經常唔食魚缺碘大頸泡 狂食紫菜零食小心甲亢| likemagazine.com.hk
Beauty & Health
經常唔食魚缺碘大頸泡		狂食紫菜零食小心甲亢

經常唔食魚缺碘大頸泡 狂食紫菜零食小心甲亢

最近同事M日日大量食紫菜,好奇一問,佢話因為怕缺碘。「缺碘嘅話,我怕將來生仔會智商會低啲!」碘係人體必需嘅微量營養素,對維持正常嘅甲狀腺功能和促進人體生長發育非常重要。碘攝入量不足或過多,都會影響甲狀腺功能,對身體造成不良影響。一般而言,從均衡飲食中已能攝取足夠嘅碘,但近年大眾追隨健康潮流,轉食岩鹽、海鹽,如日常又偏食,少食魚、蛋、藻類食物,則有機會攝碘不足。如發現容易疲倦、怕冷、甲狀腺腫大等病徵,應盡快求醫。

 

港人攝碘未達標準

根據中國營養學會制定的標準,18歲及以上中國成年人的碘平均需要量為每日120微克,推薦攝入量為每日150微克,可耐受最高攝入量則為每日1,000微克。世衞已於2007年修訂孕婦/授乳婦女的碘需要量為每日250微克。世衞曾於2007年發表報告,推算全球約有31%嘅人口碘攝入量不足,其中孕婦/授乳婦女、嬰兒/幼童及東南亞居民為三個高危群組。食安中心多年前曾抽取食物樣本化驗碘含量,並以本港物消費量調查結果,估算港人攝取碘分量,結果顯示,港人攝碘量每天44微克,未達標準要求。

 

均衡飲食不缺碘

咪見到港人唔達標就驚青。基本上,只要保持每日都穩定咁補充,人體只要小量碘已經足夠。日常飲良中,含碘食物包括:介貝類水產、海水魚、藻類、奶及奶類製品、蛋及蛋類製品等。保持均衡飲食,不會缺碘。食物以外,烹調方法對食物碘含量有影響輕微,但如果你長期「懶健康」,只食沸水煮食物就要小心。因為碘會溶於水,令食物中嘅碘流失。近年大眾重視健康,有指岩鹽、海鹽比一般食鹽健康。原來天然海鹽嘅含碘非常微量,不足以提供人體足夠嘅碘。市面上有售加碘鹽,有人會靠食用呢種鹽嚟取代一般嘅食用鹽,以補充碘。不過要留意,如果用碘鹽,膳食碘攝入量會高於推薦攝入量,但低於可耐受最高攝入量。世衞認為,以成年人膳食計,用碘鹽代替每日從整體膳食所攝入的5克普通食鹽大致上是安全的。如依照世衞建議每公斤食鹽添加2040毫克碘計,食用碘鹽就可每日從膳食額外攝入100200微克碘。

 

孕婦缺碘影響嬰兒智商

碘攝入量每日低於50微克的下限,可能會引致甲狀腺腫。碘是甲狀腺合成甲狀腺激素必需的元素。甲狀腺激素對於腦部和中樞神經系統的生長發育具有重要作用,可調控多種新陳代謝功能,例如調節機體產生能量。如果人體的碘攝入量不足,就唔能夠製造足夠嘅甲狀腺激素,對健康造成多種不良影響,包括令發育中的腦部受損、甲狀腺腫(俗稱「大頸泡」)、克汀病(又稱,「呆小症」,體格和智力發育嚴重遲緩)、甲狀腺功能減退,以及其他不同程度的生長發育異常情況,統稱為碘缺乏病。孕婦/授乳的婦女和嬰兒/幼童特別容易患上碘缺乏病。住在嚴重缺碘地區嘅人比住在沒有碘缺乏地區嘅人智商可能要低13.5分。

 

過量碘致甲亢

食安中心曾經做過研究,抽取2百多個食物樣本檢測碘含量,發現大部分藻類和藻類製品的碘含量都很高。如因過分擔心碘不足而以狂食紫菜零食嘅話,未必係明知之舉。以預先包裝的零食紫菜為例,平均碘含量為每公斤34,000微克。進食一包中型重約2.53.0克的獨立包裝紫菜,碘攝入量已達世衞就健康嘅成年人所定的每日建議攝入量約57%-68%;進食較大包的紫菜,碘攝入量便會輕易達到世衞所定嘅每日建議攝入量。進食約10包紫菜,碘攝入量便會超過中國營養學會制定的可耐受最高攝入量,即每日1,000微克。缺碘會致健康問題,食得太多碘都係唔健康喎,因為會導致甲亢。如大量攝入,碘很快會經腎臟排到尿液中。但長期過量攝取碘,可擾亂甲狀腺的正常功能,以致出現甲狀腺功能亢進、甲狀腺功能減退等。

 

每日食碘鹽應少於5

再講多次,只要日常飲食正常,唔偏食,平時有食海水魚、有在日常飲食中食到紫菜、海帶等藻類,基本上唔會缺碘。如果真係選擇以碘鹽代替一般食用鹽,建議應將碘鹽放喺密封有色容器內,並置於陰涼乾燥的地方,而且最好喺上菜時先落碘鹽。因為碘鹽內嘅碘一般唔穩定,會因潮濕、受熱和陽光照射而流失;另外要緊記每日從整體膳食攝入嘅鹽分應少於5克。選購碘鹽時,必須查睇清食品標籤列明嘅碘含量,避免攝取過量。

 

 

你或會有興趣的相關文章:

想食魚生又驚有寄生蟲? 食刺身7大注意事項

女士必愛!嚴選4大超級食物讓你健康食住瘦

 

 

TEXT: MaryLin

相關文章
洗衫勁落洗衣液             小心殘留刺激皮膚過敏洗衫勁落洗衣液 小心殘留刺激皮膚過敏 食紅棗補血攝鐵量有限!         食紅棗補血攝鐵量有限! 以為藍光搞到瞓唔到?              其實黃光更令人醒神以為藍光搞到瞓唔到? 其實黃光更令人醒神 支持環保走塑轉用鋼飲管         用來飲呢3款飲品恐壞健康支持環保走塑轉用鋼飲管 用來飲呢3款飲品恐壞健康 武漢肺炎喺哺乳類動物傳播│北京寵主瘋搶狗口罩護狗武漢肺炎喺哺乳類動物傳播│北京寵主瘋搶狗口罩護狗 開P忍唔住美食誘惑                   掌握飲食3招唔怕食肥開P忍唔住美食誘惑 掌握飲食3招唔怕食肥 新手扮大廚	炒飯炒蛋定炒飯先?新手扮大廚 炒飯炒蛋定炒飯先? 大掃除做家務手好痛   常做重複性動作易患「網球肘」大掃除做家務手好痛 常做重複性動作易患「網球肘」