新鮮麵包擺幾日發咗霉 揻走發霉部分食唔得食?| likemagazine.com.hk
Beauty & Health
新鮮麵包擺幾日發咗霉		揻走發霉部分食唔得食?

新鮮麵包擺幾日發咗霉 揻走發霉部分食唔得食?

同事A係慳妹一名,做人宗旨係唔好嘥,佢話食得係福,有得食更係福,所以討厭浪費食物。有日路經佢嗰位,見到枱面放咗袋食咗一半嘅麵包。「袋麵包係茶水阿姐畀,佢話發咗霉唔要得。我見只係麵包面有少少發霉,搣咗佢咪食得囉!食得唔好嘥嘛,所以拎咗返嚟!」慳妺性格,全公司都知,無人怪佢,但發咗霉嘅麵包,係咪真係食得架?會唔會食壞人?

 

霉菌未必睇得見

霉菌屬真菌類,無處不在。霉菌唔止喜歡又暖又濕嘅環境,就算喺冷藏嘅溫度之下都可以滋生。霉菌藉肉眼睇唔到嘅微小孢子進行繁殖,孢子靠空氣、水等散播。有時食物沾上霉菌,而霉菌數量唔多,我哋未必留意到;但當菌落夠大,就可以睇得見,例子如麵包上面嘅霉菌。若果霉菌嘅顏色跟食物差唔多,我哋都未必察覺得到,例如灰斑生咗喺黑朱古力蛋糕上面,就會好似隱咗形咁。所以,日常生活裡,我哋絕對有機會食咗霉菌落肚而唔知。

 

部分霉菌有毒素

大部分嘅霉菌都無害,食咗身體都無事。雖然未必會急性中毒,但對免疫力弱嘅人嚟講,霉菌可能造成感染,為健康帶來風險。有啲霉菌更會產生霉菌毒素,對我哋健康帶嚟急性或長期嘅影響。例子如黃曲霉毒素,係一種天然存在嘅毒素,常見於無適當處理或貯存嘅農作物如花生、粟米、穀物、香料等。黃曲霉毒素可導致急性肝臟受損;另外,國際癌症研究機構都將黃曲霉毒素列為令人類患癌的物質。

 

健康唔好食發霉食物

咁到底食物發霉食唔食得呢?有人話清走發霉部分就無問題。不過,剛才都話,當菌落唔夠大,我哋未必肉眼睇得見,而且菌絲可能已經入侵食物深層。有啲危險霉菌,菌絲內外帶有毒物質,咁就會污染食物整體,令食品變質。雖然唔係全部霉菌有毒,但為安全計,唔食發霉食品為上策。如發現食物發霉,扔咗佢啦!唔好為慳少少而影響健康。

 

 

你或會有興趣的相關文章:

健康熱潮無麩食品受追捧  英研究: 健康人士唔使食

智選麵包避免攝取過量鈉  呢3款麵包味淡但高鈉

 

 

TEXT: MaryLin

相關文章
打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 常戴口罩肌膚出事了?│修護護膚敷噴搽3部曲常戴口罩肌膚出事了?│修護護膚敷噴搽3部曲 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 有種責任叫堅持,消毒也要堅持!用正確方法打造空氣潔淨空間有種責任叫堅持,消毒也要堅持!用正確方法打造空氣潔淨空間 戴口罩都仲未放心?「減低身邊病毒量」才是上上策戴口罩都仲未放心?「減低身邊病毒量」才是上上策 行路易攰企得耐會痛│教你練瑜伽改善扁平足行路易攰企得耐會痛│教你練瑜伽改善扁平足 遇上灰甲點算好?激光治療深入解決問題!遇上灰甲點算好?激光治療深入解決問題! 免費氣能掃描檢測!約10分鐘了解能量、經絡健康狀況免費氣能掃描檢測!約10分鐘了解能量、經絡健康狀況