開P忍唔住美食誘惑 掌握飲食3招唔怕食肥| likemagazine.com.hk
Beauty & Health
開P忍唔住美食誘惑		掌握飲食3招唔怕食肥

開P忍唔住美食誘惑 掌握飲食3招唔怕食肥

來到年尾,聚會派對一個接一個,餐餐都開懷勁食,噢!好易增肥。唔想入冬身形就走晒樣,要靠闊身衣著左遮右遮,其實用餐時堅守3個小技巧,便可以輕鬆管理體重,唔會因為食得多而發福,即使冬天都可以最佳身形示人。

 

技巧1 餐前食水

要控制食量,最簡易方法係令自己無能力食咁多。有乜方法令個胃嘅容量立刻減少?秘訣係飲水。餐前30分鐘,先飲500cc水。美國曾有研究指出,餐前半小時飲500cc水,持續3個月都係咁做,可以比餐前無飲水嘅人多減2公斤。飲水後,水佔去胃嘅部分空間,可以達到減少食量,抑制食慾嘅效果。食少啲,又可以減少熱量攝量,長時間咁做積少成多,就可以得到管理體重嘅效果。

 

技巧2 咬多幾下先吞

相信你都聽過,食得太快更易肥嘅理論。原來當我們進食後,身體就會發生一連串嘅賀爾蒙轉變。一般嚟講,飽肚賀爾蒙喺我哋進食後約1520分鐘才會慢慢提升,若果你係只用十幾分鐘食一餐,令飽肚賀爾蒙未能發揮作用,就會出現食多致肥情況。另外,大腦喺食飽時接收到腸胃嘅訊號, 提醒大腦差不多可以停止進食,但從腸胃將訊息傳到大腦需約20分鐘左右,因此若果進食速度太快,喺大腦接收「食飽」呢個訊息前,你已經吸取過多卡路里,有機會增肥。要減慢進食速度,其中一個方法係提醒自己,每啖都多咬幾下,建議至少咀嚼20下。過去有研究發現,每一口咀嚼20下,可以降低12%食慾。

 

技巧3 飲食要順序

派對聚會美食滿枱,樣樣都想食,點算好?相信為食嘅你,遇到呢個情況,第一時間係諗「食乜先好?」開懷大食唔想致肥,一定要掌握進食順序呢個要點,次序為湯、菜、肉、飯。如果你好乖,開餐前已經做咗技巧1,即係飲水500cc,之後正式開餐先飲令人有飽足感嘅湯,跟著食啲含豐富纖維嘅蔬菜,撐住個肚,接住再食肉,食到呢個階段,已經有至少7分飽。最後食埋飽肚嘅澱粉如半碗飯或麵等,應該胃已滿,感覺好滿足。真係超大胃嘅,水後再食啲水果,已經足夠。

 

 

你或會有興趣的相關文章:

想減肥又懶做運動  打冷震15分鐘等於運動1個鐘

戴運動手表改善健康?研究:減肥效果唔見更好

 

 

TEXT: MaryLin

相關文章
未潔手就摸面增染疫風險|專家教3招控制不自覺摸面未潔手就摸面增染疫風險|專家教3招控制不自覺摸面 無油飲食=健康?│長期斷油皮膚乾便秘勁脫髮無油飲食=健康?│長期斷油皮膚乾便秘勁脫髮 每到春天周身痕│記住呢3個止癢穴位每到春天周身痕│記住呢3個止癢穴位 免費氣能掃描檢測!約10分鐘了解能量、經絡健康狀況免費氣能掃描檢測!約10分鐘了解能量、經絡健康狀況 提子外皮白霜係農藥?泡洗時加呢樣乾淨晒!提子外皮白霜係農藥?泡洗時加呢樣乾淨晒! 鹽水漱口消喉嚨痛│發揮效果重點在嗽喉鹽水漱口消喉嚨痛│發揮效果重點在嗽喉 罐頭湯烹煮飲用好方便│含鈉量高多飲致水腫罐頭湯烹煮飲用好方便│含鈉量高多飲致水腫 眼藥水非保養品│長期使用有副作用眼藥水非保養品│長期使用有副作用