日本百貨標籤「經期」女店員 本意促關懷但引網民激鬧| likemagazine.com.hk
Special
日本百貨標籤「經期」女店員		本意促關懷但引網民激鬧

日本百貨標籤「經期」女店員 本意促關懷但引網民激鬧

女性來經期間,周身無力又唔舒服,若果仲要正常返工,其實係同身體和同意志力作戰。日本大阪一間百貨公司最近設立針對女性需要嘅專區,專區女店員如正值月經期,須佩戴「經典徽章」,百貨公司話原意係促進同事之間同理心,多加照顧和體諒,但措施一出,即被網民和顧客鬧爆,覺得係歧視和侮辱。百貨公司已作出回應,話會檢討呢項措施。

 

戴徽章標籤來經

有去過日本大阪掃貨shopping嘅,大丸百貨係其中一個留連忘返之地。呢間百貨主要顧客明顯係女性,女性除咗扮靚外,都有其他需要,所以呢間百貨公司最近喺梅田店新開一個為女性而設嘅專區,出售商品包括:中藥、內衣褲、生理用品等,幫女性一站式解決生活煩惱。女性一生人中,其中一個大煩惱就係每月來經,又痛又難搞。對要返工嘅女性嚟講,來經期間身理上已經無咗半條人命,仲要費神返工,的確苦事,奈何有唔同原因唔請得假,惟有頂硬上。如果呢段期間有人多啲關心、體諒和幫忙,會覺得好溫暖。基於專區嘅特性,百貨公司竟然諗咗條橋,要正值來經嘅女店員掛上特別徽章,原意想促進同事之間嘅關懷,建立公司關心同事嘅形象。點知措施一推出,即引來網民和顧客反感,覺得係侵害私隱。百貨公司大受批評,好在都肯回應,男主管話接獲投訴,部分人擔心會受到騷擾,明白措施實行起嚟有遺本意,所以會重新檢討一下,而且唔會強制女店員戴徽章。

 

女星發起#KuToo 運動

其實日本職場一直以嚟有唔少針對女性嘅要求,例如唔可以戴眼鏡、必要化妝和著高跟鞋等。最近日本女星兼自由投稿作家石川優實(Yumi Ishikawa)為咗反對女性喺求職或上班時,必要穿著高跟鞋,佢用咗日文鞋子 kutsu)和痛苦(kutsuu)兩字嘅諧音,發起#KuToo 運動,佢送交畀厚生勞動省嘅放寬規定請願書得到逾3萬人連署,而成功引來迴響,而#KuToo呢個字更入選為日本年度十大新語.流行語之 一。

 

日航明年准空姐著褲

另外,日本航空亦宣布明年4月起,將褲裝列入制服之一,空姐可自由選擇穿裙或褲執勤。航空公司有呢個決定,除咗因為相隔7年要換新制服外,亦因為有好多空姐反映,工作期間著裙唔方便,例如半蹲時既要保持禮貌又要防走光,要時刻保持警覺加大工作壓力。另外,日本航空聯盟曾進行調查,6成空姐覺得遭偷拍,感到擔憂。准許空姐可著褲,可見日本職場踏出重要一,展現對性別角色嘅價值觀嘅改變,尊重不同性別嘅權利。

 

 

 

你或會有興趣的相關文章:

女友M come痛到忟  減經痛原來靠呢招

你有經痛嗎?

 

 

TEXT: MaryLin

相關文章
大富翁85周年推出主題郵票│黃金郵筒投遞為未來送祝福大富翁85周年推出主題郵票│黃金郵筒投遞為未來送祝福 親子體驗大澳漁鄉風情│住酒店任點晚餐一家四口低至$1,600親子體驗大澳漁鄉風情│住酒店任點晚餐一家四口低至$1,600 意大利大量橄欖樹染病亡│產量大減油價升鬧油荒意大利大量橄欖樹染病亡│產量大減油價升鬧油荒 美味棧請人《動森》起島│在家工作薪酬2萬元美味棧請人《動森》起島│在家工作薪酬2萬元 香港海事博物館免費開放兩天│多感認識香港百年燈塔故事香港海事博物館免費開放兩天│多感認識香港百年燈塔故事 母親節親自落廚煮表孝心│阿聯酋星級廚拍片教你煮母親節親自落廚煮表孝心│阿聯酋星級廚拍片教你煮 芬蘭連續3年獲選全球最幸福國家│線上直播幸福嚮導分享幸福秘訣芬蘭連續3年獲選全球最幸福國家│線上直播幸福嚮導分享幸福秘訣 渣馬宣布明年1月24日舉行│已為今年參賽者預留名額渣馬宣布明年1月24日舉行│已為今年參賽者預留名額