寒天食碗日本拉麵暖入心 豚骨湯勁多油超晒標| likemagazine.com.hk
Beauty & Health
寒天食碗日本拉麵暖入心		豚骨湯勁多油超晒標

寒天食碗日本拉麵暖入心 豚骨湯勁多油超晒標

天寒地凍,食碗熱辣辣嘅拉麵,暖笠笠,又美味。日本拉麵嘅滋味精髓在湯頭,一般落足料用長時間熬製,而且不同店舖各有獨家秘方,每啖都係店家嘅精心之作。食日本拉麵為味覺帶來無上享受,可是身體添上負擔,因為濃湯背後含有高脂肪,而且高熱量。寒冬天滿足地食一碗,卻有機會危害健康。

 

湯頭係拉麵靈魂

近年日本拉麵大舉進軍香港,多間日本名店老店人氣店都喺香港開分店。每間日本拉麵店都有其看家本領,就係自家熬製嘅湯頭。據講日本人食拉麵,一定會將碗湯飲晒,代表尊重店家嘅心血和努力。食日本拉麵有正宗食法,首先飲幾啖湯頭,試真湯頭嘅味道,同時好似做運動熱身一樣,先潤澤一下口腔舌頭,熱暖暖感覺可叫醒味蕾。之後就係食麵。若果湯頭係日本拉麵嘅靈魂,拉麵就係湯麵嘅「肉身」。部分店家連拉麵都自家製,而唔係向麵廠攞現成麵,深信由拉麵嘅粗幼、彎度及質感,有助提升湯頭嘅味道。食麵時,唔好吝嗇唔好怕醜發出「oo殊」,因為呢啲聲等於讚賞,即係話碗麵好味,店家聽到會好歡喜。最後將剩下嘅湯一飲而盡,將拉麵所有精華都吞落肚。

 

人氣豚骨湯油分勁多

美味要盡情,飲晒啲湯好滿足!但,你知道食一碗拉麵,喺營養角度,尤其鈉和脂肪嘅攝取量,以及熱量,其實爆晒標。日本拉麵湯頭花款多,視乎唔同湯頭和所含嘅油分,熱量各不同,一般食一碗拉麵約有600800卡路量。眾款湯頭口味之中,數較多人like嘅應該係豚骨湯。呢款湯以大量豬骨熬製,味道香濃,湯底呈奶白色,滿滿骨頭嘅精華。據講有店家為使湯味更濃郁,會將豬骨打碎,等骨頭內嘅成分全釋出嚟。雖然滋味無窮,但湯裡腸肪含量卻比一般湯多。每碗拉麵嘅油脂含量約33克。33克有好多咩?要知係咪多,先要知道一啲數字。一般嚟講,成人建議每日嘅熱量攝取為2000千卡。而油分嘅攝入量應為每日所熱量的1530%。由於每克脂肪提供9千卡能量,所以膳食脂肪攝取量應限制於不超過65克。明白嗎?即係食一碗豚骨拉麵,已經佔去一日可攝油量嘅一半。一日唔止食一餐,若果其他飯餐都有超標嘅話,就會有增磅危機。另一款大熱口味─味噌湯,每碗油脂含量約23克。口味較清淡嘅醬油拉麵,每碗油脂含量都有15克。

 

日本拉麵高鈉食品

日本拉麵唔止高脂,更係高鈉。世衛建議,成年人每天攝取嘅鈉應少於2,000毫克,即大約5克鹽。2018年消委會曾發表報告,測試本港市面10款日本豬骨湯底叉燒拉麵,結果發現若果連餸連湯計,食一碗已超出世衞攝入鈉嘅標準。其中有一款拉麵,鈉含量更高達3900毫克。

 

食得健康先撇油

就算日本拉麵再好味,都要適可而止。偶一為之食碗拉麵,美味快樂似神似,但成日食或日日食,脂肪和鈉過高,小心身體吃不消,影響健康!建議健康食法,可以嘅話食拉麵時先撇走湯面嘅油,另外唔好飲晒啲湯。覺得咁做好似無禮貎嗎?惟有減少進食量或進食次數。有啲拉麵店提供唔同size拉麵,唔好貪心叫大碗,抱住少食多滋味心態,味覺享受又唔會壞肚皮。

 

 

你或會有興趣的相關文章:

天氣凍打邊爐暖笠笠  唔想肥緊記7大要點

即食麵好味但無營  6個較健康食法建議

 

 

 

TEXT: MaryLin

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 向日本OL偷師!纖體美肌首選小球藻向日本OL偷師!纖體美肌首選小球藻 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 晨早起床做瑜伽│新一天由陽光好心情開始晨早起床做瑜伽│新一天由陽光好心情開始 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來