年尾DIY親手執靚間屋 油漆含揮發物使用要謹慎 | likemagazine.com.hk
Beauty & Health
年尾DIY親手執靚間屋	油漆含揮發物使用要謹慎

年尾DIY親手執靚間屋 油漆含揮發物使用要謹慎

來到年尾,又係執靚間屋,準備過新年嘅時候。近年愈來愈多人自己動手裝修家居,一來為慳錢,二來可以隨心所欲,唔使受到設計師或裝修公司所謂嘅意思左右,破壞咗自己心目中的理想家居設計。裝修家居大有大做,小有小做。無乜budget又唔想搞「大龍鳳」,簡單將牆身油上新油漆,成間屋睇上去已經煥然一新。不過油漆含揮發物,既可能危害健康,油牆之後散發嗰陣味,好難聞,令人難受。準備為家居裝新嘅你,由揀選油漆至進行油漆工作時,有乜要注意呢?

 

吸入VOCs影響健康

準備油靚間屋,首要做係買油漆。市面上嘅油漆產地及種類五花八門,簡單而言可分為水性和油性兩大類,前著用水稀釋便可;後者要加入松節水等作為稀釋溶劑,雖然油漆較耐用,而且顏色亮麗啲,防水性也較好,但缺點係會散發刺鼻味道。但無論水性或油性油漆,都會產生揮發性有機化合物(VOCs)如甲醛、甲苯、丙銅等。油漆嘅揮發物影響人體健康。VOCs係室內空氣污染嘅常見來源之一,可透過皮膚、肺部進入體內,影響健康。長期曝露於含有高水平VOCs的環境下,可引致呼吸系統疾病甚至產生神經系統問題。有研究指,工作時暴露喺油漆常見化學物中嘅婦女,更容易生自閉症嬰兒。根據美國肺臟協會,在高濃度揮發性有機物下的環境呼吸,可能會造成許多短期的健康問題,從頭暈、頭痛、流鼻水到眼睛癢等,有些揮發性有機物還會造成神經系統和器官的損傷。

 

進行油漆注意事項

油漆嘅化學物壞健康一直為人詬病,雖然近年市場推出了「環保漆」,標榜不加甲醛、苯及其他揮性有機物,確保室內空氣質素安全,保障健康,但無論如何,油漆始終係化學物,為健康著想,在家居進行油漆時,有以下幾點要注意:

1 進行油漆時,最好帶口罩,減低吸引揮發性化學物而出現嘅過敏反應如頭痛、頭暈、反胃、眼鼻喉嚨乾渴等不適。

2 選用水性漆比油性漆理想,可減少殘留喺屋裡嘅揮發物含量,而且油漆味道無咁刺鼻。

3 油漆時,記緊打開窗,確保室內通風。或者喺室內開風扇,增加空氣流動,既可以令油漆快啲乾透,又可以幫助驅散油漆嘅氣味。

4 可以嘅話,分區域進行油漆,每完成一區,外出休息透下氣,唔好自己喺高濃度嘅揮發物環境下留得太耐,引起不適。

5 完成油漆後,最好保持通風幾天,等大部分有毒物排出及散走,先好使用該區域。

 

 

 

你或會有興趣的相關文章:

濕紙巾唔係濕咗嘅紙巾  污染環境含防腐劑

經常食快餐影響生育  外賣包裝含永久化學物

 

 

TEXT: MaryLin

相關文章
周末冷峰到氣溫降│兩招保暖強身防病周末冷峰到氣溫降│兩招保暖強身防病 剪傷指甲感染痛歸心   點剪指甲先正確?剪傷指甲感染痛歸心 點剪指甲先正確? 辦公位坐得唔舒服  搵出上班族周身痛癥結辦公位坐得唔舒服 搵出上班族周身痛癥結 空氣污染傷身更傷腦                   最新研究增患腦退化降記憶力空氣污染傷身更傷腦 最新研究增患腦退化降記憶力 Party 後肌膚SOSParty 後肌膚SOS 企得多行得多足底受壓過勞    兩招舒緩足底筋膜炎企得多行得多足底受壓過勞 兩招舒緩足底筋膜炎 冬天皮膚乾到癢             點揀點搽潤膚膏至好呢?冬天皮膚乾到癢 點揀點搽潤膚膏至好呢? 冬天腳仔凍冰冰瞓唔到                              著襪瞓生蘿蔔仔香港腳冬天腳仔凍冰冰瞓唔到 著襪瞓生蘿蔔仔香港腳