肯亞首座太陽能水廠 海水變飲用水解決水短缺| likemagazine.com.hk
Beauty & Health
肯亞首坐太陽能水廠	海水變飲用水解決水短缺

肯亞首座太陽能水廠 海水變飲用水解決水短缺

水係生命重要元素,然而唔係每個地方嘅人都可以輕易飲用到乾淨嘅水,維持生命。好似喺地球另一方嘅肯亞,當地人長期面對食水資源短缺問題。非政府組織Give Power利用太陽能板,將海水轉換成飲用水,解決了當地一個小村莊食水不足問題,讓當地人唔使再飲污糟水,保障健康。

 

村民同動物爭水用

肯亞一個小村莊Kiunga,座落在索馬里邊境以南幾英里處,雖然靠近印度洋,屬於當地重要嘅海洋保護區,但由於連年乾旱,當地水資源非常貧乏。當地村民只有1個水源區可以取水,但最少要用1小時先可以去到,除咗要同動物共用水源外,嗰啲水其實係受污染,充滿污染物和寄生蟲,而且係鹹水!村民要用呢啲鹹水用嚟煮飯、沖涼和飲用,危害健康。

 

太陽能供電化淡海水

有見及此,Give Power喺當地進行一項試驗計劃,用1個月時間建造咗世界首座「太陽能水廠」,採用先進過濾系統和創新嘅太陽能海水淡化技術,將海水和微鹹水轉化為清潔嘅水。呢座水廠共用咗50萬美元建造,即約港幣390萬元,每日可以生產足以供35,000人飲用嘅水。其實海水化淡唔係新鮮事,只係傳統嘅海水化淡廠耗電力大,造價高昂,以致貧窮地區難負擔。但當能夠用太陽能供電時,海水化淡嘅成本就降低。另外,海水淡化時採用嘅去鹽程序,會排出廢物、廢水,可能會對動植物帶來不良作用;但轉用太陽能後,對環境帶來影響就減少。

 

完成Kiunga嘅試驗計劃後,GivePower嘅下一個目標係喺海地,因為當地係西半球嬰兒死亡率最高嘅地方,缺水居民高達80%GivePower的使命是為世界各地數百萬人提供乾淨的飲用水。

 

 

你或會有興趣的相關文章:

晨早起床飲杯水  應該刷牙前定後?

飲夠水更聰明  定時補水咪等口渴先飲水

 

TEXT: MaryLin

相關文章
公廁多菌女生易染病│如廁前一個動作免招病公廁多菌女生易染病│如廁前一個動作免招病 皮膚白晳滑溜由內而外              多食呢4類美肌食物皮膚白晳滑溜由內而外 多食呢4類美肌食物 疫情影響捐血人數減│血庫告急│怕人多聚集可先預約疫情影響捐血人數減│血庫告急│怕人多聚集可先預約 就算買唔到藥用酒精DIY搓手液│千祈咪用工業酒精代替就算買唔到藥用酒精DIY搓手液│千祈咪用工業酒精代替 研究證病毒在口罩表面存活7日│戴除口罩後記得要潔手研究證病毒在口罩表面存活7日│戴除口罩後記得要潔手 入屋除鞋腳臭好尷尬                   除腳臭要先知原因入屋除鞋腳臭好尷尬 除腳臭要先知原因 網傳肺功能測試唔可靠│護己護人│出現病徵及早求醫網傳肺功能測試唔可靠│護己護人│出現病徵及早求醫 消委會:8成潤唇膏含礦物油物質│潤唇但含致敏物危健康消委會:8成潤唇膏含礦物油物質│潤唇但含致敏物危健康