天氣凍打邊爐暖笠笠 唔想肥緊記7大要點| likemagazine.com.hk
Beauty & Health
天氣凍打邊爐暖笠笠		唔想肥緊記7大要點

天氣凍打邊爐暖笠笠 唔想肥緊記7大要點

天氣凍,成班人圍爐打邊爐,有氣氛又食得開心。不過,打邊爐係高熱量飲食,一時失控狂食,或者多食幾餐,肚皮恐怕會一日一日長大。想盡情享受打邊爐樂趣,又唔想食肥,就要記住幾個訣竅。

 

1 精明揀湯底

火鍋湯底配搭愈出愈新奇,要濃味和重口味,選揀用肉或骨頭熬製嘅無得輸。不過呢類湯底都屬高脂,而且熱量較高。要食得健康,都係回歸基本,以蔬菜為主湯底或清湯底比較理想。

 

2 高纖食材優先選

每次食打邊爐都起碼兩三個鐘,時間咁多慢慢食,通常食量都比平時食飯多。唔想因為食太多而增磅,建議先食新鮮蔬菜打底,高纖食物需要多啲時間消化,而且令人易生飽肚感,咁就可以令自己之後食少啲。冬季常見嘅菜蔬如高麗菜、茼蒿、西蘭花、大白菜等,熱量低膳食纖維也豐富。

 

3 肉食宜選優質蛋白

肉食方面,雖然霜降牛、五花腩等好美味,但非常高脂,對心血管健康不利。追求健康嘅可選較低脂嘅雞肉;食肉獸忍不住肉嘅誘惑又要食得比較健康,可以選油脂較少嘅里肌肉或牛腱。食肉以外,如要攝取蛋白質,豆腐、豆干等都是良好嘅蛋白質來源。豆卜、炸腐皮、麵筋等雖然都含蛋白質,但經油炸,油脂含量高,而且吸湯力強,當湯底已經滿是各種食物精華,含脂量高,再吸湯,等於勁食油落肚,較不建議食用。

 

4 向內臟say no

蝦頭、蝦卵、蟹黃、蟹膏、內臟等食物都係勁高膽固醇,若飲食不節制,食太多高膽固醇食物,造成血中膽固醇過高,容易誘發心肌梗塞、腦血管梗塞等動脈硬化疾病。

 

5 以高纖根莖食代主食

打邊鍋不停食,但仍有人擔心飽感只係一時,怕轉頭肚餓,所以習慣加個麵底撐肚。其實公仔麵、油麵等屬澱粉質食物,都係增肥來源。想食得飽又控體重,可以考慮食芋頭、南瓜、地瓜等高纖根莖食物嚟代替麵或烏冬之類澱粉主食。若堅持要食麵,揀選蕎麥麵較理想,因為蕎麥麵不僅纖維質含量高,且熱量約是白飯的一半,是控制體重嘅好幫手。

 

6 加工食物少食為妙

打邊爐少不了腸仔、火腿、各式肉丸等加工食品,但呢啲食物含高鈉、高油脂、高熱量,多食會肥,而且加工食品含添加物,不利健康,就算再美味,都係少食為妙。

 

7 汁醬熱量陷阱

無論食菜定食肉,沾醬最滋味。有人更喜歡混醬,將唔同調味料混合成獨家滋味醬,邊食邊醮,食過不亦樂乎。但常見嘅醬料如沙茶醬、芝麻醬、腐乳醬、蛋黃醬等,熱量都不低,例如2湯匙沙茶醬就有200卡的熱量,相當於一碗8分滿飯嘅熱量。食一餐火鍋,攝取嘅油脂及鈉好易超標。要美味又要健康,可以考慮用蔥、蒜、蘿蔔泥、新鮮辣椒等食材加入適量和風豉油拌合,減少油脂、熱量及鈉含量嘅攝取。

 

 

你或會有興趣的相關文章:

公主主題餐廳歎火鍋  招牌養生美顏鍋膠質多到「漿」嘴

打邊爐點打得健康?4個不可不知小貼士!

 

 

 

TEXT: MaryLin

相關文章
爸媽用零食作獎勵        影響孩子健康降學習力爸媽用零食作獎勵 影響孩子健康降學習力 三文治處理不當高風險              最易食物中毒?             蛋沙律菜絲三文治三文治處理不當高風險 最易食物中毒? 蛋沙律菜絲三文治 新春返內地防肺炎外   鼠疫都要留神                  新春返內地防肺炎外 鼠疫都要留神 工作壓力大精神繃緊?              伸伸脷舒壓放鬆工作壓力大精神繃緊? 伸伸脷舒壓放鬆 巴西發現神秘新病毒│9成基因無法辨識│恐存巨大變異巴西發現神秘新病毒│9成基因無法辨識│恐存巨大變異 快速解辣飲水唔得架!真正解辣靠呢啲快速解辣飲水唔得架!真正解辣靠呢啲 生活愈忙注意力降轉數慢│每日20分鐘「Me Time」│身心靈休息得滿足生活愈忙注意力降轉數慢│每日20分鐘「Me Time」│身心靈休息得滿足 指甲反映健康狀況│即check 你係咪健康!指甲反映健康狀況│即check 你係咪健康!