番茄皮雞蛋殼好有用 剩食造輪胎更堅韌耐用| likemagazine.com.hk
Special
番茄皮雞蛋殼好有用		剩食造輪胎更堅韌耐用

番茄皮雞蛋殼好有用 剩食造輪胎更堅韌耐用

殼隨著地球資源減少,環保刻不容緩。除了減少製造廢物,點樣為廢物賦予第二生命,做到永續性。之前同大家分享過菠蘿葉、蘋果皮等再造成「仿皮」,可用作製作袋子、衣飾等,好多人睇完都嘖嘖稱奇兼讚好。今次想同大家分享番茄皮和蛋殼嘅新用途,原來係可以造輪胎,係咪想像唔到呢?

 

造輪胎用大量碳黑

番茄皮和蛋殼變身造輪胎材料?好多人聽到都有懷疑,但多得美國俄亥俄州立大學嘅科研人員,將呢個匪疑所思嘅想法變成真,將可降低製作輪胎對石油嘅依賴,同時改善剩食問題,開永續性橡膠製品。講番少少輪胎製造嘅資料俾大家知先,話說製造輪胎,主要材料除橡膠外,還要一種叫做「碳黑」嘅石油製品作為填料,有助增強耐用性。輪胎之所以係黑色,都因為有呢種物質。美國係主要嘅輪胎製造地,需要經常及大量進口碳黑;碳黑取得不易,而且價格隨石油而漲跌,近年石油價格持續上升,為輪胎製造業成本帶來壓力。

 

食品加工剩食造廢

呢邊廂有人為資源短缺而煩惱,另一邊廂又人為每日處理生產製造出來嘅剩食而苦惱。美國嘅食品工廠為咗確保番茄喺長途運送下仍完好無缺,會選用一啲外皮較厚實、纖維較多嘅番茄,而喺食品加工過程中,例如製造番茄罐頭,呢啲番茄皮因為難消化而會被丟棄。另外,根據美國農業部統計,美國每年消化1千億隻雞蛋,一半用於食品加工,所以食品工廠每日都將大量蛋殼送去垃圾廠處理。

 

番皮蛋殼取代碳黑

偶然下,科研人發現番茄皮喺高溫下能保穩定性,而且喺生產物質嘅狀態下表現良好;而蛋殼天然嘅多孔微細構造,能提供橡膠連結所需嘅表面積。只要番茄皮和雞蛋殼兩種「剩食」夾埋一齊,再加入不同分量嘅碳黑,原來可以令橡膠更堅固和保持彈性。根據測試,以呢種新型填料製成嘅橡膠,表現超越工業水準。只係當減少黑色嘅碳黑,輪胎唔再係黑色,而係因應蛋殼和番茄皮嘅數量多寡而紁為紅棕色。科研人員正要著手測試唔同組合,試試為輸胎增添新色彩。呢種新填料合成技術唔止為輪胎製造帶來新曙光,亦有望未來生產界能以呢種「新橡膠」開創更多商品。

 

參考資料:https://www.seinsights.asia/article/3289/3270/4806

 

 

你或會有興趣的相關文章:

搭飛機自攜水樽裝水  支持減塑保護海洋生態

英女創研魚鱗造塑膠  強韌低密度自然分解

 

 

TEXT: MaryLin

相關文章
澳洲山火樹熊受災        眾籌助養救樹熊澳洲山火樹熊受災 眾籌助養救樹熊 約會點打扮提升脫單機會?男女約會打扮3寶約會點打扮提升脫單機會?男女約會打扮3寶 飼養寵物鼠請三思        事前了解寵物特性免棄養飼養寵物鼠請三思 事前了解寵物特性免棄養 青年宿舍1月4日截申請          獨居百幾呎每月只$4XXX青年宿舍1月4日截申請 獨居百幾呎每月只$4XXX 2020年鼠年犯太歲生肖+拜太歲攻略2020年鼠年犯太歲生肖+拜太歲攻略 廁紙一卷難求成賊人目標│話你知關於廁紙嘅5件事廁紙一卷難求成賊人目標│話你知關於廁紙嘅5件事