唔好畀對手出賣你年齡 護手霜咁搽先有功效| likemagazine.com.hk
Beauty & Health
唔好畀對手出賣你年齡	護手霜咁搽先有功效

唔好畀對手出賣你年齡 護手霜咁搽先有功效

天氣一轉凍,即係濕度會下降,皮膚易乾燥。日常生活裡,我哋成日用到雙手,不停咁磨擦和洗手,手部肌膚水分好易流失,若無及時護理,好易變得乾掙掙,觸感粗糙。好多注重打扮嘅女生,淨係關顧保養面部肌膚,忽視咗保養雙手,結果經常畀雙手出賣自己嘅年齡。最簡單嘅護理雙手方法就係塗搽護手霜。市面上嘅護手霜選擇多多,應該點揀至好?

 

睇成分知成效

護手霜跟護膚品一樣,成分多樣化,而且不同成分有不同功效。單睇廣告宣傳,支支都話自己保濕最強,滋潤度高,賣花讚花香。廣告目的為促銷為銷量,作為消費者要精明,拒絕做「羊太」,就要學識睇成分。簡單嚟講,成分中如見有乳木果、甘油、透明質酸、尿素等,都有保濕鎖水功效。至於維他命E,係一種抗氧化劑,帶來滋潤及修護效果。如含果酸,則能去色素去斑;若加入膠原蛋白,可為肌膚增添彈性,變得飽。加入精油,有鎮靜、安撫之效,也有為取其天然香氣,提升親和感。

 

搽護手霜要點

要令雙手保持滑溜幼嫩,除咗買啱適合自己嘅護手霜外,都要用得其所,先可以發揮護膚功效。首先,護手霜最好在洗手後使用。美國皮膚科醫學會指出,保濕最佳時間係皮膚沾濕後。當皮膚準備吸收更多水分時,搽塗護手霜,配方成分就可以有效滲透到皮膚內。另外,護手前先洗手,可把手上灰塵污物細菌等清走,手部肌膚可直接接觸護手霜成分,增強護膚功效。第二,好多人潤手霜,習慣擠喺手掌,然後手掌死命搓就算。其實真正要缺水乾燥和要護理嘅係手掌背嘅肌膚。如所以使用護手霜時,建議擠乳霜喺手背,然後手背對手背搓一下,然後把剩餘嘅乳霜在手掌裡搓,最後唔好忘記搓埋手指,咁樣就唔會雙手手掌過膩,弄污手袋或衣衫。第三,要提升護手成效,真正護理時間係夜晚瞓覺。簡單講,平日就算勤搽護手霜,不過基本保護,當對手周圍摸或濕咗水,護手霜保護就減低。所以,要徹底護理雙手,最好喺瞓覺時,喺雙手厚敷護手霜,然後戴棉質手套瞓。手套令雙手處於溫暖環境中,皮膚放鬆,更易吸收護手霜嘅成分。翌日起床,你會明顯見到對手變滑。

 

 

你或會有興趣的相關文章:

產品愈香愈持久愈想買  香精含塑化劑構健康潛在風險

冬天唔想dry到變阿婆  4個防燥日常要點

 

TEXT: MaryLin

相關文章
食咖喱可增免疫抗病?              關鍵在「天然消炎藥」薑黃食咖喱可增免疫抗病? 關鍵在「天然消炎藥」薑黃 食用膠原蛋白不能留住青春│延緩皮膚老化呢4招更有效食用膠原蛋白不能留住青春│延緩皮膚老化呢4招更有效 甜食帶來好心情│識揀識食日本當造士多啤梨甜食帶來好心情│識揀識食日本當造士多啤梨 入屋除鞋腳臭好尷尬                   除腳臭要先知原因入屋除鞋腳臭好尷尬 除腳臭要先知原因 宅在家自煮隨時攝鈉超標│ 4種易中伏鈉偏高食物宅在家自煮隨時攝鈉超標│ 4種易中伏鈉偏高食物 網傳肺功能測試唔可靠│護己護人│出現病徵及早求醫網傳肺功能測試唔可靠│護己護人│出現病徵及早求醫 沖涼好簡單但都會做錯│ 小心4大錯誤損健康沖涼好簡單但都會做錯│ 小心4大錯誤損健康 蔬果切開營養流失│冷凍蔬果保存更多營養蔬果切開營養流失│冷凍蔬果保存更多營養