罐頭食物唔健康? 罐頭魚和番茄比天然食物更有營| likemagazine.com.hk
Beauty & Health
罐頭食物唔健康?		罐頭魚和番茄比天然食物更有營

罐頭食物唔健康? 罐頭魚和番茄比天然食物更有營

返咗成日工,返到屋企成個人散晒,無心情亦無力煮飯,有時為快捷方便填肚,會食懶人罐頭餐。長輩聽到開罐頭,即刻話無益,食壞人。真的嗎?偶爾食一餐無問題嘅,成日食就話怕罐頭食物高脂高鈉高糖,有害健康。況且有啲罐頭食物,營養比天然食材更好,只要識揀識食,一樣食得有益。

 

罐頭經高溫殺菌

罐頭食物可以存放長時間,因為經過高溫殺菌,以攝氏100度或以上溫度殺死微生物、破壞酵素,令食品處於無菌狀態,保存期約13年。一講到高溫,有人會話高溫會令營養流失。一般而言,罐頭食物與食物經過一般加熱烹高所流失嘅營養差不多。其實講到高溫,家長烹調如炒菜、炸物、烤焗等,可能使用更高溫,約為攝氏140200度。但罐頭加熱,肉類罐頭一般唔超過攝氏121.1度,蔬果罐頭唔超過攝氏100度。營養成分方面,如碳水化合物、蛋白質、脂或礦物質等,就算罐頭經高溫處理,都可以完整保留。至於維他命,維他命BC較易流失,而維他命ADEK較穩定,都可以保留。

 

頭魚連骨食更多鈣

數罐頭食物營養比天然食材更好嘅,首選「魚罐頭」和「番茄罐頭」。原來魚罐頭製作期間,高溫高壓會令魚骨變軟變酥脆,令骨頭裡嘅鈣質溶出,食用時魚肉連魚骨一齊食,攝取到嘅鈣質比鮮魚更多。至於魚嘅其他營養如蛋白質、鐵質、鋅、碘等都keep得到。所以偶爾食罐頭魚,對需要攝取較多鈣質嘅人嚟講都係一個途徑。

 

罐頭番茄更多茄紅素

番茄罐頭喺製作期間,番茄經打碎後加熱,可以釋放更多茄紅素,而且身體更易吸收。茄紅素係類胡蘿蔔素的一種,有抗氧化功效,能防止自由基傷害細胞,造成身體病變,具防癌效果。茄紅素對男性尤其有益,有研究指血液中茄紅素含量愈高,愈頻密進食茄紅素,患上前列腺癌的風險愈低。

 

選購和保存罐頭要點

多數家庭家中都存有罐頭食物作後備食糧,雖然罐頭可以放好耐,但選購和保存時都要留意幾點。

1. 選購時宜選罐蓋正常,無膨脹現象。

2. 如罐頭面出現生銹、罐身兩側與罐底下下凹或罐身有刮痕,切勿購買,因怕罐身受損,有空氣進入或細菌繁殖,影響食物品質。

3  注意罐頭有效日期,雖然罐頭可以長期保存,但避免內容物變質,優先選擇新製造嘅最理想。

4 罐頭打開後,如果有異味、變色、混濁或是產生許多氣泡,即係話已有細菌滋生或變質。如果罐頭內壁見到金屬腐蝕,可能會有重金屬滲出污染食品,千祈咪食!

5 未開封嘅罐頭要放喺乾燥、通風、避免陽光直射嘅地方,記住罐頭係唔使冷藏。但罐頭開封後,又食唔晒嘅話,剩餘食物最好放入其他容器內冷藏儲放,唔好連罐放入雪櫃,以免金屬污染。

 

 

你或會有興趣的相關文章:

非常日子食罐頭大餐  食剩連罐放雪櫃得唔得?

夏日食水果瘦身  餐單內要有菠蘿

 

 

 

TEXT:MaryLin

相關文章
去廁所便便時玩手機   久坐馬桶易便秘生痔瘡去廁所便便時玩手機 久坐馬桶易便秘生痔瘡 周末冷峰到氣溫降│兩招保暖強身防病周末冷峰到氣溫降│兩招保暖強身防病 怕膽固醇食蛋只食蛋白                              熱量低但營養不全怕膽固醇食蛋只食蛋白 熱量低但營養不全 常睇屏幕處理文書│雙眼睛疲勞又乾澀│調較呢3項升閱讀舒適感常睇屏幕處理文書│雙眼睛疲勞又乾澀│調較呢3項升閱讀舒適感 辦公位坐得唔舒服  搵出上班族周身痛癥結辦公位坐得唔舒服 搵出上班族周身痛癥結 以為防疫勤洗手就掂?洗手後無立即抹乾手│增菌達84%以為防疫勤洗手就掂?洗手後無立即抹乾手│增菌達84% 大批港人湧上山郊遊避疫         口罩亂丟造播毒危機大批港人湧上山郊遊避疫 口罩亂丟造播毒危機 香蕉唔止香甜有營養      唔講唔知香蕉7個用處           香蕉唔止香甜有營養 唔講唔知香蕉7個用處