搭飛機自攜水樽裝水 支持減塑保護海洋生態| likemagazine.com.hk
Special
搭飛機自攜水樽裝水	支持減塑保護海洋生態

搭飛機自攜水樽裝水 支持減塑保護海洋生態

塑膠樽為海洋帶嚟嘅污染日益嚴重,近年屢發生海洋生物猝死事件,事後被解剖時,發現滿肚係塑膠垃圾,非常可憐!減少製造塑膠垃圾成為全球及各關注事情,企業各出奇謀。例如航空界,全球已有多家航空公司實施減塑或無塑措施,支持環保。作為乘客,又可以點支持及響應航空界嘅減塑行動呢?最簡單行動之一就係自攜水樽上機。

 

舒適旅程其實勁造廢

由於機艙內濕度低,大概只有515%,隨著高海拔嘅空氣進入機艙內,艙內環境會更加乾燥,令人容易感到口渴。有航空公司員工揭露,一次長途飛行,旅客丟廢嘅膠杯可達千個,非常浪費。而且精略估計,每位旅客每趟旅程平均可製造1.4公斤嘅垃圾,旅客有個愉快嘅旅程,但代價係生態要幫大家「梗」咗埋垃圾。

 

航空公司推出綠色航班

地球污染日趨嚴重,塑膠對海洋生態嘅影響近年日益浮面,環保刻不容緩。今年有陸續有航空公司推出綠色航班,機上唔再使用一次性塑膠產品,包括:食物用蠟紙包住;用不織布袋取代透明塑膠袋盛載毛毯;使用可再生、低碳或回收材料製作餐具、停用塑膠飲管等。

 

裝滿先上機

另外,美國有航空為鼓勵乘客行多一步支持環保獻出新猶,就係喺機場內派發不鏽鋼水樽,樽身寫上裝滿再飛字句,希望旅客上機前循著機場地面嘅水滴標誌,搵到飲水用機,然後裝滿水樽。旅程中如口渴可以飲用,唔使再問空姐拎水。航空公司估計,只要有10%旅客支持行動,自行裝滿水樽先上機,每年至少可減少70萬個塑膠樽、400萬個塑膠杯。

 

你嘅一小步,真係可以為地球做到好多。下次出遊前,不妨喺行李清單加埋私家水樽,上機前喺機場載滿水先上機,為拯救地球生命和保護海洋生態出力。

 

 

你或會有興趣的相關文章:

年尾DIY親手執靚間屋  油漆含揮發物使用要謹慎

美女創研魚鱗造塑膠  強韌低密度可自然分解

 

 

 

TEXT: MaryLin

相關文章
在家工作難專心開會家人亂入│酒店推日租服務方便遙距工作在家工作難專心開會家人亂入│酒店推日租服務方便遙距工作 親子體驗大澳漁鄉風情│住酒店任點晚餐一家四口低至$1,600親子體驗大澳漁鄉風情│住酒店任點晚餐一家四口低至$1,600 渣馬宣布明年1月24日舉行│已為今年參賽者預留名額渣馬宣布明年1月24日舉行│已為今年參賽者預留名額 大富翁85周年推出主題郵票│黃金郵筒投遞為未來送祝福大富翁85周年推出主題郵票│黃金郵筒投遞為未來送祝福 母親節親自落廚煮表孝心│阿聯酋星級廚拍片教你煮母親節親自落廚煮表孝心│阿聯酋星級廚拍片教你煮 意大利大量橄欖樹染病亡│產量大減油價升鬧油荒意大利大量橄欖樹染病亡│產量大減油價升鬧油荒 海港城drawingmary畫展│遇見「Mary」找尋歡樂海港城drawingmary畫展│遇見「Mary」找尋歡樂 入沙田食自助餐│任食乳鴿雞粥爐端燒入沙田食自助餐│任食乳鴿雞粥爐端燒