外遊浸溫泉泳池玩水 小心水污染感染隱孢子蟲| likemagazine.com.hk
Beauty & Health
外遊浸溫泉泳池玩水		小心水污染感染隱孢子蟲

外遊浸溫泉泳池玩水 小心水污染感染隱孢子蟲

聖誕期間,好多人會外遊散心放鬆下。冬天外遊,除咗滑雪夠晒應景外,亦有人鍾情浸溫泉。怕凍嘅話,有人會選擇去熱辣辣嘅地方享受陽光海灘,或者去當地大型遊樂游泳池玩水。無論浸溫泉或游水,大家都要小心染上隱孢子蟲病,輕則腹痛、肚瀉、嘔吐及發燒等,如免疫系統有問題嘅患者受感染,病情可能好嚴重,甚至威脅生命。

 

染病後腹痛肚瀉

隱孢子蟲病係由一種叫微小隱孢子蟲所引起嘅傳染病,而其他品種的隱孢子蟲亦偶然會引起此病。隱孢子蟲病喺全球都有發生,傳播途徑主要經進食或飲用咗受糞便污染嘅食物或水,例如游水時吞下受糞便污染嘅池水,或透過接觸他人嘅糞便而傳播,例如照顧受感染嘅病患者、幫BB換尿片或於性行為中接觸到伴侶嘅糞便物 。染病後出現嘅病徵包括腹痛、肚瀉、嘔吐及發熱。大部份患者嘅病徵持續610天,亦有可能會持續數星期,但一般會自動痊癮。免疫系統有問題嘅人如受到感染,病情可能非常嚴重,甚至威脅生命。

 

近年個案上升

根據衞生署衞生防護中心《傳染病直擊第16卷第23期》,由2010年至今年10月,本港共錄得44宗隱孢子蟲病個案。其實隱孢子蟲病喺香港一向唔多,多年嚟只有零星個案。但到咗2018年,個案數字急升至15宗。至於今年,截至10月,已錄得9宗確診個案。

 

水加碘或氯殺唔死隱孢子蟲

由於現時隱孢子蟲病並無預防疫苗,大家外遊時要注意個人衞生和小心飲食。雖然喺水入面加入碘或氯有助消毒殺菌,但卻唔可以有效咁消滅隱孢子蟲卵。如要避免外遊期間染病,游水或浸温泉時,嘴盡量唔好沾到池水。在外進食或住宿期間,唔好飲來歷不明嘅水或飲品,飲用水最好經1微米過濾或煮沸先好飲。

 

 

 

你或會有興趣的相關文章:

大肚婆搭飛機外遊3點注意

香港床蝨為患普及  行李帶回家記得要清潔

 

 

 

TEXT: MaryLin

相關文章
三文治處理不當高風險              最易食物中毒?             蛋沙律菜絲三文治三文治處理不當高風險 最易食物中毒? 蛋沙律菜絲三文治 疫情影響捐血人數減│血庫告急│怕人多聚集可先預約疫情影響捐血人數減│血庫告急│怕人多聚集可先預約 守護家人健康同抗疫│ 防止病毒家庭傳播8個重點守護家人健康同抗疫│ 防止病毒家庭傳播8個重點 「跟車太貼」情緒焦慮              6式調適身心防疫「跟車太貼」情緒焦慮 6式調適身心防疫 人到中年膽固醇高        早上食番茄助心血管健康人到中年膽固醇高 早上食番茄助心血管健康 天冷飲乜熱飲最暖身?薑湯竟然輸俾熱朱古力天冷飲乜熱飲最暖身?薑湯竟然輸俾熱朱古力 唔夠人早搶到口罩...過期口罩用唔用得?唔夠人早搶到口罩...過期口罩用唔用得? 飲牛奶會生痰?             其實係口水中黏蛋白作怪飲牛奶會生痰? 其實係口水中黏蛋白作怪