冷衫縮水有得救 教你水洗手洗冷衫方法| likemagazine.com.hk
Special
冷衫縮水有得救	教你水洗手洗冷衫方法

冷衫縮水有得救 教你水洗手洗冷衫方法

等到12月,氣溫終於跌到十幾度,收埋喺衣櫃底嘅冷衫可以拎番出嚟著囉!雖然冷衫保暖力強,但清洗就比較麻煩,稍一不小心,就會縮水、變形、起毛粒。就算件冷衫幾靚都好,走晒樣就唔想著,就要扔到垃圾筒。唔想造廢,清洗冷衫時有乜要注意呢?萬一件心愛冷衫縮咗水,又可以點補救呢?

 

冷衫唔一定乾洗

其實無論洗乜衫都好,清洗前第一件事係睇下洗滌標籤。上面寫有關於件衫嘅資訊,包括:質地和清洗方法、用幾多度水溫、可唔可以扭乾等。即使同樣係冷衫,但質地可以有好多種,有天然,亦有人造纖維,清洗方法都唔同。例如羊毛,常見都有3大類:MerinoLambswoolCashmere3種都係嚟自羊身上,不過因取自不同羊種、部分為纖維粗幼唔同,因而觸感、保暖度及價格都唔同。基本上,羊毛質地冷衫嘅標籤都話唔可以手洗,建議乾洗。乾洗唔係叫你一定拎去洗衣舖搵人代勞。自己屋企乾洗,即係用蒸氣機或熨斗蒸件冷衫,用蒸氣消毒殺菌,順手除味。

 

暖水浸泡

若果冷衫太污糟,有污積,單用蒸氣無法清乾淨,其實羊毛衫都可以手洗,只不過洗滌時要非常小心。由於羊毛要特別護理,建議使用羊毛專用清潔液,以暖水浸泡方式清洗。清洗時咪太用力又搓又捽,輕輕按壓冷衫,重覆多幾下,你會見到盤水顏色愈來愈黑,污物及汗脂等已經隨水走出來。如果袖口、領口有漬,可以用毛刷輕輕洗刷。

 

用毛巾吸水

跟著去水一步非常重要,做錯件冷衫就玩完。先取大毛巾,然後快手將濕嘅冷衫平放上去,然後把毛巾連冷衫捲起來,借用毛巾會吸走冷衫上嘅水。捲起嘅毛巾可以稍稍扭一下,盡量將冷衫裡嘅水擠出嚟。

 

晾曬記住要平放

當冷衫唔再滴水,就可以拎去曬。曬冷衫又係重要步驟,做錯咗件冷衫又要報廢。仍然濕嘅冷衫要平放,垂直掛嘅話,會因為太重而愈拉愈長。建議可以買曬衫掛網,將冷衫平放喺上面,上下通風,加快吹乾。另外,可以用23個衣架,將冷衫以平放方式横晾喺衣架上,減少冷衫因濕水下墜嘅情況。

 

機洗都得

手洗之外,其實冷衫都可以用洗衣機洗,但有幾點要注意。首先,洗衣機模式必要調至柔洗。第二,洗衣液唔使用具特強潔淨、漂白功能,一般中性或加倍護理配方都可以。第三,用暖水,冷水或熱水會令羊毛纖維縮埋,洗完件衫觸感好硬。第四,冷衫要竹洗衣袋,減少起毛粒。洗完按之前所講嘅方法曬乾,千祈咪懶用乾衣,否則冷衫又係揦埋一嚿要報銷。

 

蒸氣熨斗救縮水冷衫

萬一唔小心,冷衫縮咗水,點算好呢?補救方法好簡單,就係用蒸氣熨斗,一邊用蒸氣,一邊用手輕輕拉番鬆啲纖維。呢個過程必要有耐性,要慢慢嚟,大快拉過籠,件冷衫就變得鬆泡泡走晒形。網上有比更懶嘅人用嘅方法,就係將冷衫套入枕頭,然後放入蒸鍋內蒸15分鐘。其實原理相近,但香港人邊個屋企有咁大個蒸鍋呢?如果你有,都可以一試嘅。

 

 

你或會有興趣的相關文章:

羽絨褸唔一定要乾洗  教你自家水洗羽絨方法

運動後衣物沾汗易有菌  5個徹底清洗除菌tips

 

 

TEXT: MaryLin

相關文章
渣馬宣布明年1月24日舉行│已為今年參賽者預留名額渣馬宣布明年1月24日舉行│已為今年參賽者預留名額 足不出戶享受閱讀樂│精選30本中文電子書無需預約足不出戶享受閱讀樂│精選30本中文電子書無需預約 以為戲曲傳統老土好奄悶?│年輕人唱曲做戲個半小時無冷場以為戲曲傳統老土好奄悶?│年輕人唱曲做戲個半小時無冷場 如何實踐低碳環保生活?│零碳天地工作坊教你從日常做起如何實踐低碳環保生活?│零碳天地工作坊教你從日常做起 黃大仙出發行1小時瞰九龍半島│沙田坳獅子亭打卡歎山水豆腐花黃大仙出發行1小時瞰九龍半島│沙田坳獅子亭打卡歎山水豆腐花 芬蘭連續3年獲選全球最幸福國家│線上直播幸福嚮導分享幸福秘訣芬蘭連續3年獲選全球最幸福國家│線上直播幸福嚮導分享幸福秘訣 LINE FRIENDS直播同你齊做瑜伽│買限量Pass享專屬直播及限定禮品LINE FRIENDS直播同你齊做瑜伽│買限量Pass享專屬直播及限定禮品 香港海事博物館免費開放兩天│多感認識香港百年燈塔故事香港海事博物館免費開放兩天│多感認識香港百年燈塔故事