氣溫下降冚幾張被保暖 冚被順序影響保暖度| likemagazine.com.hk
Beauty & Health
氣溫下降冚幾張被保暖	冚被順序影響保暖度

氣溫下降冚幾張被保暖 冚被順序影響保暖度

天文台預測,寒冷天氣會持續多幾日,直至下周中左右先暖番啲。夜晚瞓覺時,有無愈瞓愈凍感覺?明明拎咗全屋最厚嗰張被嚟冚,瞓到半夜仍然凍醒?為咗再保暖啲,有人冚厚被外再加料,冚多張毛巾或毛毯,但你知道應該冚邊張喺面先啱呢?原來冚被順序錯咗,保暖力大減。

 

羽絨被輕身保暖大熱

寒風呼呼吹,匿喺暖笠笠嘅被窩令人有幸福感覺。冬被質料愈出愈多花款,講到近年大受歡迎嘅有羽絨被。羽絨被輕身,保暖度高。其保暖原理係當身體與被身接觸,體溫會令羽絨膨脹,造成空氣間層,帶來保溫效果。至於老一輩至愛嘅毛毯,質料多數為聚酯纖維等,能阻止熱能散走,但質料問題,同時難散濕氣。傳統嘅棉被,內裡塞滿棉花,非常重,冚起嚟唔舒服。新一代冬被採用人造合成纖維,雖然比棉被輕身,保暖度高,但唔夠疏氣,夜晚瞓瞓下可能會出汗。

 

冬被組合順序建議

呢幾晚氣溫一直降,晚間氣溫徘徊十多度。為免冷親,好多人近日除咗冬天冚開嗰張被外,會再加多被。多冚幾張被係暖啲,不過冚到成座山咁,好難轉身,瞓得唔爽。如要一夜好眠又夠暖,原來冚被順序係關鍵。日本專家話,冚被順序應該輕身貼身,厚重在外。假設你嘅保暖組合係棉被加毛毯嘅話,由於棉被較重,建議直接接觸皮膚嗰層係毛毯,然後先冚棉被。若果保暖組合係羽絨和毛毯,順序應該先冚羽絨被,後冚毛毯,咁就可以得到最好保暖效果。原因係,喺身體與羽絨被之間冚咗毛毯,羽絨無法充分變得蓬鬆,羽絨被嘅保暖功能大減。

 

床單舖毛毯增暖感

羽絨被係暖,但要瞓一段時間先見效,有人討厭羽絨被起初冚上身嗰種凍冰冰感覺。要解決呢個小問題,換個質料含絨毛嘅被套就可以。又暖又滑嘅感覺,會令你好快入眠,而且瞓得好。若果冚多張被仲未夠暖,小魔法係喺床單上鋪張毛毯。由於熱氣會從身體下方散走,床單上有毛毯,提高保暖效果。但注意毛毯要天然材質造嘅,如羊絨、羊毛等,天然物料疏氣排汗力較好,唔會造成悶熱,讓濕氣帶走體溫。

 

 

你或會有興趣的相關文章:

冷衫縮水有得救  教你水洗手洗冷衫方法

冬天腳仔凍冰冰瞓唔到  著襪瞓生蘿蔔仔香港腳

 

TEXT: MaryLin

相關文章
戴運動手表改善健康?                    研究:減肥效果唔見更好戴運動手表改善健康? 研究:減肥效果唔見更好 辦公位坐得唔舒服  搵出上班族周身痛癥結辦公位坐得唔舒服 搵出上班族周身痛癥結 培養行路好習慣                             輕鬆得到6個健康好處培養行路好習慣 輕鬆得到6個健康好處 爸媽用零食作獎勵        影響孩子健康降學習力爸媽用零食作獎勵 影響孩子健康降學習力 健康熱潮無麩食品受追捧                         英研究:健康人士唔使食健康熱潮無麩食品受追捧 英研究:健康人士唔使食 三文治處理不當高風險              最易食物中毒?             蛋沙律菜絲三文治三文治處理不當高風險 最易食物中毒? 蛋沙律菜絲三文治 新年傳統正月唔買鞋   買新鞋過年4項注意新年傳統正月唔買鞋 買新鞋過年4項注意 久坐唔止養出豪華臀   日坐8小時以上更易憂鬱         久坐唔止養出豪華臀 日坐8小時以上更易憂鬱