培養行路好習慣 輕鬆得到6個健康好處| likemagazine.com.hk
Beauty & Health
培養行路好習慣		輕鬆得到6個健康好處

培養行路好習慣 輕鬆得到6個健康好處

 

成日話做運動對身體好,不過對好多人嚟講,做運動真係好難啊!一諗起會做運動會流汗,做運動又辛苦,有人總係唔可以的起心肝去做。其實運動有多種,簡單啲,行路都係運動一種。日行30分鐘路,由減壓、減重到減低患心血管病和慢情病風險,好處多多。每日都要出街返工食飯,就趁呢啲時候多行兩步路,唔好搭車搭電梯,逼自己行多兩步,健康就係咁一步一步得到。

 

1 放鬆解鬱

當心情唔好時,有人勁食朱古力,有人飲酒,有人食煙,呢啲方法雖然可以令你有一刻的放鬆,但卻影響健康。要放鬆平日繃緊嘅神經,又唔想損健康,行走係天然嘅鎮靜劑。行路可以提高和刺激神經系統興奮性,抑制低落情緒,讓人行路後精神狀態良好。當你有規律地行走於戶外時,新鮮嘅空氣和周圍景色能夠讓人產生愉悅感受,甚至對治療憂鬱症有一定嘅效果。

 

2 激發創意

如果你係從事創作行業,又或者工作上需要一些新想法,當腦筋變混沌,諗到嘢,出去散步行下路,有助激發創意。曾有研究指出,步行中嘅人比坐喺度嘅人更有創意。

 

3 消卡減肥

行路係有氧運動一種,按現時國際醫學界建議,每天應行8,00010,000步,呢個運動量大約相等於做咗3045分鐘康體活動,可消耗大約150200卡路里。行路時,可改善身體對胰島素嘅反應,有利減少腹部脂肪。雖然行路消耗卡路里唔算多,但日子有功,試試日日行,只要保持日常飲食正常,好快見效。

 

4 改善腸胃

打工仔長時間坐住打電腦、寫文件、覆email,全日唔郁,唔止坐到腰酸背痛,更令腸胃唔健康,出現便秘等問題。美國有物理治療師指,規律步行可以大大改善腸蠕動。另外,慢步可以讓胃部排空,讓食物往腸道走,讓消化液分泌較好,幫助消化。

 

5 強健關節

隨著年紀增長,身體機能慢慢衰退,很多病痛便跑出來,其中一個常見嘅就係關節痛。有人當有關節痛就唔多想郁,結果痛病愈來愈嚴重。有研究指,每周步行1小時,能夠令人保持活動力。

 

6 瞓到又瞓得好

都市人公私兩忙,壓力大瞓唔到覺。保持規律運動習慣,每日行下路,有助你瞓得好。有研究發現,常做輕度到中度鍛鍊的更年期婦女,比慣於久坐者更好入眠。正如開首咁講,行路令人身心放鬆, 心情好,放低雜念,自然瞓到又瞓得好。

 

 

你或會有興趣的相關文章:

咪以為扭親好小事  欠治理致關節纖維化

你站姿正確嗎?  抬頭挺胸收腹原來錯!

 

 

TEXT: MaryLin

 

相關文章
常睇屏幕處理文書│雙眼睛疲勞又乾澀│調較呢3項升閱讀舒適感常睇屏幕處理文書│雙眼睛疲勞又乾澀│調較呢3項升閱讀舒適感 就算買唔到藥用酒精DIY搓手液│千祈咪用工業酒精代替就算買唔到藥用酒精DIY搓手液│千祈咪用工業酒精代替 跑步流汗又辛苦        間歇式健走好易做   每周4次防三高跑步流汗又辛苦 間歇式健走好易做 每周4次防三高 沖繩人長壽同飲食有關   高碳水化合物低蛋白質沖繩人長壽同飲食有關 高碳水化合物低蛋白質 頭髮反映健康狀況        日甩百條頭髮屬正常頭髮反映健康狀況 日甩百條頭髮屬正常 踢走豪華臀!每天只需4分鐘修臀及瘦臀練習踢走豪華臀!每天只需4分鐘修臀及瘦臀練習 抱B用錯力或常用滑鼠易患「媽媽手」                           中醫教3個動作放鬆止痛抱B用錯力或常用滑鼠易患「媽媽手」 中醫教3個動作放鬆止痛 新型肺炎病毒可存活5天│勤洗手戴口罩外│仲有呢兩招抗疫新型肺炎病毒可存活5天│勤洗手戴口罩外│仲有呢兩招抗疫