掃地時家中嬰孩要避開 吸塵機揚塵污染家居空氣| likemagazine.com.hk
Beauty & Health
掃地時家有嬰孩要避開	吸塵機揚塵污染家居空氣

掃地時家中嬰孩要避開 吸塵機揚塵污染家居空氣

家務之中,掃地算係其中一項費時費力又不討好嘅家務。塵垢掃極掃唔完,而且四周飛,好煩人。所以近年愈來愈多人捨得花錢買好多人不惜花費買掃地機械人或強力吸塵機,本想減輕做家務打掃家居嘅負擔。不過,使用掃地機械人或強力吸塵機時,揚塵所造成嘅室內空氣污染物會增加,若家中有孩童,將對佢哋健康構成威脅。

 

微粒入肺損健康

話說台灣室內環境品質學會做咗一項研究,了解室內使用掃地機械人或強力吸塵機造成嘅空氣污染程度,對孩童帶嚟嘅影響。喺睇研究結果前,先要了解一下,可吸入懸浮粒子或PM10為直徑10微米以下的粒子,可深入人體肺部,對健康造成多種影響,尤其是呼吸及心血管系統疾病,包括:增加呼吸病症狀,例如呼吸道不適、咳嗽或呼吸困難;肺功能減弱;哮喘惡化;引發慢性支氣管炎;損害心血管系統;令心臟病或肺病患者早逝。至於直徑2.5微米或以下的微細懸浮粒子,更有75%會進入肺部深處,對人體健康影響較大。美國有研究指,PM2.5每增加24.3ug/m 男性非吸菸者肺癌死亡率增加2.23倍。

 

掃地吸塵污染室內空氣

研究喺一間15坪嘅實驗室進行,過程中門窗緊閉,唔開冷氣和風扇,掃地機械人運作10分鐘,吸慶機運作5分鐘。結果發現,清掃時所造成嘅揚塵依據顆粒大小分為PM10PM2.5。如果以一般嬰孩(即係BB45厘米、啱啱識走嘅小孩為75厘米)吸呼高度嚟睇,使用兩種家電揚塵嘅濃度總粒徑微粒最高可達背景值6倍,PM10PM2.5的濃度最少也高出背景值2倍之高。使用吸塵器時,後方氣旋所造成微粒總粒徑揚塵度更高達13倍。另外,研究更發現,喺室內空氣無擾動情況下,無論使用掃地機械人或吸塵機,喺結束使用後30分鐘,空氣污染微粒沉降仍未穩定,至少要1個半小時後,先出現穩定下降。

 

掃地吸塵記緊開窗

呢項研究話咗啲乜畀我哋知呢?就係若家中有嬰孩嘅話,當佢哋留喺屋企時,唔建議用掃地機械人或吸塵機,因為會掃塵造成室內空氣污染。本來用呢啲家電係為潔淨家居,為健康好,但由於機器操作源故反而造成另一種污染,反而有機會影響健康。如打掃時唔可以將嬰孩安放到其他地方,盡量避免佢哋接近吸塵機出氣口後方,以免佢哋吸入污染物和微粒。至於成人,掃地吸塵時應將屋內窗戶打開,增加空氣流通,並且佩戴口罩,保障個人健康。此外,有公共衞生學者建議,打掃後,與其等待空氣中微粒沉降穩定,不如使用空氣淨化器,直接快手達到清淨室內空氣。

 

 

你或會有興趣的相關文章:

新手爸媽忽視致意外 6個幼兒受傷家居陷阱

香港床蝨為患普及  行李帶回家記得清潔

 

TEXT: MaryLin

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 月經期間的紓緩練習 | 靜心調理經期緩腰痛月經期間的紓緩練習 | 靜心調理經期緩腰痛 向日本OL偷師!纖體美肌首選小球藻向日本OL偷師!纖體美肌首選小球藻 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 晨早起床做瑜伽│新一天由陽光好心情開始晨早起床做瑜伽│新一天由陽光好心情開始 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心