港人每4人中1人患鼻敏感 生活小改變減低致敏機會| likemagazine.com.hk
Beauty & Health
港人每4人中1人患鼻敏感		生活小改變減低致敏機會

港人每4人中1人患鼻敏感 生活小改變減低致敏機會

朝早返公司,連續有幾個同事「乞嗤」「乞嗤」咁聲。關心問句:「冷親感冒?」個個都否認,話係鼻敏感。近年發現,愈來愈多身邊人患有「鼻敏感」,每到季節交替時候,病發更見嚴重,打乞嗤之外,兼夾鼻塞及流鼻水,睇見佢哋都辛苦。有人歸咎於空氣太污染。在家,仲可以添置空氣清新機,減緩病情;喺街上、辦公室等公眾地方,空氣質素唔到自己控制,唔想日常被鼻痕、流鼻水或打乞嗤影響工作效率、情緒或生活質素,除咗睇醫生和食藥外,生活上有乜可以做,有助改善問題呢?

 

鼻敏感易被錯認感冒

鼻敏感,即係過敏性鼻炎,係鼻腔發炎病症,由致敏原引發,如灰塵、塵蟎、動物毛屑或空氣中嘅污染物等。根據香港過敏協會資料,喺香港,可能每4個人中就有1人患鼻敏感,情況都幾普及。鼻敏感嘅三大病徵包括:乞嗤、流鼻水和鼻塞,同一般感冒非常相似,有人會因而搞錯。簡要分辨兩個病症,關鍵係感冒係會發燒,而鼻敏感唔會。另外,乞嗤、流鼻水和鼻塞情況係持續長時間,而且鼻分泌物通常較稀清。

 

找出致敏原

鼻敏感係免疫系統愛到刺激而引發嘅發炎反應,如要減緩病情,最簡單有效方法就係避免接觸致敏原。引致鼻敏感嘅致敏原可分為3大類:環境過敏原、季節性過敏原和易致敏食物。環境過敏原包括:塵蟎、蟑螂、黴菌、家中灰塵、動物皮毛、PM2.5、香煙等,當中以塵蟎引致鼻敏感嘅情況較常見。季節性過敏原係指花粉、沙塵等只在某季節較常出現嘅過敏。易致敏食物例如:花生、蛋、牛奶、螃蟹、小麥等。另外,有人飲用或食用寒涼、生冷食品或冰飲後,會因為過分刺激鼻黏膜而感到不適。如想清楚自己對乜嘢敏感,其實可以做個皮膚點刺測試和特異IgE血液測試。知道後,盡可能避免接觸,多清理鼻腔,甚或使用藥物控制病情。

 

生活小改變

身體出毛病,及早求醫係上策,但生活上作出一啲改善,都有助減緩鼻子出現過敏狀況。

1 定期清洗寢具

每晚瞓覺都接觸到嘅寢具,係好多人致敏源頭。由於枕頭、被單等與皮膚有直接嘅接觸,有機會積累大量人體皮屑,而人體瞓覺時會排汗,為塵蟎生長和繁殖帶來良好的食物和環境。曾有美國大學昆蟲學家指出,用了至少2年或以上的枕頭,約有10%的重量是來自塵蟎的糞便和屍體。所以建議大家枕頭套每周洗1次,寢具每2周洗1次,最好用5565度嘅熱水清洗,然後日曬,有助殺死塵蟎。另外,選用防蟎寢具都有助減少塵蟎引起嘅過敏情況。

 

2 床邊少放毛公仔

床係用嚟瞓覺嘅,不過好多人家裡張床仲附有儲物和陳列功能。毛公仔痴最鍾意擺到成床係毛公仔,一來滿足個人慾望,二來鍾情於毛公仔嘅柔軟觸感,有助入眠。其實毛公仔嘅毛毛好易藏塵蟎。塵蟎係其一種主要嘅致敏原。唔想加劇鼻敏敏,床邊唔好放咁多毛公仔。如果真係要放,毛公仔要定期洗,或者用膠袋包好,都有助減少積塵。另外,窗簾都係易積塵藏蟎嘅地方,記得定期更換。地毯又係易積塵,唔用唔致敏,堅持要用就記得勤清潔。

 

3 隔塵網要定期洗和更換

香港春夏季天氣又濕又熱,好多人為使家居生活更美好,會在家添置冷氣機、抽濕機、空氣淨化機等。呢啲電器都有隔塵網組件,幫助淨化空氣。隔塵網用耐咗,黏滿塵垢,唔止降低電器嘅功效,聚積嘅塵又係致敏嘅源頭。所以必要定期清洗或更換電器裡嘅隔塵網,有減少家居空氣污染情況。

 

4 唔好養寵物

寵物容易掉落甩毛,產生灰塵等過敏原。毛髮與皮屑都係塵蟎喜愛嘅食物,所以應該盡量讓寵物留喺室外,以及經常幫寵物沖涼,保持潔掙。嚴重鼻敏感患者,唔太建議養寵物。

 

5 適量運動

強健體魄,身體愈健康,抵抗力強,都係遠離過敏嘅重點。有日本耳鼻喉科專家話,游水能減少鼻子對敏感原嘅敏感度。但亦有人話,泳池如果使用太多氯潔淨池水,其實會刺激鼻黏膜。如對游水係咪有助舒緩你嘅鼻敏感情況,最好諮詢下醫生。

 

6 帶口罩外出

空氣日益嚴重,空氣污染物中嘅懸浮粒子會引致鼻敏感,本港嘅大氣粒子主要嚟自區域性排放源。本地嘅粒子主要來自燃燒過程,特別是柴油車輛及發電廠排放嘅廢氣。此外,二氧化硫及氮氧化物在大氣中氧化後也可形成微粒。至於地殼的塵埃及海洋表面嘅懸浮微粒都係粒子嘅來源,但所佔份量較小。戶外空氣質素好與壞,一邊人無力改善,自保方法係戴口罩,回家後盡沖涼、洗頭及更換乾淨衣物。

 

 

你或會有興趣的相關文章:

健康熱潮無麩食品受追捧  英研究:健康人士唔使食

經常睇mon雙眼乾澀  熱敷消疲人工淚液潤眼

 

 

TEXT: MaryLin

相關文章
突然想打乞嚏但無紙巾│美國科普節目實測用手肘掩口鼻比手有效突然想打乞嚏但無紙巾│美國科普節目實測用手肘掩口鼻比手有效 常睇屏幕處理文書│雙眼睛疲勞又乾澀│調較呢3項升閱讀舒適感常睇屏幕處理文書│雙眼睛疲勞又乾澀│調較呢3項升閱讀舒適感 食咖喱可增免疫抗病?              關鍵在「天然消炎藥」薑黃食咖喱可增免疫抗病? 關鍵在「天然消炎藥」薑黃 甜食帶來好心情│識揀識食日本當造士多啤梨甜食帶來好心情│識揀識食日本當造士多啤梨 點食番茄先攝取最多營養?│食皮定去皮?煮定生食?點食番茄先攝取最多營養?│食皮定去皮?煮定生食? 過勞損腦力令人變蠢善忘│5大建議減壓放輕鬆過勞損腦力令人變蠢善忘│5大建議減壓放輕鬆 新春難拒美食誘惑        事後唔食晚餐減肥得唔得?新春難拒美食誘惑 事後唔食晚餐減肥得唔得? 心源性猝死年輕化        常發生在冬天及清晨時分心源性猝死年輕化 常發生在冬天及清晨時分