雪櫃保鮮食物點擺位? 5個使用雪櫃黃金守則| likemagazine.com.hk
Beauty & Health
雪櫃保鮮食物點擺位?	5個使用雪櫃黃金守則

雪櫃保鮮食物點擺位? 5個使用雪櫃黃金守則

每個家庭家中都有個雪櫃,好多人視雪櫃為保鮮神器,任何食物需要保鮮的話,都會毫無疑慮地放入雪櫃。雪櫃提供低溫保存,的確有效減緩食品腐化、變壞,但唔等於永遠防腐;若果雪櫃塞得太滿或者錯誤擺放食物,食物一樣會變壞。以下係利用雪櫃保鮮食物嘅重點,你都有做齊嗎?

 

1 唔好塞爆雪櫃

行超市見到雪藏食品、凍肉、雪糕等做緊大減價,抵受唔住誘惑瘋買,結果打爆屋企個雪櫃。當你為自己彪炳戰績沾沾自喜時,你知道雪櫃太滿,內裡沒有足夠空間讓冷氣循環,會造成冷卻效果下降,導致食物腐壞嗎?採購食物咪貪平貪方便,一次買太多,應該食幾多買幾多,就算預留存貨,少量即可,千祈唔好過量,否則整壞雪櫃事少,食物壞咗食落肚而病咗,自己惹麻煩

 

2 睇實食用日期

新鮮食物如肉食或蔬菜,如果壞咗,憑外觀、氣味等都知道。但預先包裝食品呢?包到密密實實,睇唔到聞唔到,唯有靠睇日期。市售嘅預先食物包裝上都列有「食用限期」,意指喺指定日期內食用一定安全。不過大家要分清楚「此日期前最佳」和「此日期或之前食用」,兩者係唔同架!前者關乎食物質素,即係話喺呢個日期前,食物如貯存適當,可以保存食物品質,就算過咗期,食用仍可接受。後者關呼食用安,過咗期,就算外觀和味道好似正常,但可能存有有害微生物或引致食物中毒嘅微生物產生嘅毒素,食咗有機會對健康構成風險。過期食品要及時清走,唔好留喺雪櫃,否則細菌毒素隨著冷風循環可能沾污其他食品。

 

3 生熟食物分開放

採購食物後,記住要喺兩小時內將熟食及易腐壞嘅食物放入雪櫃。雪櫃冷凍格應該維持在攝氏4度或以下,冷藏格要保持喺攝氏零下18度或以下。即食或經煮熟嘅食物放喺上層,因為冷空氣向下降,上層溫度比下層略高,放熟食物無咁易滋生細菌;生嘅肉類、家禽及海產放喺下層。避免生嘅食物汁液滴喺即食或經煮熟嘅食物上,造成交叉感染。如雪櫃設有生果箱或蔬菜箱,將生果和蔬菜放進去較穩妥。蔬菜用保鮮袋盛載好先放雪櫃,保鮮效果更好。貯存食物最好用有蓋嘅容器。

 

4 雪櫃門放不易壞食物

雪櫃門設有層架,主要用作擺放無咁易變壞嘅食物,例如芝士、蛋、乳酪、汁醬等。

 

5 茶葉檸檬除異味

雪櫃放食物,清潔好重要。除咗定期使用市面有售嘅雪櫃清潔劑清潔抹擦外,追求天然嘅可以用醋加水以1:1的比例調成醋水,然後用抹布蘸上醋水,用以清潔雪櫃內部配件和內壁,最後用濕布擦乾淨,便可殺菌。雪櫃係一個密閉空間,用耐咗或者放太多唔同食物,可能會有陣味。喺雪櫃放入檸檬切片,辟去異味。另外,用完嘅茶葉用紗巾或網袋裝好,然後放入雪櫃,都可除去異味。若發現雪櫃膠邊出霉毒,可以試試用牙膏抹喺發霉位置待幾分鐘,然後用牙刷沾水擦走霉菌,然後用清水洗一洗,再用毛巾抹乾淨便可。

 

 

你或會有興趣的相關文章:

崇尚環保天然風用木餐具  無塑無漆真無毒健康嗎?

聚會食盆菜中毒屢發生  安全食用盆菜要點

 

 

TEXT:MaryLin

相關文章
OL久坐易便秘                                一組簡單伸展動作助暢便OL久坐易便秘 一組簡單伸展動作助暢便 空氣污染可致黃斑病變	繁忙馬路邊跑步散步高危空氣污染可致黃斑病變 繁忙馬路邊跑步散步高危 水果飯前定飯後食好?                              食錯水果可能致肥水果飯前定飯後食好? 食錯水果可能致肥 台男童流血淚嚇壞阿媽                              急性結膜炎高度傳染台男童流血淚嚇壞阿媽 急性結膜炎高度傳染 健康熱潮無麩食品受追捧                         英研究:健康人士唔使食健康熱潮無麩食品受追捧 英研究:健康人士唔使食 5款高糖健康食品陷阱                               以為食得健康其實中晒伏5款高糖健康食品陷阱 以為食得健康其實中晒伏 3分鐘素食食譜  香蕉奇異果燕麥飲3分鐘素食食譜  香蕉奇異果燕麥飲 唔食飯減肥會短命        多攝植物蛋白脂肪補充唔食飯減肥會短命 多攝植物蛋白脂肪補充