水果飯前定飯後食好? 食錯水果可能致肥| likemagazine.com.hk
Beauty & Health
水果飯前定飯後食好?		食錯水果可能致肥

水果飯前定飯後食好? 食錯水果可能致肥

好多人習慣食飽飯後,就算飽到撐住肚皮,都要食個水果,話幫助消化。但亦有人話水果飯前食先啱,咁先可容易吸收養分。到底邊個食法先健康?另外,又有營養師指出,飯後食水果,食錯有機會致肥。飯後食乜水果至好呢?

 

飯後果助消化

飯前定飯後食水果,其實都可以,在乎你想得到咩效果。先講多數人嘅習慣─飯後水果,目的為幫助消化。若食用嘅水果如含有分解酵素,例如木瓜、菠蘿等,的確可幫助到蛋白質消化分解。其實食飽飯後,胃納容量已飽滿,如再勉強再食水果,會對腸胃造成負擔。如腸胃功能唔好,可能引發胃脹氣,胃酸倒流等。假若你已衡量過,仍然食得落水果嘅話,首先最好隔一陣先食;另外,食用分量都不宜過多,否則可能致熱量和糖分攝取過多,容易使血糖上升過高,刺激胰島素大量分泌,導致脂肪囤積,造成肥胖。飯後水果可揀橙、香蕉、奇異果等。

 

腸胃差忌飯前食太酸水果

飯前食水果,有講營養吸收更多,例如維他命C和礦物質。但有患有胃腸病疾的人,如果飯前吃水果,由於胃仍然係空腹狀態,可能會傷胃。太酸水果如奇異果、菠蘿、柿等就唔太建議。另外,食水果時要咬碎啲先好吞,因為飯前胃比較空,加上水果含膳食纖維,胃要花啲力氣去消化。如果飯前食水果,建議之後飯量要減啲,因為水果含醣,都係碳水化合物豐富嘅食物,避免攝取過量熱量致肥。飯前水果,比較理想選擇有木瓜、香蕉、蘋果、火龍果等。

 

 

你或會有興趣的相關文章:

美國弗州橙樹染病2/3果汁廠停業

膳食纖維係人體清道夫  紅腰豆比蘋果連皮更多纖維

 

 

 

TEXT: MaryLin

相關文章
在家工作的瑜伽Break | 大腦放鬆身體動起來 在家工作的瑜伽Break | 大腦放鬆身體動起來 恒常做站立前彎練習 | 舒展筋骨平靜身心恒常做站立前彎練習 | 舒展筋骨平靜身心 天氣熱食酸甜味菜式更開胃│3道青森蘋果入饌簡易菜式天氣熱食酸甜味菜式更開胃│3道青森蘋果入饌簡易菜式 打造超強體質!小球藻 護好「腸道」,排走「重金屬」, 補充「均衡營養」!打造超強體質!小球藻 護好「腸道」,排走「重金屬」, 補充「均衡營養」! 習慣對不好的事批判│感恩靜心練習 回到喜悅習慣對不好的事批判│感恩靜心練習 回到喜悅 30分鐘哈達瑜伽│平衡陰陽能量促身心健康30分鐘哈達瑜伽│平衡陰陽能量促身心健康 最近難入眠瞓得唔好?│睡前瑜伽提升睡眠質素最近難入眠瞓得唔好?│睡前瑜伽提升睡眠質素 少運動下身循環慢現痛症 | 簡易瑜伽提升髖部靈活性少運動下身循環慢現痛症 | 簡易瑜伽提升髖部靈活性