健康熱潮無麩食品受追捧 英研究:健康人士唔使食| likemagazine.com.hk
Beauty & Health
健康熱潮無麩食品受追捧		英研究:健康人士唔使食

健康熱潮無麩食品受追捧 英研究:健康人士唔使食

康大潮流下,飲食咩都要健康。近年除咗有機食物被追捧外,有無留意到多咗食品標榜「無麩質」?存在喺麥類製品如麵包、蛋糕、穀物及粉麵嘅麩質,主要給予製品彈性及質感,並有助固定形狀,不過原來唔係人人都可以食含麩質嘅食物,患有乳糜瀉或麩質敏感嘅人,就一定要遠離麩質,否則會出現腹瀉、噁心、皮疹等問題。市場上有一種講法,無麩食品更健康。究竟健康嘅大眾係咪應該食無麩食品呢?

 

麩質如膠水助麵團定形

麩質(gluten)係存在喺麥類,例如小麥、黑麥、大麥、燕麥、裂穀小麥中的蛋白質。麩質又稱麥膠或麵筋蛋白,字嘅來源自拉丁文,有膠水嘅意思 。麩質的主要為麵團增加彈性,使製品保持形狀、增加黏韌口感。英國有大學腸胃病學者進行研究,邀請健康志願者接受進食含麩質食品作測試。研究以雙盲隨機對照方式進行,而且喺測試前,為志願者進行評估,了解佢哋有無出現腹痛、胃酸倒流、腹瀉等問題。結果發現,健康人士食過含麩質食品後,唔會出現腸道不適或敏感,不過亦無對健康嘅人帶來特別好處。研究話畀我哋知,大眾如無特別健康問題,唔需要刻意轉食無麩質食品。

 

含麩質食物標籤有寫明

精明嘅商人有見市場對健康食品需求大增,或會以無麩食品可減少患病、幫助減肥、減少發生食物敏感等作為推銷策略,令大眾更接受無麩質食品。不過有關麩質對健康影響嘅講法,至今仍然缺乏有力嘅科學驗證和數據。因此,無麩食品不過畀大眾多一個飲食選擇,大眾唔使對麩質過度驚恐。但確定患有乳糜瀉或麩質敏感嘅人喺選購食品時,應該細閱食物標籤上嘅致敏物資料。根據《食物及藥物(成分組合及標籤)規例》,預先包裝食物的標籤上須標明的8種致敏食物/食物配料,而麩質係其中一種。睇清楚先買先食,就可減低食錯麩質引起嘅健康問題。

 

 

你或會有興趣的相關文章:

食得健康跟風食藜麥  你要知的食用建議和禁忌

麵包不含呢種成分  食咗唔會敏感

 

 

TEXT: MaryLin

相關文章
習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性 生活忙碌日久積累愈瞓愈累│假日瑜伽拉筋操全身鬆一鬆生活忙碌日久積累愈瞓愈累│假日瑜伽拉筋操全身鬆一鬆 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式