冬天腳仔凍冰冰瞓唔到 著襪瞓生蘿蔔仔香港腳| likemagazine.com.hk
Beauty & Health
冬天腳仔凍冰冰瞓唔到		著襪瞓生蘿蔔仔香港腳

冬天腳仔凍冰冰瞓唔到 著襪瞓生蘿蔔仔香港腳

天氣終於轉涼,有番啲秋冬感覺。溫度下降,夜晚上床瞓覺匿喺暖暖被窩本來係一件好正嘅事,但好多女生因為對腳點搓都唔暖瞓唔著。為咗令對腳暖啲,有人著襪瞓覺,但阿媽會鬧,話會生「蘿蔔仔」!唔想成晚腳仔冰影響睡眠質素,可以點做呢?

 

著錯襪腳腫又癢

冬天著襪生「蘿蔔仔」,所講嘅「蘿蔔仔」,其實係將凍瘡形象化。因為患者腳指手指腫起,像迷你版蘿蔔,所以有咁嘅俗稱。凍瘡嘅成因,天氣凍係主因,加上身體血液循環唔好,血落唔到手腳,遇上周遭潮濕,於是出現發腫發癢嘅問題。本來冬天天氣凍,唔會有潮濕問題,但因為有人怕凍著襪,而且著咗太厚或質料唔透氣疏汗嘅襪,例如羊毛襪,再加上被窩暖和氣溫,人體自然排汗難蒸發,製造咗溫潮嘅環境因素。除咗生「蘿蔔仔」之外,冬天著襪瞓,如果對襪質地唔好,size過細太緊束住對腳令血行得唔順,而且對襪污糟唔常洗有菌,更有機會得俗稱「香港腳」嘅腳癬病。

 

浸腳暖足瞓得好

女生體虛手腳冰冷,瞓覺著襪其實無話唔得,古人都係咁做,但揀襪時要緊記宜寬不能緊,而且質料要透氣排汗。另外,瞓前浸腳,促進血液循環,令雙腳暖和起嚟,都係方法。用嚟浸腳嘅熱水,溫熱度令你有舒服感即可,勿用熱到辣腳溫度,一來有機會燙傷,二來水溫太熱破壞皮膚嘅自然保護屏障,變乾燥生痕癢。可在水中加34茶匙酒和小量薑片,加強促進血液循環功效。浸足約20分鐘便可以。浸腳好舒服,但唔係人人啱,如患有心血管疾病和糖尿病就唔多適合,最好問過醫生意見先浸。而有靜脈曲張嘅人浸腳都要小心,可能會令下肢充血,愈浸愈腫。

 

暖水袋包毛巾暖腳

如果嫌浸腳工序麻煩,簡單啲可以用熱水袋暖腳,不過記住要用毛巾將暖水袋包好,讓熱力慢慢均衡散出嚟,也可避免得暖水袋表面溫度過高,燙傷腳部較薄嘅皮膚。此外,瞓覺前做輕量拉筋運動,都有助氣血運行順暢啲,長遠嚟講,做運動可改善體質,有利而無害。

 

 

你或會有興趣的相關文章:

驅寒強身玩手指就得?  手指瑜伽郁郁手指行氣血

天氣轉手腳冰冷  食番薯暖包放穴位保暖

 

 

TEXT: MaryLin

相關文章
濕髮瞓覺壞處多  濕邪入侵髮質變差皮膚乾濕髮瞓覺壞處多 濕邪入侵髮質變差皮膚乾 油菜加蠔油/腐乳/豉油                               鈉含量暴升300-540%油菜加蠔油/腐乳/豉油 鈉含量暴升300-540% 咁先夠「滑蛋」?滑蛋未煮熟增食物中毒風險!咁先夠「滑蛋」?滑蛋未煮熟增食物中毒風險! 英國營養師斆路  食得健康5種食品永不沾唇!英國營養師斆路 食得健康5種食品永不沾唇! 濕紙巾唔係濕咗嘅紙巾              污染環境含防腐劑濕紙巾唔係濕咗嘅紙巾 污染環境含防腐劑 膳食纖維係人體清道夫                              紅腰豆比蘋果連皮更多纖維膳食纖維係人體清道夫 紅腰豆比蘋果連皮更多纖維 冬天唔想dry到變阿婆                               4個日常防燥要點冬天唔想dry到變阿婆 4個日常防燥要點 素食主義者過分執迷淨食	可能患健康食品癡迷症素食主義者過分執迷淨食 可能患健康食品癡迷症