咖啡唔係人人啱飲 3個情況飲咖啡影響健康| likemagazine.com.hk
Beauty & Health
咖啡唔係人人啱飲		3個情況飲咖啡影響健康

咖啡唔係人人啱飲 3個情況飲咖啡影響健康

濃香嘅咖啡係提神聖品。好多人都鍾意晨早飲杯咖啡,叫醒未歸位嘅靈魂。有人會喺需要專注工作時飲杯咖啡,醒腦提神。不過,有專家指咖啡唔係全日都啱飲,其中3個情況下飲咗嘅話,可能會影響營養吸收、傷胃,甚至令腹中嬰兒早產。

 

飯後飲啡礙鐵質吸收

第一個不宜飲咖啡情況係飯後。外出食飯,飯後來杯飲品潤潤喉,咖啡係好多人嘅選擇,一來美味,二來提神,有助午後工作更有衝勁。但咖啡裡嘅咖啡因會阻礙身體吸收鐵質,影響身體製造血紅素。有人飲咖啡飲到上癮,戒唔到,其實都有方法。飯後等23小時後先飲。大約喺下午茶時間先飲咖啡,既可讓身體有充足的時間吸收於食物中的鐵質,又可幫你醒神,喺放工前有足夠精神做埋餘下嘅工作。

 

空腹飲啡傷胃

第二個不宜飲咖啡嘅情況係空腹。由於咖啡可有效緩解排便不順,提升腸胃蠕動嘅效率,但由於咖啡易影響腸胃黏膜,因此唔太建議空腹喝,特別係患有胃炎、胃潰瘍或十二指腸潰瘍嘅人更應注意。又話晨早飲杯咖啡好提神,咁即係點呢?方法係有嘅,叫你唔好空腹飲,唔係叫你唔好朝早飲,所以飲咖啡前,食少少嘢,咬啖麵包或食幾啖麥皮都好,令個胃有嘢落肚先,然後飲咖啡,一樣醒神但唔傷胃。

 

停經女士飲啡增骨質疏鬆

第三個不宜飲咖啡嘅建議係女士專屬,就係懷孕及停經後嘅女士少飲為上。咖啡因一直被認為是引起骨質疏鬆症的危險因素之一。咖啡因會增加鈉及水分在腎臟中嘅排出,有輕微利尿作用。有研究報告指出,咖啡因會增加尿中鈣質的排泄,以及促進小腸中鈣質的分泌,且作用是和咖啡因的攝取量成正比。飲咖啡愈多,鈣質流失量就愈多,對停經嘅婦女嚟講,有增加骨質疏鬆症的風險。所以,建議停經後的婦女每日飲咖啡應以2杯為限,而且最好搭配牛奶一齊飲,以攝取足夠鈣質。另外,研究發現,若咖啡攝取量過多,可能導致懷孕婦女早產風險增加。為腹中塊肉健康成長,懷孕婦女最好忍忍口,唔好飲咖啡,若真係要飲,唔好超過1杯。

 

 

你或會有興趣的相關文章:

買咖啡豆自家煮咖啡  要咁儲存先保鮮存味

港女缺鐵易疲倦臉青青  食飯配茶啡影響鐵吸收

 

TEXT: MaryLin

相關文章
瞓唔著食靜岡蜜瓜?           含高量GABA有助入眠瞓唔著食靜岡蜜瓜? 含高量GABA有助入眠 剪傷指甲感染痛歸心   點剪指甲先正確?剪傷指甲感染痛歸心 點剪指甲先正確? U型渠內貯水阻疾病傳播         放梘水check渠道有無漏氣U型渠內貯水阻疾病傳播 放梘水check渠道有無漏氣 抗疫期間踩單車強身│遠離群聚又訓練肌肉抗疫期間踩單車強身│遠離群聚又訓練肌肉 漂亮笑容人見人愛                        遠離蛀牙少食5種食物漂亮笑容人見人愛 遠離蛀牙少食5種食物 指甲反映健康狀況│即check 你係咪健康!指甲反映健康狀況│即check 你係咪健康! 大批港人湧上山郊遊避疫         口罩亂丟造播毒危機大批港人湧上山郊遊避疫 口罩亂丟造播毒危機 頻頻無記性可能係腦退化先兆│5個健腦Tips頻頻無記性可能係腦退化先兆│5個健腦Tips