冬天瞓醒瞓厲頸 熱敷伸展運動助減痛| likemagazine.com.hk
Beauty & Health
冬天瞓醒瞓厲頸	熱敷伸展運動助減痛

冬天瞓醒瞓厲頸 熱敷伸展運動助減痛

天氣開始凍,做咗成日嘢,每晚落床瞓一刻好期待,諗住大覺瞓醒會好醒神。點知,第二日一起身,咦!點解條項項頸硬晒唔郁得?「瞓厲頸」情況冬天最常見,原因係天氣凍令肌肉易繃緊。出現「瞓厲頸」,唔止活動起嚟唔方法,痛楚感覺更難受。想消痛,其實都有辦法。

 

壓力大頸太緊

我哋成日講嘅「瞓厲頸」,即係「落枕」,意指頸部肌肉急性痙攣、收緊或發炎現象,導致肩頸疼痛及僵硬,影響頸部郁動,無論轉頭、抬頭或低頭都感到困難吃力,並伴隨痛楚。落枕成因有多個。除咗枕頭高度或軟硬唔啱或睡姿不良,令頸部處於過度延伸或捲曲狀態,繼而發生痙攣之外,日間工作壓力大,令全身肌肉因精神緊繃而承受龐大壓力,尤其是肩頸肌肉長時間呈現過度拉扯嘅不正常收縮狀態,如果瞓覺枕頭又唔啱,壓迫頸椎神經,就會增加頭部跌落枕頭外面嘅機會,加重病情。此外,瞓厲頸都多見喺冬天發生,因為好多人忽略頸部保暖,當體溫下降及血液循環變差,肌肉就易繃緊。

 

熱敷放鬆肌肉

一般而言,瞓厲頸而引起嘅頸部不適和痛楚只持續兩至三天便會自然痊癒。如不想痛足成日,甚至活動能力受影響,都有緩減痠痛方法。大家可以毛巾進行熱敷約1020分鐘,令緊繃嘅頸部肌肉放鬆,促進血液循環。記住,熱毛巾溫度唔好太熱,以免燙傷皮膚。另外,一啲簡單嘅頸部伸展動作都有幫助。將頭向唔多郁到嗰邊頸慢慢壓下,期間可以用另一方向嘅手輔助,直到感覺到疼痛就停。如果覺得太痛,應停喺原處,等到無咁痛先再增加向下壓嘅幅度。如瞓厲頸問題持續數日都無改善,就要盡快求醫治理。千祈唔好置之不理,因為會有可能演變為慢性僵痛,甚至進而造成頸椎軟骨磨損,最終導致頸椎退化性關節炎。如瞓厲頸經常發生,最好檢視一下枕頭嘅高度和軟硬度,如果個枕頭一直瞓得唔舒服,換個舒適又瞓得自然嘅比較好。寒冬天瞓覺,記得為頸部保暖。

 

 

你或會有興趣的相關文章:

冬天腳仔凍冰冰瞓唔到  著襪瞓生蘿蔔仔香港

壓力大成日瞓唔著  3款飲品助你舒壓好眠

 

 

TEXT: MaryLin

相關文章
中醫春季養生養陽護肝│日常衣食行3個重點中醫春季養生養陽護肝│日常衣食行3個重點 台檢出花草茶產品農藥超標│泡茶點至安心?台檢出花草茶產品農藥超標│泡茶點至安心? 跟風DIY大熱「400次咖啡」│綿滑咖啡泡潛藏健康危機跟風DIY大熱「400次咖啡」│綿滑咖啡泡潛藏健康危機 遇火警用口鼻掩濕毛巾│警告:擋不住致命濃煙遇火警用口鼻掩濕毛巾│警告:擋不住致命濃煙 本地「有機」蔬菜驗出農藥殘餘│點樣洗菜先乾淨?本地「有機」蔬菜驗出農藥殘餘│點樣洗菜先乾淨? 打開心輪 找到自然而來的快樂 | 強化心肺系統 改善寒背打開心輪 找到自然而來的快樂 | 強化心肺系統 改善寒背 紫藍色花茶夢幻療癒│蝶豆花泡茶3類人慎飲紫藍色花茶夢幻療癒│蝶豆花泡茶3類人慎飲 春濕細菌生屋企一陣味│燒艾熏屋天然消毒淨氣春濕細菌生屋企一陣味│燒艾熏屋天然消毒淨氣