跳繩15分鐘消卡更勝慢跑 跳繩後伸展減肥效更高| likemagazine.com.hk
Beauty & Health
跳繩15分鐘消卡更勝慢跑		跳繩後伸展減肥效更高

跳繩15分鐘消卡更勝慢跑 跳繩後伸展減肥效更高

人人都知做運動對身體好,不過運動呢家嘢……一諗起就頭痛。有人話跑步最簡單,乜都唔使準備,著對波鞋出街就跑得,但跑步好單調好悶啫。要運動夠簡單又有啲花巧,推介你跳繩。唔使學特別技能,有條跳繩識跳就得,而且喺屋企或戶外都做得。跳繩其實係一個非常見效嘅減肥運動。只要做堅守3個重點,先暖身,後跳繩,完結伸展舒緩。1星期多做幾次,身形變纖瘦,更可美化身體線條。

 

跳繩用到多組肌肉

跳繩運動睇落簡單,其實過程中用到多組肌肉群,包括:包括大腿四頭肌、小腿肌肉,還有身軀肌肉和手臂。論熱量消耗,跳繩一啲都唔少,有研究指每天花30分鐘持續跳繩,可消耗200300卡熱量。要有對比先知多定少。話你知,慢跑1小時約消耗400卡,換言之,用同樣時間做運動,跳繩消卡更多。

 

運動前先暖身

開首已經講咗,如想用跳繩減肥,要堅守3個重點:先暖身,後跳繩,完結伸展舒緩。首先講下暖身。做任何運動都好,都要熱身。無熱身,好易受傷。由於跳繩時會郁動到身體唔同部位及肌肉,所以預熱,叫醒身體好重要。熱身有助增加血液循環,增加神經嘅傳導及反應性,提升攝氧量,減低關節僵硬度。

 

揀啱時間運動效果倍增

跟著開始跳繩。由於跳繩屬中強度運動,連續跳30分鐘以上,可能會造成心肺過度刺激而感到不適,體質虛弱嘅人可能吃不消。所以初體驗嘅人要量力而為,先試試每星期3日,每日跳3分鐘,俾身體適應下。當覺得身體OK後,再慢慢加時間。跳繩運動簡單易做,基本上隨時有適合地方就可以做,但原來想成效好啲,揀啱時間做運動,可以事半功倍。科學家一早發現,人體生理周期有一定規律,一天裡頭,最適合做運動嘅時間原來係3點至6點。呢個時段內做運動,無咁易囤積碳水化合物,燒脂效果更高!若果選擇夜晚先跳繩,例如10時打後,呢個時段係身體休息修護期,做高強度運動會打擾身體休。

 

高低強度間歇訓練延燒脂

有研究指,利用「高低強度間歇訓練」,即是做35分鐘嘅高度運動後,休息伸展1030秒,如此循環數次,會持續燃燒熱量長達6小時以上,達到「後燃效應」。原理係,高低強度間歇訓練會使體能達到極限,需要消耗更多卡路里來恢復身體機能。因此,大家可以試試跳繩3分鐘後,做啲有氧伸展運動,然後再跳繩,再做伸展動作。通過高低強度間歇訓練,促進腎上腺素和生長激素分泌,幫助燃脂。此外,做完跳繩呢類強度運動後,肌肉會積有乳酸、廢物,呢個時候做伸展動作,有助減緩肌肉痛或抽筋。伸展動作好簡單,包括:拉伸手腕舒緩臂肌、拉伸小腿後肌舒緩膝蓋、側拉核心肌群放鬆骨盆,拉伸膝、腿、臀部放鬆肌肉。拉伸身體各部位肌肉後,你會覺得全身鬆晒。

 

 

你或會有興趣的相關文章:

告別傳統Sit up 9招在家運動火速收腹

培養行路好習慣  輕鬆得到6個健康好處

 

 

TEXT: MaryLin

相關文章
秋冬美顏抗衰老飲品|蘋果櫻桃玫瑰花飲秋冬美顏抗衰老飲品|蘋果櫻桃玫瑰花飲 瞓醒無力起床「被鬼壓」?	科學解釋可能因低血鉀瞓醒無力起床「被鬼壓」? 科學解釋可能因低血鉀 新加坡人糖尿病發病率高    政府出招幫國民減糖  新加坡人糖尿病發病率高 政府出招幫國民減糖 戶外運動頭髮脫光光?`             空氣污染影響頭髮健康戶外運動頭髮脫光光?` 空氣污染影響頭髮健康 罐頭食物唔健康?                        罐頭魚和番茄比天然食物更有營罐頭食物唔健康? 罐頭魚和番茄比天然食物更有營 Q軟橡皮糖其實係葷食              素食者睇清成分免破戒Q軟橡皮糖其實係葷食 素食者睇清成分免破戒 香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 三文魚顏色愈橙愈新鮮?         魚肉呈橙色因含呢種成分三文魚顏色愈橙愈新鮮? 魚肉呈橙色因含呢種成分