經常睇mon雙眼乾澀 熱敷消疲人工淚液潤眼| likemagazine.com.hk
Beauty & Health
經常睇mon雙眼乾澀		熱敷消疲人工淚液潤眼

經常睇mon雙眼乾澀 熱敷消疲人工淚液潤眼

上班族日頭返工長時間對住電腦,放工後經常手機不離手,追Post打機煲劇睇視頻,對眼好傷架!如有戴con,就更傷。用眼過度,唔止令對眼易疲倦,更有機會患「眼乾症」。若你發現近來睇嘢時雙眼好乾、有啲痕、好似眼入面有異物,甚至視力模糊,都有可能係患上「眼乾症」嘅徵兆。有人遇到以上狀況,第一時間去藥房買眼藥水滴,但咁做只係治標不治本,只有對症下藥,先可以徹底解決問題。

 

太專注少眨眼致眼乾

淚膜係覆蓋眼球前表面嘅一層液體薄膜,保護及潤滑角膜和結膜。淚膜結構簡單而言可分為3層:脂質層、淚水層和黐液層。淚膜主要功能包括:藉著不斷刷新嘅淚液,去除落在角膜表面嘅異物與微生物;潤滑眼球表面;防禦致病微生物的侵襲;以及提高角膜嘅光學性能。一般而言,眼睛一分鐘眨眼1015次,足夠濕潤雙眼。但若用眼過度,長時間和太專注睇mon,就會減少眨眼嘅次數,眼水分泌不足,令雙眼濕潤度降低,感到乾澀不適。

 

用眼30分鐘要休息

如要改善眼乾情況,重點係改善用眼習慣。簡單嚟講,用眼一段時間就要休息一下,例如每閱讀30分鐘就畀對眼休息一陣。另外,盡量減少使用數碼產品或太專注睇住發光屏幕時間。熱敷雙眼都有助舒緩眼睛疲勞問題,每次約10分鐘,但敷眼時記住留意溫度,過熱嘅話小心傷及眼睛。飲食方面,多飲水、多吃堅果、適量補充魚油都有助補眼護眼。

 

人工淚液宜選不含防腐劑

此外,使用人工淚水都係減緩眼乾嘅常用方法。人工淚水嘅主要成分包括水份、油分、電解質離子、保濕因子及其他添加劑如透明質酸等。市面上買到嘅人工淚液,可分為有含防腐劑及不含防腐劑兩種。添加防腐劑嘅人工淚液好處係可以保存耐啲,一般輕微眼乾症患者使用係可以嘅,但太頻密使用就唔建議。經常眼乾又要滴人工淚液嘅話,選用不含防腐劑嘅人工淚水就比較適合,可以以避免長期接觸防腐劑導致眼睛敏感等問題。

 

 

你或會有興趣的相關文章:

台男童流血淚嚇壞阿媽  急性結膜炎高度傳染

四眼仔女睇嘢見飛蚊閃光  視網膜脫落延醫可失明

 

TEXT: MaryLin

相關文章
天氣忽冷忽熱有乾咳│中醫教按穴止咳護肺天氣忽冷忽熱有乾咳│中醫教按穴止咳護肺 過勞損腦力令人變蠢善忘│5大建議減壓放輕鬆過勞損腦力令人變蠢善忘│5大建議減壓放輕鬆 黃大仙區11人染退伍軍人病│污染水點和霧氣可傳病黃大仙區11人染退伍軍人病│污染水點和霧氣可傳病 香港公共廁所勁污糟   如廁後用梘液洗手保健康         香港公共廁所勁污糟 如廁後用梘液洗手保健康 在家運動無難度!7套簡易瑜伽,改善肩頸痛、修小腹、減少失眠在家運動無難度!7套簡易瑜伽,改善肩頸痛、修小腹、減少失眠 漂亮笑容人見人愛                        遠離蛀牙少食5種食物漂亮笑容人見人愛 遠離蛀牙少食5種食物 點食番茄先攝取最多營養?│食皮定去皮?煮定生食?點食番茄先攝取最多營養?│食皮定去皮?煮定生食? 三文魚顏色愈橙愈新鮮?         魚肉呈橙色因含呢種成分三文魚顏色愈橙愈新鮮? 魚肉呈橙色因含呢種成分