。成人建議每日使用撲熱息痛劑量為20004000毫克。服用感冒熱飲時,不可服用其他含撲熱息痛嘅藥物,否則撲熱息痛服用過量,嚴重可能令肝臟受損。

 

易入口都係藥要慎服

市面買到嘅感冒熱飲,唔少強調加入維他命C。咪以為維他命C可以預防感冒,就算無病無痛都可以飲!始終感冒熱飲係藥品而唔係保健飲品,成分中含藥,所以唔可以亂服,而且每次服用必須相隔46小時,一天內唔可以服用多過4次。如有飲酒習慣或有服用安眠藥嘅人,服用感冒熱飲更要小心,因為酒和安眠藥成分有可能加強撲熱息痛嘅對肝嘅損害。

 

有病時自行買成藥食,一定要按足服用指引,唔好隨便按個人喜好亂食。如服用後病情持續,應盡快求醫。藥始終係藥,有需要先服,服用時不能掉以輕心。如對服用分量或唔知成分自己食唔食得,最好問下醫生,千祈咪亂食。

 

 

你或會有興趣的相關文章:

天氣轉手腳冰冷  食番薯暖包放穴位保暖

營養師五大增強免疫力方法  抗流感無有怕!

 

 

TEXT: MaryLin

相關文章
雪櫃保鮮食物點擺位?              5個使用雪櫃黃金守則雪櫃保鮮食物點擺位? 5個使用雪櫃黃金守則 減肥要食得飽又滿足│日本營養師推介:南瓜高纖熱量低減肥要食得飽又滿足│日本營養師推介:南瓜高纖熱量低 想減肥又懶做運動        打冷震15分鐘等於運動1個鐘想減肥又懶做運動 打冷震15分鐘等於運動1個鐘 突然想打乞嚏但無紙巾│美國科普節目實測用手肘掩口鼻比手有效突然想打乞嚏但無紙巾│美國科普節目實測用手肘掩口鼻比手有效 瞓到半夜火燒心             胃酸倒流延醫增患癌風險瞓到半夜火燒心 胃酸倒流延醫增患癌風險 飲牛奶會生痰?             其實係口水中黏蛋白作怪飲牛奶會生痰? 其實係口水中黏蛋白作怪 面對疫情be positive! 食物含呢3種元素│快樂解憂釋放正能量面對疫情be positive! 食物含呢3種元素│快樂解憂釋放正能量 開P忍唔住美食誘惑                   掌握飲食3招唔怕食肥開P忍唔住美食誘惑 掌握飲食3招唔怕食肥