怕膽固醇食蛋只食蛋白 熱量低但營養不全| likemagazine.com.hk
Beauty & Health
怕膽固醇食蛋只食蛋白		熱量低但營養不全

怕膽固醇食蛋只食蛋白 熱量低但營養不全

雞蛋營養豐富,而且烹調方法多,本來係一樣又美味又有益嘅食物。不過近年有人擔心膽固醇過高,所以聞蛋色變。於是有人諗到個折衷方法,就係淨食蛋白唔食蛋黃,以為咁可以避過膽固醇又得營養,事實係咪咁呢?

 

蛋黃係營養主要來源

首先睇下隻雞蛋,蛋黃佔雞蛋1/3,係雞蛋大部分營養嘅來源,包括:維他命、礦物質、脂肪、醣類、葉黃素等。由於含醣和脂肪,所以熱量較高,每100克約330卡路里。蛋白佔雞2/3,主要提供蛋白質,維他命和礦物質含量都非常微少,僅維他命B2和硒含量較高。蛋白近9成都係水分,脂肪和醣含量都係零。每100克僅有約50卡路里,熱量很低。

 

日食1隻蛋無問題

無疑淨食蛋白唔怕肥,但論營養,蛋黃始終比蛋白豐富。雖然食埋蛋黃會攝取較多膽固醇,但食物膽固醇對血膽固醇影響並不大,再加上蛋含卵磷脂、膽鹼等幫助脂肪代謝嘅營養素,講到底,食蛋都係全隻食比較好。每隻蛋黃約含260毫克膽固醇,根據營養指引,每天建議膽固醇攝取量唔多於300毫克,一般而言,健康嘅人每日食1隻蛋無問題。

 

班尼迪蛋勁高卡

開首都講過,雞蛋可以有多種烹調方法,烚蛋最健康,約80卡路里。溫泉蛋和溏心蛋都係相約卡路里。講到最香最誘人嘅煎蛋,卡路里約140。近年深得民心嘅滑滑炒蛋,因為加咗忌廉或牛奶,所以卡路里略高,約200卡路里。奄列同炒蛋卡路里差不多。至於被視為「魔鬼誘惑」嘅班尼迪蛋,因為會加入由蛋黃、牛油和水打成嘅荷蘭醬,所以即使本來係一隻溫泉蛋,卡路里都會勁升,約為1000卡路里。

 

白雞蛋VS啡雞蛋

講起雞蛋,買蛋時有發現雞蛋有外殼有啡色和白色兩種嗎?有人話啡蛋係土雞生嘅,營養比較多,白蛋係肉雞生,營養較少。事實上,蛋殼顏色係由母雞嘅基因決定,同營養多寡,甚至味道無乜關係。至於蛋黃嘅顏色,有啲深色啲,有啲淺色啲,主要影響因素係葉黃素。蛋黃顏色來自母雞食嘅飼料,如果飼料嘅葉黃素較豐富,蛋黃顏色都會偏深黃色。如果飼料中添加咗紅蘿蔔,即雞隻攝取較多胡蘿蔔素,蛋黃可能會偏橘紅色。

 

 

你或會有興趣的相關文章:

豆漿有益但含植物激素  台女當水飲患子宮肌瘤

唔食飯減肥會短命  多攝植物蛋白脂肪補充

 

 

TEXT: MaryLin

相關文章
小便有泡擔心腎有事?│要分清泡沫尿和蛋白尿小便有泡擔心腎有事?│要分清泡沫尿和蛋白尿 黑芝麻細細粒益處多│美顏潤髮補血補肝黑芝麻細細粒益處多│美顏潤髮補血補肝 搽上面的抹茶│用於皮膚的Super Food搽上面的抹茶│用於皮膚的Super Food Jayanti正價產品一律7折!意大利有機天然護膚品Jayanti正價產品一律7折!意大利有機天然護膚品 黑咖啡助控重提升運動表現│揀啱時間飲更有效黑咖啡助控重提升運動表現│揀啱時間飲更有效 咬手指/玩頭髮/轉筆/䟴腳│小動作多刺激大腦降死亡風險咬手指/玩頭髮/轉筆/䟴腳│小動作多刺激大腦降死亡風險 人愈大記性變差?│食菇健腦預防輕微認知障礙人愈大記性變差?│食菇健腦預防輕微認知障礙 一日3餐快餐熱量不超標│3個最低熱量套餐選擇一日3餐快餐熱量不超標│3個最低熱量套餐選擇