想減肥又懶做運動 打冷震15分鐘等於運動1個鐘| likemagazine.com.hk
Beauty & Health
想減肥又懶做運動	打冷震15分鐘等於運動1個鐘

想減肥又懶做運動 打冷震15分鐘等於運動1個鐘

為咗減肥,你可以去到幾盡呢?美國有研究話,凍到成身震其實可以減到肥,只要震15分鐘,等於運動1個鐘。唔使跑、唔使跳、唔使流汗,但代價係要留喺好凍嘅環境下凍到勁打冷震,你有無興趣試下?

 

身體保暖燃燒棕色脂肪

運動係減肥嘅不二方法,相信你都知。只係說易難行,總係唔可以的起心肝去做運動。尤其到咗冬天,天寒地凍,有乜比匿喺暖笠笠嘅被窩更好?所以明明有減肥需要,但當諗起運動咁辛苦,你又會褪軚,下次先,過幾日先,跟住結果就係無做到,依然肥落去。懶人註定減唔到肥?又唔係嘅,最新研究話,只要你抵得冷,就可以替代運動,減肥一樣成功。

 

有外媒報道話,運動和凍到打冷震都可以產生相同種「鳶尾素」嘅荷爾蒙,能夠將體內嘅白色脂肪轉化為棕色脂肪,達到做運動嘅效果。咩脂肪有分顏色架!係呀,皮下和肉臟脂肪係白色脂肪,負責儲存能量;棕色脂肪主要集中喺頸後深層接近脊椎處,仲有左右鎖骨上方。另外,心臟側面、胸椎兩側,以及兩側腎臟上方的腎上腺周圍似乎也存在棕色脂肪。棕色脂肪嘅作用如鍋爐,快速燒脂產熱,用來保持體溫。有醫學研究指,當氣溫降低時,棕色脂肪活性會升高。換句話講,當天氣愈凍,身體為保暖要動用棕色脂肪,就會消耗熱量產生熱能,達到好比運動嘅減肥效果。

 

始終運動減肥最可靠

打冷震就可以減肥,係真唔係呀?據講美國曾經做過研究,搵嚟10位男女做實驗,一組人喺18度溫度下正常做運動,另一組人喺室溫12度嘅床上打冷震。結果發現打冷震15分鐘,等於做運動一個鐘嘅效果。雖然研究結果令想減肥又自認懶嘅人鼓舞,但係研究人員提醒,呢個不過係「減肥速成法」,雖然減到肥,但代價可能係感冒、失溫等,影響健康。世事有得必有失。想減肥又有成效又健康,都係勤力做運動罷啦!

 

 參考資料:https://www.bomb01.com/article/77590

 

 

你或會有興趣的相關文章:

跳繩15分鐘消卡更勝慢跑  跳繩後伸展減肥效更高

培養行路好習慣  輕鬆得到6個健康好處

 

TEXT: MaryLin

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素